ودة حكايتى مع الاخ حموكشة يا ترى انتوا هتعملوا زية كدة؟؟؟؟


مهو انا عايزة تفاعل لحسن انتحر واعملكم جناية وتقعدوا تعيطوا
ملحوظة: انا عارفة بردة ان فى اخ تانى غير حموكشة هيقولى طب مهو انتى مش هتحسى القصص دى هتكتبيها ازاى
بس يا جماعة وعد منى مش هكتب حاجة مش حساها

وانا كتبت اول حكاية بس هنزلها بعد ما اشوف ردودكم على الموضوع ورايكم فى الفكرة :)

فكرتك حلوه فعلا
اطلبي بقي من الاداره التثبيت

الفكره حلوه يا بسمة ومستعد اثبت بس اشوف تجربة الاول وكمان اشوف تفاعل الاعضاء

وانا مستني بس اشوف التجربه اللي انت كتبتيها وبعدين اقولك حكاياتي

يلا يا ستي ورينا الشغل

شكرا علي الفكره يا بسمة
.
.

وربنا فرحت اوك انا كمان مستنية الردود

ماشي يا ستي

بس فين التجربة بتاعتك ؟؟؟

اعتقد وجودها هيكون مثال كويس علشان الناس تفهم الفكره اكتر وتتفاعل معاها

شكرا يا بسمة مره تانيه
.
.

شكرا على الموضوع يابسمة
ياريت اسمع حكايه ليكى الاول
علشان اقدر اكتب عن حكايه خاصة بيها
واقدر افهم نوع الحكايه المطلوب كتبتها ايه

اوك هحكى الحكاية على لسانى..
.................................................. .......


<div align="center">سجنت قلبى عشان يطيب
ويموت من غير ما يكون له حبيب
وان عاش يعيش فى وحدة غريب
ويكون هو دة النصيب
*****
والقصة حكاية جرح سنين
كتبتها بدمع العين
بعد وقلبى لسة فاكرة
هو انا من بعدة ليا مين
******
حبيته هو بكل ما فيه
عارفة عيوبه وبموت فيه
ومهما كان بيقسى عليا
كان بيسامح قلب شاريه
********
كنت بشوفه فى سمايا نجمة
عقل كبير وكلامة حكمة
اتمنيته يبقى والدى او اخويا ومش صديقى
عمرى مكنت اتصور لحظة انه يبقى فى يوم حبيبى
**
مليت اشكيلة والشكوى ملت اكتر منى
لأنى مهما احكيله كان بياخدنى على قد سنى
ولما فى يوم قولت اصارحه
اكتشفت انى جرحه
وان حبه ليا كبير
وانة عايزنى بيتمنانى
بس فرق السن كبير
وان كان بردة هيستنانى
وان لو بايده يبعد
كان هيبعد لو مكانى
**
ومن ساعتها اتعلمت
علم الحب قلبى ازاى يبقى حجر
ازاى يبقى قاسى لو فين رماه القدر
ازاى يكون الحب عندة راح وانقضى
علمة الوحدة ولو فى وسط الووف
ويبقى اعمى عن الحب لو فكر انه يشوف
علمة الحزن ولو بيضحك بأعلى صوت
ولو عطشان ونهر الحب يروية يتمنى الموت
****
وسجنت قلبى عشان يطيب
ويموت من غير ما يكون له حبيب
وان عاش يعيش فى وحدة غريب
ويكون هو دة النصيب</div>

اسلوبك جميل يا بسمة ومتميز فعلا

وان شاء الله الفكره هتنجح بس عايز اضيفلك حاجه لو تكتبي ملخص القصة اللي بتكتبيها يبقي افضل كتير علشان تعيشي الناس في جو القصة الاول

وبسم الله ما شاء الله عليكي اسلوبك بجد جميل وجاري التثبيت.
.
شكرا ليكي
.
.

مش عارف ارد اقول ايه بس
انتى موهبة بجد
ياريت تحولى تنمى الموهبة دى عندك
وشكراااااا

شكرا لك علي الموضوع

موضوع جميل يا بسمه
واسلوب رائع
بجد فكره جميله
ربنا يوفقك

شكرا مسميدو على راى حضرتك
شكرا سيف
شكرا احمد على المرور
شكرا وليد موباذن الله اكتب قريب
شكرا هيام شكرا حبيبتى على ردك
وشكرا للى بعتوا على الخاص


بس حتى الان مش فى حد بعت قصة!!

شكرااا يا بسمه على الموضوع

بجد موضوع متميز ورائع


ربنا يخليكى لينا


وانا بشجعك جامد يلااااا بقى ورينا همتك

<div align="center">
ما شااء الله

اسلوب متميز

لازم تمتعينا باسلوب الحلو ده على طول

منتظرين ابداعات قلمك

,,,,,,,,,,,,,,</div>

شكرا اية على التشجيع انتى تؤمرى

اية دة مهرة شكرا يا جميل على المرور