|
انتي طالق بالمليون .. وبدون رجعة
انتي طالق بالميلون يلا اغربي عني قرفتيني امشي بقى يلا وفارقيني لزقة اوي بايخة وتلقيحة من غيرك انا عيشتي مريحة يلا ويلا ألفين يلا وحياة امك دمك سمك يلا اغربي عن وشي وعيني يلا اغربي عني فرقتيني ****** عاملالي فيها كيلوباترا؟ وأنا ولهان دايب انتونيو شايلك ماشي بيكي يا قادرة مبسبكيش غير جوا البانيو خايف تتبلي يبان وشك المستور ببياض الرقة وشك يتبطع وهيتطلع لون قلبك الأسود ع الورقة يلا ويلا وألفين يلا وحياة أمك دمك سمك يلا اغربي عن وشي وعيني يلا اغربي عني قرفتيني ******** أنا طلقتك مليون طلقة ولا ليكي رجعة ولا نفقة ولا عاوز غير اني اشوفك ساكنة وسط النار الحارقة زي ما كنتي بتحرقي عمري زي ما كنتي بتسرقي عمري بس بايدي سمحت لايددك تنهش عمري يلا ويلا ألفين يلا وحياة أمك دمك سمك يلا اغربي عن وشي وعيني يلا اغربي عني قرفتيني ******* عشرين سنة وأخيراً حر وبايدي انا هاخد الأمر مش هضعفلك تاني واردك عديت فيكي حدود الصبر يا سجاير محشية بموتي أنا عايش من غيرك .. موتي مش هتفرج تاني عليكي وانتي بتفتحي ليا تابوتي يا سمسار واصل لحانوتي مش هفضل اديكي سكوتي انا انسان يا سجاير ... فوقي مش هسمحلك تركبي فوقي دا انا سيد كائنات الدنيا تيجي ببساطة تسودي تسوقي؟ يا سجاير طالق بالمية بالمليون أو بالميار راح اطفي نارك بالمية واللي هيرجع يبقى... حتى حماري ما يرضى يدوقك عمركو شوفتوا حمار بسيجارة من اليوم دا أنا هركب فوقك من اليوم دا كيلوباترا حمارة.. نداء لكل مدخن .. والله العظيم قعدت عشرين سنة بدخن والحمد لله رمضان كريم :022yb4:بطلت السجاير :022yb4: :022yb4:بطلت السجاير:022yb4: :022yb4:بطلت السجاير:022yb4: والحمد الله ملحوظة :: "طبعاً كيلوباترا كلنا فاهمناه" مش الملكة طبعاً .. ههههه أسألكم الدعاء |
رائع الاستاذ احمد كعادتك
هل طلقتها فى رمضان ؟ وايام العدة فى السيجارة كام نفس؟ عموما انا اول من يبارك لطلاق اما بالنسبة لى لايجوز الطلاق لان المرة القادمة يبقى محلل تقبل سلامى وتحياتى |
ياراجل فكرتك بتطلق بصحيح.. بسرعة و جريت أدور لك على عروسة... و يهون عليك العشرة... عموما أنا
عندى شيشة محترمة بس لسه على ذمتى .. لو عايزة , خدها بعد شهور العدة |
رائع وجميل يعني علي المأذون مش هيلاحق طلاقتك المليون
|
الأخ أحمد
كيف حالك؟ ألف مبروك إقلاعك عن السجائر الملعونه |
مبروك يا أستاذنا
و ربنا يتوب علي كل مدخن يا رب و ربنا يثبتك و طبعا تصويرك للواقع تحفة على الصعيد الأدبى و واحشنى كتير كتير على الصعيد الأخوى |
ايه ده بس انا عماله اشوف الموضوع واقول ايه ده لحد ماعرفت الحقيقه..هههههههههههههههههههه
الف مبروك ويارب ماترجعش لكليوباترا تانى ولا حتى للبوكس....هههههههههههه بجد موضوع كثير جميل ومميز زى ماحنا متعودين طبعا ويارب تفضل تمتعنا بمواضيعك المميزه فى رعاية الله |
اقتباس:
والله يا أ/ محمد أشعر بنشاط ذهني كبير جداً واشعر أن ولدت من جديد بارك الله فيك وشكراً على ردك الرائع اقتباس:
اقتباس:
اقتباس:
اقتباس:
اقتباس:
|
|
ازيك يا استاذنا ؟
كلماتك وقصائدك جميلة ودائما نحب أن نتذكرها وكلما اشتقت إليك أروح إلى ديوان أعمالك المثبت فى صدر الإبداعات أو أغدو إلى تواصل القراء للغوص فى قصائدك فيعجبنى تواصل القراء اللذين يقومون بالرد الدائم على كل أعمالك القديمة والجديدة فياريت تعطى اقتراح من حضرتك لمسئولى قسم الإبداعات لو فيه فرصه يعنى يعملوا ديوان صغير لبعض الشعراء أو لكل شاعر بالتبادل مع بعضهم طبعاً بخلاف مجهوداتكم انت والأخ أحمد رضا فى معرض شعراء الابداعات دمت بخير حبيبى وكل عام أنت بخير |
انتي طالق بالميلون
يلا اغربي عني قرفتيني امشي بقى يلا وفارقيني لزقة اوي بايخة وتلقيحة من غيرك انا عيشتي مريحة يلا ويلا ألفين يلا وحياة امك دمك سمك يلا اغربي عن وشي وعيني يلا اغربي عني فرقتيني الصراحة انا خفت فى الاول وقلت ازاى استاذنا يقول كده لحد ما فهمت فى الاخر الفكرة جميلة كالعادة طبعا مبدع الف مبروووووووووووووك وعقبال كل المدخنين ربنا يساعدك ويقويك وتسلم ايدك وتقبل تحياتى ومرورى شكرا |
ألف مبروك على الإقلاع عن التدخين
ويارب تستمر دايماً |
اقتباس:
دايماً منوراني اقتباس:
دمت بخير أخي الكريم اقتباس:
لا متخافيش هههههههههه سليمة الحمد لله اقتباس:
|
بصراحة اول مرة اقرأ هذه القصيدة بس بجد رائعة وفكرتها مؤثرة ربنا يعافي منها كل المسلمين والف مبروك على اقلاعك عنها وجزاك الله خيرا
|
| جميع الأوقات بتوقيت GMT +2. الساعة الآن 09:01 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.