هل ينفع كده فى معهد ملوى الإعدادى الثانوى الدينى
 

ياريت منطقة المنيا تشوف لها حل فى هذه الصور والله الموفق
الملف المرفق 25579

الملف المرفق 25580

الملف المرفق 25581

الملف المرفق 25582

الملف المرفق 25583

أولا بشكرك على الإهتمام على واجهة المركز ومكانته
كما أننى أشكرك على الإهتمام بشىء من المفروض من المسئولين عنه مراعاته والعمل على إصلاحه
ثانيا أعذرنى فى الكلام إلى هقوله
إن لا المركز ولا المحافظة بكاملها لها وجود فى حسبان أحد من المسئولين
المحافظة دى بالذات أرى إنها متناسية دائما لأ أعلم إذا كان هذا خطأ منا أننا كثيرى الإنشغال بأنفسنا عن المنشأت العامة أو أى خدمات أخرى أو من من يقوموا على رعاية محافظة المنيا

حسبى الله ونعم الوكيل
ربنا يوفقك

انا اري ان الازهر لازم يهتم بمنطقة الصعيد
وشكرا

يا اخوانا انا طالب في المعهد المذكور
اقول: إن هذه الصور عبارة عن فصول بها بقايا ادارج منكسرة سابقا واذا حدث خلل في الادراج السليمة التي يستخدمها الطلبة فان المسؤلين عن اتحاد الطلبة واسرة العلوم بقيادة الاستاذ ايمن فتحي مدرس الاحياء يقومون بترميم هذا الخلل ببقايا الادراج الموجودة في الصور
اما الصور الاخيرة فهي صورة للمبنى من الخارج
المشكلة مش في كده ، المشكلة في الشبابيك التي بلا زجاج ، احنا بنموت من البرد في الشتا
طيب سيبك من كده هنستحمل
المشكلة الاكبر في مدرسي المعهد اللى معندهمش ادنى تحمل للمسؤلية ولا اي اهتمام بالطلبة الا القليل منهم
الله المستعان

بما انط طالب بالمعهد ده فانتم السبب
انتم اللى خليتوا المعهد ده الاسوء فى تاريخ الازهر كله
وانا عارف المعهد ده وعارف طلابه
الاول اهتموا بالتعليم وبعدها هينصلح حال المعهد

كويس جدا اننا نكتب ونتكلم

ولاكن الافضل اننا نحاول نعمل حاجة ونحافظ عليها

للاسف كثير من الطلبة لا تهتم بالمدرسة وتعتبرها مكان للتنزه ومكان له مطلق الحرية في استخدام اي شئ منه او اهمال اي شئ فيه

عندك مثلا في اخر يوم امتحانات كل الطلبة بتطلع وتكسر الزجاج والى يكسر الادارج وحاجات كتير من كدة

طبعا الوزارة مش فاضية للكلام الفاضي ده كله لانه بيحصل كل سنة مش كل 5 او 10 سنين

انت شايف خلل حاول تجمع طلبة وتجمع شوية مدرسين وقرروا حاجة يا تاخدوا يوم تساعدوا بعض وتحاولوا تظبطوا الموضوع وكل واحد يدفع مبلغ ويظبط حاجة يا اما تستحملوا كدة

واساسا مفيش جديد الموضوع ده للاسف موجود في اغلب المدارس وخاصة الصعيد

وزى ما قالت بنت الريف ان فعلا محافظة المنيا بل اغلب محافظات الصعيد لا تنظر لها الدولة ابدا

مع ان هذه المحافظات تحتاج لمزيد من الاصلاح

والله ولى التوفيق

اخوك احمد

اشكرك اخى على هذا الموضوع المهم لانى طالب فى هذا المعهد وارى التسيب الذى يحدث فيه وعدم المبالاة من المسئولين

المشكله انى المنطقه الازهريه ودن من طين وودن من عجين

صباح الخير على المنياوية الى زيي
المفروض نهتم بهذا الشئ موضوع ممتاز

يحتاج كل منا الى تحمل المسئوليةونبدا اولا بانفسنا ونعمل بقول الله تعالى ( وقل اعملوا فسيرى الله عملكم ورسوله والمؤمنون ) صدق الله العظيم فاين نحن من العمل كل منا يلقى المسئولية على الاخرين ولا يقوم كل منا بعمله وقد نسينا قول الرسول : (ان الله يحب اذا عمل احدكم عملا ان يتقنه ) صدق رسول الله

جزاكم الله خير

ولا حول ولا قوة الا بالله العلى العظيييييييم