اليكم اخر اخبار حوادث مصر بعد الإفراج عن معزة بعد دفع الغرامة !!!!
 

في تقرير الحوادث: غرامة لمعزة ركبت المترو بدون تذكرة

http://productnews.link.net/general/...009/metr_m.jpg اضغط للتكبير
مترو انفاق القاهرة

• احفظ الخبر
• اطبع
• أضف تعليق
• ارسل

9/13/2009 12:38:00 PM
مصراوي - خاص - على ما يبدو فان عنف تجار المخدرات أصبح علنيا ولا يخشون أحدا فاصبحوا يتعاملون بالرصاص والبنادق الألية لحمايةانفسهم وتجارتهم.
فبعد أن كشر التجار عن أنيابهم بقتل مدير مباحث السويس وأصابة إثنين من الضباط عند القبض على أحد كبار التجار شهدت الجيزة عملية إقتحام تجارالمخدرات لكمين شرطة وأطلقوا الرصاص على أفراد الكمين وذلك للهروب بنحو 150 كيلو حشيش على طريق الفيوم أكتوبر.
الجريمة تمت عندما إقتحمت سيارة ملاكى الحواجز الحديدية لكمين الشرطة بدهشور وإطاحت بالأقماع وهروبها من الكمين.
تمت مطاردة السيارة التى أطلق من يستقلونها على أفراد الكمين النار وانضمت سيارة دورية للمطاردة فإصطدمت السيارة الهاربة بسيارة نقل كانت متوقفة فنزل ركابها الثلاثة وحاولوا الهرب من الشرطة إلا أن رجال الشرطة أطلقوا الرصاص على أحدهم فأصابوه فسلم الركاب الثلاثة أنفسهم، وبتفتيش السيارة عثر على المخدرات وإعترفوا أنهم قاموا بشراء حشيش ماركة تى إن تى من تجارالمخدرات بالساحل الشمالى والأسكندرية لترويجة فى أيام العيد.
الإنتقام من الشرطة
حالات الإعتداء على رجال الشرطة تعددت خلال الأسبوع الماضى ففى سوهاج دافع عريف شرطة عن سلاحة بالرغم من تلقيه 20
طعنه من مسجل خطر حاول سرقة سلاحه.
العريف أسمه سمير مرزوق موسى وكان يقف خدمه بمنطقة الصاغة ليلا وفوجىء بشخص يحاول إنتزاع بندقيته منه والإستيلاء عليها ورغم تعدد الطعنات التى بلغت 20 طعنة إلا أنه تمسك بها وألقى القبض على اللص.
وأحيل المتهم إلى النيابة وقرر أمام محمد عليان مدير نيابة جهينه أنه حاول سرقة سلاح العريف ردا على ضبط بندقية أليه كانت معه صادرتها منه مباحث جهينة!
قتل على السحور
فى الأسكندرية الجريمة كانت لها لون أخر حيث قتل زوجان زوجتيهما قبل السحور.
الجريمة الاولى وقعت فى منطقة عزبة الهجانة حيث قتل زوج 35 سنة زوجته ن أ م 25 سنة بعد أن خنقها وضربها على رأسها بقطعه حديد وقت السحور وفر هاربا إلى الصعيد وأخبر أسرتها بعد أربعة أيام بقيامه بقتل ابنتهم ولم يبرر سبب القتل.
وفي الحادث الثانى قتل زوج أخر زوجته ن ع د 25 سنة بخنقها لمطالبته بمصروف البيت وشراء ملابس العيد لأطفالها على السحور.
جريمتان راح ضحيتهما أربعه أشخاص إثنيين منها ماتا والأخران ينتظران مصيرهما أمام القضاء.
غرامة لمعزة
بعيدا عن الموت والقتل والرصاص كانت من أطرف أخبار الأسبوع شرطة مترو الأنفاق ألقت القبض على بدوية ومعها معزة اصطحبتها معها إلى مترو الأنفاق ولم تسدد لها تذكرة.
العميد زكريا حجازى مأمور قسم الدقى كان قد تلقى إخطارا حررته شرطة مترو الأنفاق بمحطة البحوث يفيد أن السيدة إصطحبت معها معزة ولم تسدد تذكرة ركوب بالمخالفة للوائح.
تم إخلاء سبيل المعزة والسيدة!

