|
حماريزم..أدخل ماتخافش..السعيد حافظ
وحشتونى.. قصيدة جديدة من ديوان حماريات
حماريزم شايلك و ضهري ماشتكي ما هربت يوم من شغلتك راكب و قاعد أنتكه و نصيبنا بس بقسوتك مبسوط قوي بالهشتكة تزغدني دايما بلغتك و كأني داخل معركة و تمللي تعوج ضبتك ما يوم هربت من الحمول مهما بتتقل نقلتك طب هي دي تبقي الأصول آخرتها علقة بجزمتك مع إنها من جلدنا و مسيرها تلسع قرعتك علشان حمار و أستحملك تقوم تزود ضربتك الصبح بدري تفكني و لجام حديد فيه مسكتك تقولشي يعني هروح بعيد أهرب و أفارق طلعتك نقلة سباخ سارح بها علشان تسبخ زرعتك لا رفست يوم أو زربعة قمصت ضهري لقعدتك الأكل دايما مهزلة إللي يفيض من عجلتك أو تبن حاف من مخزنك داهية تكبر وكستك هديت في حيلي و عفيتي علشان توفر صحتك مين الحمار يستحملك أو حتي يرضي بعشرتك الفول تجيبه لمدودي و فجأة يبقي للأكلتك إن فاض شوية من الغدا تجري تاكل فرختك طب حط يوم حبة درة دا أن إللي فاكك زنقتك أرجع و أقول م أنا السبب علشان حمار مش غلطتك |
رائعععععععععععععععععة
|
الأستاذ السعيد حافظ
كل عام انت بخير بمناسبة هذه الأيام الجميلة ايه يا عمنا الشعر دا وايه الشعور بتاع الحمار دا واضح انك تاعبه جدا لدرجة انك مش بتعطيه أى حاجه ولا حتى فرصة لأى شيىء أبدعت بكلامك والكثير من القراء لن يستطيع معرفة ألفاظ هذا الحمار لأنهم أكيد بعيدين عنها مثل التبن والمدود وغيرها من كلمات صديقنا بصراحه أقف مشدوهاً أما الكلمات ولو كان لدى مقدرة لاشتريت هذا الحمار منك وأطلقت سراحه أو كنت أحضر له الغذاء وأعطيه قرار تحديد المصير أو حتى كنت أصحبه فى رحلة أو نزهه نيليه أو حتى أعطيه بعض حقوقه الضائعه عزيزى السعيد بك سعيد بمرورى ولو انى هاخاف بعد كدا أمر من هنا للحمار يعضنى بسبب جوعه == أخيراً لى رجاء فلنتفرغ هذه الأيام فى القرب لله وياريت أقرا لك كلام يقربنا أكثر لله وفى أيام العتق من النار أخوك : محمد على |
اقتباس:
|
اقتباس:
|
ههههههههههههه الله عليك يا أستاذ / السعيد حافظ إية الجمال دة دة انا مش كنت أعرف إن الحمار بيحس كدة والله ديماً قصايدك ممتعة يا أستاذنا ومنتظرين منك المزيد بس وكفاية حمير بقى :d فى رعاية الله يا أستاذى .. :) |
اقتباس:
== طيب مش تقول من الأول إنه مش بتاعك وجاركم دا غنى؟ قصدى يعنى عنده كذا حمار؟ |
اقتباس:
ماشى ورا حماره لأن حمار الفلاح المصرى عارف مشواره.. فليحيا الفلاح المصرى و ليحيا حماره .. شكرا على مرورك و إنت غطست فين من فترة |
جميييييييييييييييييل بجد
من الرائع ومن أهم صفات الشاعر أن يشعر بغيره حتى لو كان مش من بنى جنسه حضرتك حسيت بالحمار ووصفت شعروه ودا إن دل على شىء فيدل على مدى رقة حضرتك بجد بجد حضرتك بتكتب قصايد غريبة من نوعها أنا ماشفتش حد بيكتب كدا قبل كدا :d بس رائعة جداااااااااااا :) دمت مبدعا ربنا يوفقك |
مش بقولك
عمال تقلب علينا المواجع إنما إيه حكاية الحمير معاك؟؟؟؟؟؟؟؟؟؟؟؟ المعنى ف بطن الشاعر دم طيبا مبدعا وكل عام وأنت بخير وتقبل تحياتي العزب |
جميله جدا
سلمت يمناك و دمت لنا مبدع ارجو تقبل مروري(منه) |
اقتباس:
|
| جميع الأوقات بتوقيت GMT +2. الساعة الآن 09:33 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.