|
ازاى الثانوية فرقت فى شخصيتك
اكيد اى مرحلة تعليمية و عمرية بنعدى بيها بيبقى ليها تاثير على شخصيتنا و بتغير حاجات كتيرة اوى فيها مثل طريقة تفكيرنا و كل مرحلة ليها سلبيات و ايجابيات يا ريت كل عضو انتهى من مرحلة الثانوية يدخل يقول ايه كان اثرها ع شخصيته يعنى استفاد منها ايه و كمان ايه كانت سلبيتها عليه انا هابدا انا فى اولى كلية و الحقيقة انا استفدت من الثانوية حاجة مهمة اوى و هى انى بقيت اجتماعية و ده نتيجة للدروس اللى خلتنى احتك بناس ما اعرفهمش و كان لازم انى اكون معارف و صداقات و ده نفعنى جدا فى الكلية بقى من الساهل انى اتعرف على الناس و السلبية انها خلصت مخزون المزاكرة اللى عندى يعنى حاسة انى مش قادرة ازاكر ...........يا رب ده يكون موقتا |
لا أشعر انها قد أثرت في
فانا كما انا :) |
شكرا ع مروركم الجميل يا اسيل و يا مغترب
و ممكن انت تكون مش واخد بالك من تاثيرها thank u |
ميرسي رنوني على الموضوع
انا كمان اولى هندسه زراعيه انا خدت من الثانويه حاجات كتير اهمها الكائبه و الحزن و العياط و الانقطاع عن العالم خدت منها كمان انها فرقت بيني و بين اصحابي اللي بقينا كل واحد في حته بس انا الحمد لله اتخلصت من كل الحاجات دي في الفتره اللي فاتت و بقيت مستعده مره تانيه للمذاكره ووجع الدماغ .... و اهم حاجه التفوق و لو على اصحابي فاحنا بنتقابل برده و بنروح الصبح مع بعض و احيانا بنرجع مع بعض و في رمضان كنا بنصلي التراويح كل ليله مع بعض بس احنا للأسف بدأنا كل واحده تنشغل باللي و راها بس لا يمكن ان شاء الله ننسى بعض |
انا لسة فى الثانوية
لكن الثانوية علمتنى اتحمل المسؤلية وشكرا |
انا خلال الثانويه حسيت فعلا بذاتي الحمد لله كان كل مدرسيني بيحبوني
وكانوا دايما بيدوني نصائح تساعدني في حياتي مش بس في الدراسة ومن ثقتهم فيا اللي انا لاحظتها انا حسيت فعلا باني ليا قيمة في الدنيا وبالتالي ده اداني ثقة في نفسي و اكيد الثقة دي ادتني قوه ان شاء الله هكمل بيها حياتي ............ انا بشكر كل الناس دي اللي ساعدتني بجد لما لاقت فيا الامل ...... |
مع انى لسه فى ثانوية بس بصراحه الثانوية شحططنا وعلمتنا الادب بجد النهارده احنا فى مكان وبكرة فى مكان ده انا درس الكيمياء بتاعى بركبله مواصلتين _ اذا ربنا كرمنا ولقينا _ وكمان الساعه 8 الصبح يعنى علشان اوصل .. اخرج امته واجهز امتى ده انا مدرستي لما بروحها بروحها 9 الا ربع ... ده غير ان مثلا فى الانجليزى لفيت _ الى الان_ على 3 مدرسين وحاليا انا عند الرابع وكل واحد بطريقه وطلبات و و و و .......... بجد ربنا يكرم الثانوية نسيت اقولكم يا جماعه ادعولى علشان عندى بكرة 3 دروس بس ... |
انا والله لسه فى ثانوية ومخنوق منها خنقة طين
ونفسى تعدى بخيرها وبشرها شكرا على الموضوع |
والله الثانوية اثرت فيا قوي
علمتني ان الاستهزاء بالحاجا بيضيع الواحد انا كانت امنيتي اني ادخل كلية طب واطلع جراح :( جبت في تاينة ثانوي 98 في المية قلت يا حلاوة ما هو سهل اهو ال ثانوية عامة ال انا متغرتش بس ركنت على مجموع سنة تانية وفكرت ان التنسيق هيثبت بس للأسف بأى اتغير جبت في تالتة 94 في المية ولولا الواحد في المية بتاع المستوى التخين كان زماني بشحت ع السيدة بس الحمد لله رب العالمين ربنا وفقني ودخلت كلية صيدلة والحمد لله مبسوط فيها اي نعم مفتحتش كتاب بس مبسوط اتعلمت من الثانوية ان ليس المجد تمرا انت آكله .... لن تبلغ المجد حتى تلعق الصبر واتعلمت الاعتماد على النفس وتحمل المسؤلية واتعلمت ان الدروس دي مضيعة للوقت وبرضو انا اتعلمت حاجات كتيرة قوي منها الصبر وتحمل الملل الرهيب بسبب المزاكرة |
بلاش اجاوب ع السؤال دا
انا داخل الثانوية وانا مش محترم كلام بس شكلي حطلع منها ع الاحداث ان شاء الله |
فرقت جدا
فرقت خالص لن اقول ايضا الا قول الشاعر المعاصر:- واذا ما دخلت ما يسمى ....بثانوية بئس مكانا ومثوى انا حاليا بقايا شخص لكن الواحد اتعلم ان الدولة لما يبقى نفسها فى حاجة بتعرف تعملها |
اه ثم اه ثم اه من الى ماتسمى الثانوية
حاجة ملهاش شكل ولا معنى زرعت الحزن فى قلوبنا وماسبتة كملت بالكابة والمرض دخلنا شباب خرجنا شيوخ مساجين العباسية صعوبنا عليهم واساتذة الثانوية عصرونا دروس خصوصة وخدنا بكا ونواح اخر السنا مقصرنا مجاميع منيلا شلنا نعمل ايه اكتر من كدة انا رايح 3 ثانوى ادبى وكان نفسى ادخل سياسة واقتصاد لكن يلا المهم ربنا يوفقنا واتعلمت ( لا تؤجل عمل اليوم الى الغد ) وانا لن انسى هذه المقولة مدى الحياة وطهقانة وعايزة السنة تعدى بسرعة علشان اروح الكلية |
ميرسى اوى يا جماعة على مروركم
و ربنا مع اللى فى 2و3 ثانوى و يدخولوا الكليات اللى عيزينها |
اكيد فعلا اى مرحلة عمرية فى حياة الانسان بتفرق حتى لو الابتدائى وشكرا لكاتب الموضوع وجزاك الله كل خير
|
شكرا يا dokoعلى المرور الكريم
|
| جميع الأوقات بتوقيت GMT +2. الساعة الآن 04:17 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.