نفسك امتحان رياضيات 1 (2010)يكون سهل ولا صعب
 

بسم الله الرحمن الرحيم
بعد امتحانات 2008 والضجة اللي عملتها امتحانات الرياضيات بسبب صعوبتها خاصة رياضيات 2 وبالاخص امتحان التفاضل والتكامل
انقسم المدرسون بين مؤيد ومعارض
صعوبة الامتحان ساعتها كانت مفاجأة لم يتعود عليها الطلاب ولا حتى المدرسين لدرجة انه حدثت حالات انتحار
وتمر اسابيع وتظهر النتيجة اللي طبعا كانت وحشة في نظر الطلاب واولياء الامور
وتمر اسابيع اخرى ويظهر التنسيق اللي كان مفاجأة (91في المية دخل كلية الهندسة )مع العلم كان تنسيق السنة اللي قبلها هندسة اخدة من 95 في المية
بعد اللي حصل المدرسين بدأت تشتغل بنظام جديد وهو ازاي يشغل دماغ الطالب واتشرحت اسئلة صعبة كتير وبدانا ندور على اسئلة الأوليمبياد وكان مع مدرسي الرياضيات مدرسي الفيزياء ايضا
وبصراحة تعبنا جامد حتى هنا في منتدى بوابة الثانوية العامة طرحت اسئلة جميلة اثرت المادة العلمية لدي ولدى كثير من مدرسي الرياضيات
وجاء امتحان 2009 عكس التوقعات (سهل جدا ) ومع ذلك برده خرج الطلاب يشتكون من صعوبة الامتحان حتى ان بعض الصحف وصفته بالمذبحة
طبعا سهولة الامتحان ضيعت مجهود مدرسين كتير
المفاجأة بعد الامتحان السهل ده جاءت درجات الرياضيات لكثير من الطلاب مخيبة للامال وذلك بسبب سوء التصحيح حتى ان بعض الطلاب كشف على ورقته اتلقى ان في سؤال كامل مش متصحح
وبعدها قلنا خلاص يوم ما هايزيد التنسيق هايزيد 1 في المية
ولكن التنسيق زاد اكتر زاد مابين 3 و 4 في المية
معلش انا صدعتكو
المهم بعد الكلام ده نفسك امتحان 2010 يكون سهل ولا صعب

لا طبعا انا نفسى يبقى صعب بس ميبقاش تعجيزى يعنى يهتم بالنسب اللى معتمدة من الوزارة يكون 15% منه للمتفوق لان لو فضل نظام الامتحانات زى النسة اللى فاتت دى بالتفاهه دى الكليات هتعلى اوى ونظام التعليم هيبقى وحش اوى

سهل ولا صعب مش هتفرق يا مستر محمد المشكلة فى التصحيح بعد يا عينى اما تطلع عنينا فى المذاكرة ونكون متدربين على الامتحان السهل او الصعب والطالب يحل كويس فى الامتحان سواء صعب او سهل ويلاقى نفسه جايب درجة وحشة يبقى العيب فين؟:bosyht9::bosyht9::bosyht9:
يلا بس احنا برده نعمل اللى علينا وربنا هيوفقنا ان شاء الله.

عندك حق فعلا يا مستر كريم بس انا فعلا كل خوفى من التصحيح لان كل اللى اعرفهم كانو متفوقين بس اضربوا فى التصحيح يلا ربنا معانا ان شاء الله احنا بس نعمل اللى علينا وربنا هيقف معانا مادام احنا مابننساش ذكره.
لا اله الا الله والله اكبر والحمد لله.

تحية طيبة استاذ كريم
وتحية خاصة لك مرمرينا
هو لما كل الطلبة تجيب درجات نهائية استفدنا ايه
ولما تطلع الاولى على الجمهورية السنة دي (2009) وتقول في لقاء لها مع التليفزيون المصري انا ماتساواش بواحد جايب 95 في المية وكأن اللي جايب 95 في المية ده واحد فاشل
ليه ال90 في المية مايبقلهاش قيمة
وبعدين من خلال خبرتي البسيطة ملاحظ ان الامتحان السهل بيبقى التصحيح فيه وحش والعكس

انا في انتظار مشاركات بقية الزملاء
وفي انتظار مشاركات طلابنا الاعزاء (اللي طبعا في عدد كبير منهم دلوقت زعلانين مني )

أمين ومش أمين
هههههههههههههههههههههههههههه
ربنا يسهل ان شاء الله وربنا معانا كلنا:bosyht9:

انا مرعوب اوى ليحصل مصيبة زى اللى حصلت
والهندسة خدت من 95%

دى هتبقى كارثة
ههههههههههههههههههههههه

شوفو كدة الموضوع دة
http://www.thanwya.com/vb/showthread...02#post1600302

ولما التنسيق ينزل عشان السنة الفاضية تفتكر في السنة دي الجامعات الخاصة هاتقفل !!!!
ده كل سنة بتظهر كام جامعة وكام كلية خاصة جديدة
واضح ان الموضوع مربح !!!
كده كده الاعداد اللي بتدخل كليات القمة أو غيرها بتبقى متحددة قبل التنسيق
الغرض من الامتحان الصعب هو تقليل دور الحظ ويدخل كليات القمة من يستحقها

يارب الامتحانات كلها تكون صعبة بس التصحيح يكون على حق وكل واحد ياخد نسيبه

لان الامتحان الصعب بيكون فى صالح الطالب لان الطالب لما بيكون مذاكر كويس مبيعرفش ان الامتحان دة صعب لان بيستسهلة وبالتالى بيحل كويس ولكن لما بيخرج من اللجنة بيلاقى اصحابة الى بيعيط والى بيصوت والحركات الهبلة دى الان الكلام دة مبيفدش بحاجة خالص الا تفريج عن النفس يعنى بيبدا يحس ان الامتحان صعب

ولكن على طول الطلاب بيعيطوا حتى لو الامتحان سهل موت دى عادة عند البنات يعنى ربنا معنا ومع الطلاب جميعا

دة راى محدش يزعل من الكلام دة

ويارب التفوق على طول