|
فى مــــدح قرية سنتريس
بعد العصارى ووسط السريس
جلست وبعد ما ملكنى التهييس انطلقت بصوتى مادحا سنتريس* فقلت: مشربتش ميتها منزلتش ترعتها جربتش تجرى و تهرب من عض كلابها و قطتها ما اكلتش درة نيلى طب جرب و ادعيلى و ان جالك امساك ابقى تعالى ساعتها و اشتكيلى ************ دور على اجزاخانه هاتلك منها شربة ملح بعديها بحوالى ساعه هتلاقى ان الامساك بح خلاص انسى و معلش يا حبيبى متضايقش اومال يحصل لك ايه لو اكلناك المش؟ فى بيوتها و اراضيها فى طرومبة بتسقيها اشرب منها و قابلنى لو مجالكش اسهال بعديها ************ شوفنا ناموس حوالينا قطع لنا ايدينا جربنا نخلص منه راح مخلص هو علينا براغيتك تعبانا ورمت افانا تفضل لازقة فى هدومنا اصلها يا حرام جعانة شربت من دمنا بهدلت امنــــــا صرخنا قالوا معلش مش واخدين على فرشنا ************ هى دى قريتنا و كمان حكايتنا لو نفسك روحلها دى مش مسئوليتنا *قرية بمركز اشمون محافظة المنوفية و هى مسقط رأسى |
ههههههه
شكل حضرتك معجب بيها اوى |
ميرســـــــــــــــــــــــــــــــــــــــى |
قرية جميييييلة لابد من زيارتها
|
الدعاية دى هايلة بس مش للجذب للتنفير
|
على فكرة أنا من أشمون نفسها وشايفة إن سنتريس جميلة
|
هههههههههههههههه
ربنا معاك تقبل مرورى |
ماشي يا عم بس سبك الأحد أحلي من بلدكم
مع تحيات جيرانكم |
سنتريس
انت شكلك زهقلن منها بس اقولك حاجه سنتريس جميله جدا بس ناسها واهلها الي فيهم صفات مش كويسه
|
على فكرة انا من سنتريس وعايز اتعرف عليكم
|
هي سنتريس دي فين أصل فيه قرية اسمها سنتريس تبع مركز ابوكبير بمحافظة الشرقية بتنطبق عليه نف المواصفات افتكرتها هي لكن بعد كلامكم عرفت انها مش هي |
الأخ الدكتور أكرم
أولا أهلا بك زجالا تحاول كتابته كنت نفسى أول ما أقرأ لك أقرأ لك زجلاً يتحدث عن أمجاد بلدك الصغير المنوفية أو الكبير مصر ولكن حضرتك آثرت ألا تقدم نفسك إلا بأنك ابن تلك القرية قرية سنتريس وعلى حد علمى أن من هذه القرية تخرج سياسيون وضباط جيش كثيرون ولنترك الزجل قليلاً ودعنى أهمس فى أذنك صديقى أى قريه تصيبها حتماً يدُ الإهمال مالم ينهض الشباب الواعد مثلك الذى سيتخرج فى كلية الصيدلة وسيقوم بفتح صيديلية فيها ليأكل عيش من أهل قريته التى يسبها حضرتك لابد أن يكون لك دور كبير أنت وباقى الشباب المثقف أنا أيضا ابن قرية بنفس المحافظة وبرغم ان هناك مساوىء وانا أكتب الشعر من نيف وعشرين سنه ولكنى لم أفكر فى سب صفاتها ولا التنكر لها ولكنى وقفت مع أصدقاء وأدباء وقدمنا لها كل العون لترقى بنا أخى الصيدلى الواعد ياليتنى أقرأ لك نصاً جديداً يحمل شخصيتك |
| جميع الأوقات بتوقيت GMT +2. الساعة الآن 03:31 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.