يا جماعة عاوز أخد رأيك في حاجة خاصه بمستقبلي
 

يا جماعة أنا جالي في تنسيق كلية حقوق أنتساب جامعة جنوب الوادي فهل أقدم فيها ولا أقدم في جامعة مفتوحة تجارة وياريت تردو عليا بسرعة دا بعد أزنكم

محدش هيقدر يحدد الا انت
كل واحد حسب بيوله
لو انت عندك ميل للحقوق وعايزة تحققي حاجة من وراه
قدمي ومش تخافي وان شاء الله كل حاجة خير هتحصل
لو بتحبي الرياضة وهتقدري تمشي فيها
حولي تجارة
انت بس اللي تقدر تحددي مصيرك
بالتوفيق

صح جدا انا كمان من رايي ان تشوف ايه هي ميولك

الاول وعلى اساسها تحدد ايه لل انت عاوزه واللي تقدر

تنجح فيه

انا لا اعترف بالتعليم المفتوح
كفاية ان مبيأجلش جيش و امتيازاته اقل من العادي
انا والدي مدير عام شئون طلبة بكلية الاداب بدمنهور و له علاقات بناس ف الكليات التانية المهم ف تجارة تعليم مفتوح بالزبط اكنك بتشتري شهادة عارف ليه ف الامتحان غش زي مانتا عايز بيسبوهم مع بعض و غير كدة انا شفت بنفسي ف التجارة ف مواعيد
الامتحانات بيجرو زي الرز عشان يختارو المكان اللي علي مزاجهم ف اللجنة عايز ايه تاني و كفاية انك حتحضر بعد الظهر الناس حتشاور و تقول دول بتوع التعليم المفتوح و حيعد جنبك ناس لوز 50/100 ثانوي و دبلومات زراعي و تجاري و صناعي
لكن ف حقوق انتساب بتجيب جيد و تحول انتظام حتي لو مجبتش هو هوا نفس الدراسة و بتدرس مع الانتظام لكن المصاريف 400 و شوية الانتظام 100 و شوية مش هتفرق و ده رأيي و شوف انت حابب تدرس ايه و عموما قرر عشان ممكن يفتحو تحويلات و تحول حقوق انتساب ف بلدك او تحول ورقي

التجارة احسن طبعا

يا ريت تشوفي ردي ف الموضوع مين قال تجارة تعليم مفتوح احسن و مين قال مادام انتساب يبقي وحشة ياريت محدش يتكلم و مايكنش عارف

حاجة كمان مبيخدوش معيدين من التعليم المفتوح يعني لو اجتهدت ممكن تبقي معيدف حقوق لكن تجارة مفتوح لعععععععععععععععععععععععععععععععععع

ولا أحول تربية رياضية وانا نجحت في الاختبارات وهل أحسن من حقوق

تربية رياضية جميلة بس
الأول تشوف ايه اللى فرصة الشغل احسن بنسبالك

بجد الواحد مقدر الحيره اللى انتى فيها بس اكيد انتى مش هتخدى براى حد فينا غير اللى انتى مقتنعه بيه وكلنا بنعمل كده
انتى حكمى رايك بس انا رايي تربيه رياضيه تمام
لان حقوق لو ما تعينتيش معيده فيها هيبقى ادامك حلين اما ان انتى يكون عندك وسطه وتشتغلى ف حاجه كويسه
لو عندك واسطه اتكلى على الله
وبالنسبه للتعليم المفتوح بصراحه انا مش بشجعه
وربنا يهديكى للى فيه الخير

اه وما تنسيش تصلى استخاره

تربيه رياضيه

تربيه رياضيه طبعاااا ومجالاتها كتير جدا لو انتا ولد ممكن تشتغل في فنادق وفي جيمات ولو اتخصصت سباحه مجالاتك هتكون في الفنادق وفي شرم وبره كمان مطلوبين جدا وعلي فكره في الكويت مثلا التربيه الرياضيه فيها نجاح وسقوط يعني الاهتمام بمدرس الالعاب اكتر بكتير من مصر بجد بجد كليه تحفه مووووت
وكمان بالنسبه للتعليم المفتوح كليه تجاره بغض النظر تعليم مفتوح او عادي فا هيا احسن شغل المحاسب جميل وكمان في كورسات بتخلي المحاسب دولي يعني مرتبو بيكون عالي وبيكون مطلوب في البنوك الدوليه
وعلي فكره الشهاده اللي بتاخدها من التعليم المفتوح بتكون جامعه القاهره
يعني بتتساوي بخريج جامعه القاهره تماما ومفيش اي فرق نهائى غير بس كيفيه الدراسه او الطريقه عادي يعني وبيكون الحضور 3 ايام في الاسبوع وبتاع تجاره العادي يعني انتساب بيحضر بردو من 3 الي 4 ايام في الاسبوع يعني هيا هيا
وحقوق كويسه بس هيا كامستقبل وكارير وجامعه جنوب الوادي فا هيا اخر اختيار بعد التربيه والتجاره ويارب اكون افدتك

أنا روحت النهارده بس مجموعي مجبش تربية رياضية وانا دلوقتي قدامي حقوق أنتساب جامعة جنوب الوادي وتجارة جامعة مفتوحة فرع عين شمس بس الدراسة في جامعة جنوب الوادي