|
للطلبة الكبار ايه اكبر اشتغالة قابلتها في اعدادي
انا حبيت نستفيد من مواقفكم في اعدادي يعني مثلا في واحد قال ان في امتحان الشفوي فيزياء سالو الدكتور عن الفرق في التوصيلية الكهربية بين الخشب و الحديد و مجاوبش وبعد مخرج عرف التحويرة الكبيرة و عرف ان الواحد ممكن ياخد عال قفاه بسهولة!!!!!؟؟:039uw8:
|
انا اغرب امتحان كان امتحان الانتاج كان الدكتور اللى بيسالنى اول دكتور دخلنا فى المادة الغريبة دى بتاع خواص المادة بس الحمد لله كان مزاجه رايق لكن سالنا اسالة غريبة وطبعا انا مكنتش مزاكر غير العملى لكن سال سؤال غريب قالنا (شايفين العدد اللى قدامكو) انا كنت مفكره حيقول طلع بنطة قلم خراطة لكن قلنا طلعو حاجة تركيبها البلورى اف سى سى السؤال كان غريب المهم ان هو كان يسال السؤال لاول واحد فينا احنا التمانية ويمرر السؤال ع المجموعة كله وكل واحد يؤول رايه انا جاوبته غلط بس الحمد لله جبت درجة حلوة فى المادة دي-----------------------------------------------------------انا اغرب امتحان كان امتحان الانتاج امتحنى دكتور معرفش اسمه المهم انو سألنى تعرفى "البوجى والبظرميطة" انا فكرته بيهزر فضحكت وقلتله لا معرفهمش قاللى طيب يبقى انتى معانا السنة الجاية ان شاء الله عشان تعرفيهم......انا راضية زمتكم حد سمع عن البوجي والبظرميطة دول في منهج الانتاج؟؟؟؟؟؟؟؟؟؟؟؟؟؟؟----------------------------------------يااااه
فين ايام الدكتوره نعيمه وكل واحد كان بيختار السؤال اللى على مزاجه ويسلام لما تختار السؤال ومتعرفش تذاكر كانت بتقولك انتا مذاكر ايه وبتعدى يعنى والله احنا كنا محظوظين جدا على اللى كان بيحصل فيكم:039uw8: |
بوجى ؟ :d
انت متأكد انه ماكنش بيتفرج على بوجى وطمطم بعد الفطار؟ :d عادى تلاقي حاجه معروفه بس عشان بناخدها بالانجلش انا فاكر فى مرة كنت فى محاضرة الانتاج ( كانت غلطة اساسا انا مش بحضر ) :d المهم حضرت وباصص للراجل ومرررركز ومره واحده اللى قاعد لابس قميص اسود و لابس نضارة وحاتط ايده على خده يقوم قالها ست سبع مرات وانا لسه باصصله اتاريه بيناديلى :d المهم قومت فسألنى سؤال غامض كده كنت عارف اجابته بس جاوبت غلط عشان الصدمة بس :d بس فهو قالى اسمك ايه قولتله كريم اشتغل بقى طول المحاضرة ياكريييييييييييييم بطريقة كده غريبه اوى المهم يعنى هو بهدلنى واللى كان كان والناس مسكتهالى ذلة وكله تمام :d فانتوا بقى عشان تتطقوا شر الحوار ده ماحدش يلبس قميص اسود :d |
اقتباس:
نصيحه غاليه والله:d |
كان ليلة امتحان الاسقاط الوصفي وصاحبي بيقولي لسه فلان متصل بيا وبيقول بكره في محاضرة اسقاط اضافية عاملها الدكتور
