|
فااااااااااات الاوااااااااااان
السلام عليكم ورحمة الله وبركاته كل سنة وانتم طيبين جميعا ويارب يكون رمضان سعيد عليكم اولا دى أول مشاركة ليه فى هذا القسم ... ومن غير ما اطول عليكم مش عارف أيه اللى دفعنى لكتابة الموضوع ده بس فى لحظة كده وأنا قاعد حسيت بالملل وقولت أنا عايز أعمل حاجة فى المنتدى غير التاريخ كل يوم ادخل قسم التاريخ وأدور على المشاركات الجديدة أو أكتب موضوعات جديدة وكل يوم على هذا الحال فتذكرت بعض محاولاتى الشعرية الخايبة اللى كنت كتبتها أيام الجامعة وقولت اكتبها لحضراتكم ويارب تعجبكم .. والمحاولة اسمها فات الاوان وتقوووول .. جلست انتظرها فى ذاك المكان فأخذنى عقلى لرحلة فى أعماق الزمان فتذكرت يوم كنا صغارا نلعب ونلهو فى أمان قلبين جمعتهما براءة الطفولة فى مكان نلعب سويا ولا نعمل حساب للزمان ويأتى الغروب فننصرف برفق وحنان ونفترق على وعد بيننا لنكمل ما كان ويأتى الضياء فنطير كعصفورين فرحا بالنور والامان ومرت الأيام عام بعد عام وافترقنا وتوهنا وسط الزحام واستيقظت من حلمى على صوت يقول... لما عدنا والتقينا بعد أن فات الأوان |
الله ع حضرتك تسلم ايدك حضرتك مبدع بجد ربنا يكرمك ................................... الموضوع اتنقل لقسم ابداعات الاعضاء علشان ده القسم المناسب حنشوف حضرتك هنا كتير بقي |
اقتباس:
|
يبدو أن الموضوع معجبش الناس بدليل أن مفيش ردود
|
تحية احترام وتقدير لحضرتك
السلام عليكم
كل سنه وحضرتك طيب كلمات جميله ورائعه جدا ننتظر المزيد تحياتي |
اقتباس:
لا ازاي مستر محمد كلمات حضرتك اكثر من رائعة جزاك الله خيرا |
كان من الأفضل يا مستر ان تكتب العمل شعرا ... فصحى أو عامية... و مافيناش من زعل
يمكن أن يصاغ العمل هكذا من كلماتك و فكرتك و قعدت كتير مستنى برضه ف نفس المكان عقلى يجيب و يودى نفسه يلاقى أمان قلبين زى العصافير وقت الغروب بحنان و لما الشمس تشقشق بيهرب منى زمان .............. ............ طبعا انا تدخلت فى الوزن و الموسيقى فقط لكن المعنى بتاعك فى إنتظار المزيد .. مع تحياتى .. شاعر من السنبلاوين و مدرس أول لغة إنجليزية |
اقتباس:
الف شكر استاذه نغم على كلماتك الرقيقة |
اقتباس:
شكرا جدا لمرورك وأتمنى لك التوفيق |
اقتباس:
شكرا جدا شاعرنا الكبير على الاضافة وآسف جدا على التأخير فى الرد ولكن دى كانت بعض محاولاتى أيام الجامعة وكنت باكتب اللى انا حاسس بيه وخلاص من غير دراسة أو نظام وحضرتك عارف المحاولات الاولى بتكون ازاى . |
| جميع الأوقات بتوقيت GMT +2. الساعة الآن 09:11 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.