عذاب الضمير.......؟
 

ظلمتك حبيبي ظلمتك كتير وربيت في قلبك جرح كبير
كدبت عليك وخونت عنيك وحاجات كتير خبيتها عليك
برغم حبك ليا ولهفتك وخوفك عليا
ظلمتك كتير وبعتك رخيص وسيبت الناس توقع وتهيص
ظلمت قلب كان طيب كان بيداوي الجرح ويطيب
وازاي عايز ترجعلي وكمان بتقولي سماح وانسي الي عدا كله وراح
انا الي جرحتك وانا الي عذبتك جاي بتقولي سماح وبرضا قلبك
انا ما استهلكش ولا عمري هارجع وبترجاك تبعد ولا مرة ترجع
عيشتك في تمثيليه وعشمتك بحب وحنيه
ما عرفتش ان القلب الطيب دا كان ملاك
كان ينجرح وينظلم وباردو ملاك
بس انا تعبت انا اتعذبت لاني جرحت لاني كدبت
عيشت ملاك في تمثليه كان له دور وأهميه
كان هو البطل المظلوم والي عايش في الحزن والآسيه
ابعد خلاص انساني انسى الكدب وانسى العذاب
انسى الجرح والحزن والعذاب وانسى كل الي فات
لكن انا عمري ما هنساك وعمري ما هنسا اني جرحت الملاك
سلام يا قلب عمره ما خان عمره ما عرف الا الحب والحنان















http://www.quizilla.com/user_images/...loudStrife.jpg


لا تبكي على من باعك بل اجعله يبكي على ضياعك

جزاك الله خيراً على هذا العمل الرائع

كلام جميل
يحتاج لإبحار طويل

شكرا والله على مرورك

أجمل شئ فى الدنيا إن الواحد يعترف بذنبه... كلمات رقيقة فيها الإحساس بالدفا
مليئة بالشجن و الحنان ...تجعل المتلقى ... يحترم الحروف المكتوبة المعبرة عن روح
القلق و التوتر و الحيرة .. العمل محتاج شوية تنسيق.. مع ضبط البحر... يا سلام لو تم اللحن له
من مقام الصبا.. لكى تكتمل أغنية خطيرة.. يكون المذهب أول شطرتين و تقسيم البقى فى 3
كوبليه.. طبعا دا من وجهة نظر ملحن و موسيقى.. لك تحياتى على هذه الكلمات العذبة الرقيقة

بجد موضوع كثير جميل ومميز
وبجد احساسك كثير جميل وبتعيشى الواحد وكأنه جوه الموضوع
ادام الله عليك نعمة الابداع
ويارب تفضلى تمتعينا باجمل المواضيع
فى رعاية الله يا قمر