وهذا هو الرابط
http://www.masrawy.com/News/Cases/Ge...ort_metro.aspx

ربنا يعافينا من الحوادث ويسترها معانا جميعا
بس المعزة دى وصاحبتها صعبوا عليا بجد
تفتكروا صاحبة المعزة كان فى دماغها ايه اما ركبت المترو بمعزتها؟؟؟؟
وهل القطط والكلاب بيندفع عليهم تذكرة برضه؟؟؟؟؟؟؟؟؟
فى انتظار آرائكم

اكيد طبعاً كان لازم تحجز تذكرة للمعزة
هي اقل مننا في ايه يعني مش بتاخد مساحة برده في المترو :d


تجار المخدرات دول عمرهم ما بيهدو
ربنا يهدهم ويهديهم

المعزه دي اكيد من اصل مصري علشان بتزوغ من المترو انا اول مره اسمع عن صنف في المخدرات اسمه تي ان تي

والمفرزض تجار السموم دي يتعدموا من غير محاكمات

وبعدين فى الحماسى ده
ال المعزة اقل مننا ف ايه؟؟ وبتاخد مساحة ال !!!!!!!!
على كده بكرة تركب المترو تلاقى اللى قاعد جانبك خروف والا بقرة والا لا مؤاخذة ......:) مش عارفين بقى

وطبعا تجار المخدرات ربنا يا يهديهم يا يهدهم انما لو اهتدوا خلاص المسامح كريم بلاش يهدهم الهداية اهم ساعتها

المعزة دى مش من اصل مصرى وبس
دى معزة دافعة تذكرة مترو
وبسببها ممكن يتم تقنين دخول المعيز للمترو كل واحد يجيب معزته وهو مخرجها يفسحها ويقف يدفع 3 تذاكر هو والمدام والمعزة :d

المعزة دى مش اى معزة يا جماعة دى معزة بدأت وركبت ووصلت
وبكرة تفتح المجال لفصيلتها من المعيز والا سنواجه بإضراب المعيز وانتم احرار بقى ;)


بالنسبة لتجار المخدرات مع اعدامهم قطعا لكن لازم محكامة شرط تكون محاكمة عادلة لأنه على رأى المثل : ياما جوى الدولاب أقصد السجن مظاليم :bosyht9:

واللى يضايق بجد ويجلب لنا الحزن ان قاتل لواء السويس رحمة الله عليه سبق له قتل ضابط أيضا !!!
فلماذا لم يتم حملة للقبض عليه كما كان يجب والا منتظرين اما يخلص على امن السويس الأول؟؟؟؟؟؟

يعني انا عايز اسافر ومعايا معزة اركبها ببلاش لازم ادفعلها تذكرة :d
وبعدين في امريكا الكلب عندهم اكتر من الاخ مينفعش احنا نرحم الحيوان بقى :d
بس المعزة هي اللى حتتظلم والله لإنه المترو بتاعنا غير آدمي اساساً وكده المعزة حتتظلم معانا
كفاية والناس وهي طالعة وهي داخلة انا اخاف لو في واد صغير موجود في النص نفسه ينقطع وينداس تحت الناس:d

اما تجار المخدرات لما ربنا يهدهم حيندمو على فعلتهم وبعد كده يهتدو
لكن طول ما الفلوس معاهم والمخدرات جايبالهم التهم اجباري عليهم حيستخدمو السلاح على طول:d

تفكير حماسي بقى حتعملي ايه :d

متفكرنويش بموضوع المترو ده
تلاقى العربيه مكتوب عليها للسيدات فقط
وتلاقى نصها رجاله

........

