اللى جايب 50 % ادبى يروح فين ؟؟؟
 

ياجماعة انا فى ورطة كان عندى ملحق عربى و امتحانته و كنت مستنى النتيجة كدة كدة هاجيب 50% بس مش عارف اروح بيهم فين و اقدم فى التنسيق ازاى اكتب ايه فى الرغبات ؟؟؟ واخر معاد امتى؟ و ايه الاكاديميات اللى تاخدنى ؟؟ وايه نظام الجامعة المفتوحة ينفع ادخولها ؟؟ وكليات ايه المتاحة ؟ وبقدملها تبع التسيق ولا لا ؟؟ واخ معاد امتى ؟؟و النبى حد يساعدنى علشان انا محتاس

الجامعة المفتوحة متاح الان كليات اداب وحقوق ممكن يكون في اعلام
وبتقبل من50%
اما بالنسبة للكليات المتاحة حضرتك عند كتابتك للرغبات من موقع التنسيق تظهر لك كل الكليات والمعاهد المتاحة لك

شكرا يا بوبوسا وهو انا اقدر اقدم دلوقتى ؟؟ و ممكن الموقع ؟

يعني مفيش تجارة دلوقتي في التعليم المفتوح

يعني ايــــــــــــــــــه
 

يعني مفيش تجارة تعليم مفتوح القاهرة ؟؟؟؟

العفو
لا متقدرش تقدم النهارده التقديم لسه مافتحش يعني ممكن يبتدي كمان يوم اويومين وده موقع التنسيق اللي هتقدم منه حضرتك

• ترقبوا فتح التسجيل للدور الثاني والمتخلفين

في نفس المكان هتلاقي مكتوب التسجيل وقت مايتفتح تنسيق المرحله الثالثه

بعد ماتضغط على اللينك تضع اسمك والرقم السري الموجود في ملف حضرتك في ظرف موبينيل وبعد كده تختار الكليات اللي هتكون متاحه لحضرتك وبتكتب 48 رغبة بعد كده هتلاقي بيانات تكتبها وتنهي التنسيق بس قبل ماتنهيه اطبع الرغبات اللي حضرتك كتبتها

http://www.tansik.egypt.gov.eg/application/

حضرتك في التوقيع كاتب من قام رمضان وهي المفروض من صام رمضان
في الاسكندرية مافيش تعليم مفتوح تجارة ده اللي كتبته جريدة الجمهورية
بس في احتمال انها تفتح تاني معرفش فيه تجارة في بقية المحافظات ولا لاء

ياجماعة يوجد فى جامعة اسكندرية تجارة مفتوجة وحقوق وتربية وسياحة
انا اصلا من اسكندرية واصحابى مقدمين تجارة عادى

معلش هتعبك معايا بس هو ايه ظرف موبينيل انا عندى جواب ابيض من المدرسة مكتوب فيه كلمة السر هو ده؟؟
انا سمعت ان فى جامعة مفتوحة فى جامعة عين شمس و بتقبل ثانوية عامة الكلام ده حقيقى ؟ و اية الاقسام اللى فيها ؟ هو مفيش تجارة جامعة مفتوحة ؟؟

وانا كمان من اسكندرية علشان كده بتكلم عن التعليم المفتوح بالاسكندرية انا قلت اللي اتكتب في جريدة الجمهورية ان كان بداية شهر 9 مش فاكرة اليوم بالظبط ان القبول بتجارة اسكندرية اتقفل بس انا مش متاكده اذا كان كلامهم صح ولا لاء وكتبت انه ممكن تتفتح تاني

هو الجواب ده صح بس اللي انا كنت اخدته كان في ظرف موبينيل وطالما مكتوب في الظرف انه الرقم السري يبقى هو ده اللي حضرتك هتقدم بيه من على النت
صح في جامعة مفتوحة في عين شمس كليات اعلام وحقوق واداب وتجارة وزراعة
وفي تربية في اسكندرية بس مش عارفه في تربية في عين شمس ولا لاء
وهكتب لحضرتك دلوقتي الاقسام اللي متوفرة في كل كلية
والتعليم المفتوح بيقبل الطلاب الحاصلين على الثانوية العامه بمجموع 50%

شروط الالتحاق التعليم المفتوح
جامعة عين شمس

• الحصول على الثانويه العامه أو الثانويه الازهريه أو ما يعادلها من الثانويه العربيه أو الأجنبيه وكذلك الدبلومات الفنيه وبشرط مضي فترة خمس سنوات على الأقل من تاريخ الحصول عليها باستثناء المؤهل العالي
• الشرط ده اتلغى
• الحاصلون على المؤهلات فوق المتوسطه (الدبلومات الفنيه نظام السنتين أو المؤهلات الجامعيه ذات العلاقه بالدراسه فيلزمهم احضار بيان نجاح في المقررات السابق دراستها وكذلك شهاده بالتقديرات والدرجات الحاصل عليها وكذلك لعمل المقاصه اللازمه لكل معهد .
• بالنسبه لقبول الطلاب الوافدين بكليات التعليم المفتوح يتم بمجرد حصول الطالب على الثانويه العامه بشرط النجاح بمجموع لا يقل عن 50% من مجموع الدرجات.

• بشرا لطلاب الثانوية العامة دفعة 2008/2009 تمت الموافقة على قبول حملة طلاب الثانوية العامة دفعة 2008/2009 بدون شرط الخمس سنوات اعتباراً من العام الجامعي 2009/2010

والكلام ده كله من موقع جامعة عين شمس التعليم المفتوح وده اللينك
http://www.olc.shams.edu.eg/olc_deta...%دفعه2008/2009

اقسام كلية التربية جامعة اسكندرية تعليم مفتوح
1- الادارة امدرسية وتتيح للدارس التدرج في السلك الاداري
2-تربية خاصة (ذوي احتياجات خاصه)
3- معلم فصل تتيح للدارس ان يكون مدرس فصل بالمرحلة الابتدائية
4-اتصال واعلام تربوي
5-تعليم كبار
6-مجالات علمية تعليم اساسي
7-ارشاد نفسي
8-مكتبات مدرسية
9-توجيه وارشاد اكاديمي
10-تقويم وامتحانات
الدراسة اول اكتوبر انتساب -انتظام
الدراسة اربع سنوات كل سته مقسمه اترمين

بوبوسا بجد مش عارف اشكرك ازاى كلك ذوق بجد