قلتله ازاي يوم الامتحان قال بيقولو إنه عايز يأكدلنا على حاجات بس قبل الامتحان عشان في تغيير بسيط فيه بس متقلش لحد من (****) عشان هو مش عايز فلان يعرفو بصراحة انا مكنتش مذاكر وكانت الساعة 2 بالليل قلتله بيتهيألي احنا مش حنلحق نروح عشان لسه محتاجين نذاكر قالي وانا بقول كده برده المهم اليوم اللى بعده بكلم واحد كان في الجامعة الساعة 9 (وقت المحاضرة) قالي شفت مش الدفعة كلها موجودة النهاردة كانو فاكرين في محاضرة واضحك عليهم :d قلتله الحمد لله مرحتش اصلي عرفت امبارح بس مكنتش حلاقي وقت اذاكر :d الموقف كبر طبعاً لما الوكيل بتاعنا لقى الدفعة جاية بدري اوي وعرف السبب وكلم الدكتور اللى ملوش ذنب في المقلب ده والدكتور زعل جداً وبصراحة مكنش موقف المفروض يتعمل فيه بس اهه طلعت منها :d |
آ ه
فلت أنت يامحمد |
أنا بقى معنديش أي حكاية لسة
بس ترقوا صدور كتاب مغامرات جعلتني مهندسا مع الهندسة السنة الجاية ان شاء الله |
اقتباس:
بس خايف بعد ما تخش اعدادي تغير العنوان لهندسة جعلتني مهلوساً :d انا بهزر معاك طبعاً وربنا يوفقك ونشوف مغامراتك بإذن الله |
ومالها مغامرات ميكى اساسا؟ :d
|
انا اغرب موقف حصلي ان كان فيه واحد اسمه زي اسمي بالظبط الفرق بينا اسم الجد و ده مكنش بيجي خالص يعني كل امتحان بياخد صفر و انا طووول السنة خايف من اي حركة كده و لا كده يتلغبطوا بينا و اللي حسبته لقيته في درجات العملي بتاعت الاسقاط كنت واثق اني هجيب درجة حلوة خاصة و اني حالل كويس في الميد تيرم الاقي درجة غريب جداااااااا و المفروض اللي غايب بياخد صفر و ابص على اسمه الاقيه واخد درجات مني و انا ناقص :( المهم ملقتش حد يساعدني فقلت خلاص حسبي الله و نعم الوكيل |
و لسه يامى هنشوف
|
لو سمحتم يا بش مهندزين
في كلمه بتتكلموا عليها كتير اوي نفسي افهمها (الاسقاط- الوصفيه) حد يفهمني ايه البتاع ده ربنا يخليكم لمصر يا رب |
اقتباس:
اقتباس:
الاسقاط و الوصية ده رسم برده ... بس مش بيتحتاج مسطرة حرف تى و كدا ... هى بتحتاج دماغ اكتر .. بتستخدمى فيها مثلث أرسطو .. عشان المساقط و العمودى و كدا تسمعى عن مثلث أرسطو ؟؟ بتبقى عاوزة خيال .. و غالبا بيبقى امتحانها مع امتحان الرسم فى آخر السنة .. او بينهم وقت راحة بس ........ انا بقى هسترجع شريط الذكريات و ارجعلكوا |
اقتباس:
طبعا مفيش حاجة تتقال بعد كبيرنا الباشمهندس حودة :078111rg3:غير انها عايزة دماغ عالية جدا هي كانت بالنسبة لي ارخم مادة بس درجاتها قليلة اخر السنة معظم صحابي كانوا بياخدوا فيها كورسات و هي مرتبطة بالرسم في كل حاجة يعني عشان تنجحي في الرسم لازم تنجي في الاسقاط و العكس برضه |
اقتباس:
ربنا يخليك يا بلال بس معلش عندى تعقيب صغير على ايام ما كنت فى اعدادى من سنيتن .. كنت فى المنيا كان امتحان الرسم و الوصفيه فى وقت واحد الله يسامحه الدكتور قالنا سيبكم من الوصفية عشان صعبة ركزوا فى الرسم انا دخلت الامتحان و انا معرفش حاجة فى الوصفية .. و جبت جيد فى الاتنين على بعض يعنى مش لازم انجح فى الاتنين .. واحدة بتشيل التانية بعد كدا اكتشفت انها مدة لزيزة و حرام انى مهتمتش بيها |
| جميع الأوقات بتوقيت GMT +2. الساعة الآن 07:19 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.