شكرا ع الموضوع

بس افتكر ان الراجل اللى بيركب عربية السيدات بيدفع غرامة برضه!!!
بعدين هم الرجالة كدا دايما باصين للى ف ايدينا
وعلى رأى الشاعر:
وكم فى مصر من المضحكات ولكنه ضحك كالبكاء !!!!

نورتى الموضوع

ده كان زمان
امبارح الظابط بتاع المترو واقف
وقدام العربيه والرجاله بيرككبوا وعادى جدا
كان نفسى أروح أقله ايه انت مش شايف انت كمان ولا ايه؟
انا بقول لأختى
ف مرة كده هقوم قايله بصوت عالى (بس وانا نازله طبعا علشان ماضمنش ايه اللى هيحصلى )
ايه الستات اللى بشنبات دى
هيحرموا بعد كده يمشوا م جنب العربيه حتى :stickjo4:
(ده لو أفترضنا أن عندهم دم:006et4:)

فكرتينى يا أبلة هدى بحالة المأمأة اللى انا فيها
وأنا بقول عمال أمأمأ ليـــــــــــــــــــه طول النها ر مااااااااااء مااااااااااء
بس عشان الصيام شوية ماااااااااااء وشوية تمر هندى تمر هندى
أتارى معزة هانم كعب الغزال اللى كانت راكبة قصادى فى أشيك وسيلة مواصلات حضارية الى الآن فى مصر
وعلى الرغم من فهلوة معزة هانم الا ان حظها الاسود وقعها وطوقها فى تذكرة
معرفتش تنط بوابة الخروج أو تشبط مع حد من اللى معاه تذكرة
ليه الغباء دا يا ست معزة .... طب يدوب كل اربعة من اخواتك الفهلوية بيعدوا من البوابة قوام قوام بتذكرة واحدة
ولا بتوع السيـــــما

هىالفهلوة كدا أفية فى كتير من الشعب المصرى - فى كتير عنده يشعبط ورا القطر او يسطح عالقطر من فوق وان شالله تتكسر رقبته عشان يحس انه فهلوى - مش شرط يكون فقير ولا حاجة .

بس بقا عشان حالة المأمأة رجعت تانى
ماااااااااااااء ............... ماااااااااااااااااااااااااااااااااااااااء
لا مؤاخذة
زمبى فى رقبتك ... انت اللى فكرتينى !!!!!!!!!!!!!!!!!!!!
سلام

وحد قال للبنات يخشو عند الرجالة
وبعدين معملوش ليه للرجالة فقط
ولا الستات تاخد المترو كله والتانيين وحشين :d

لما ادخل والاقي العادية زحمة اكتر من السيدات فقط
اعمل انا ايه مركبش ؟؟

على فكرة انا مركبتش المترو غير مرة واحدة عشان محدش يفهمني صح :d

لا سهلة أوي :d

الزحمة اللى بتبقى هناك اساساً لا توصف
وطبعاً اللى بيستغلو الوضع اكيد كتير

وعايزاهم يخافو من كلمة :d

هههههه
والله الناس دى جدعان
بيتشطرو على المعزة اكمنها مهيضة الجناحين عريضة المنكعين
عدها حق
اكيد المعزة دى من فصيلة الذكور وعند ركوبها فى عربة السيدات
صرخت جميع النسوة المتشنكحات بالسواد
فى عربتنا رجل فجاء رجال الشرطة ليخرجوها من هذه العربة فلم يجدو معها تذكرة المترو وهذا هو مربط الرس
:d
شكرا على الحوادث
قصدى الموضوع :d
دمتم فى رعاية الله

اعمل ايه بس
كل يوم تزيدنى تأكيدا لحماسيتك
ربنا يستر اما نشوف بكرة هتركبلنا مين فى المترو:blush:

ولا هيحرموا ولا حاجة كل ما يشوفوها فاضية عينهم هتزوغ عليها والظابط مطنش وعلى المترو السلام بقى
وبدال ما نقول سلملى ع المترو هنقول سلملى ع المعزة :(