|
عاوزها ورق والا فضة ؟؟؟؟؟؟؟؟ خلاص بلاش تختار ادخل وبص !!!!!!!!
العملات الورقية الصغيرة الى زوال .... هذا ما يؤكده الخبر التالى
طيب لو بإيدك تختار هتختار ايهما؟؟؟؟؟؟؟؟ العملات الورقية الصغيرة إلي المعاش بعد3 سنوات 13/09/2009 http://www.egypty.com/Component/Phot...alk_Photo2.jpg ثلاث سنوات وتحال إلي المعاش العملات الورقية الصغيرة بدءا من ربع الجنيه و نصف الجنيه وحتي الجنيه, وذلك بعد سنوات طويلة من الخدمة كانت فيها القاسم المشترك الأكبر في الكثير من المعاملات والأعياد, حيث كان يحرص الكثيرون علي أن تكون الأوراق النقدية من هذه الفئات الصغيرة هي عيدية العيد. الدكتور يوسف بطرس غالي وزير المالية كشف عن اتجاه إلي إلغاء العملات الورقية المساعدة التي لا تزيد فئاتها علي الجنيه, والاكتفاء بالعملات المعدنية من هذه الفئات, مشيرا إلي أنه سيتم سحب العملات الورقية الصغيرة تدريجيا من الأسواق. وهذا هو الرابط http://www.egypty.com/people-talk-de...ople_talk=3235 |
اول مرة أشوف موقع ايجيبتي ده
بالنسبة للعملات المعدنية بجد العالم ده بتستهبل |
والله كويس بعد كده لما اروح اشتري حاجه ادفع سره من الدنانير ونرجع لايام الحبشه والجاهليه حاجه تفرح يازير الماليه هتعمل فينا ايه تاني
|
كله هيرمى المحافظ و يشتال سرر من الدنانير
|
مشكورة ابلة هدى على الخبر
فلنستعد من الآن لعمل أكياس قماش لحمل الدراهم التى ستعدها وزارة المالية كما يريد عزيز مصر دنانير و دراهم |
:049gc0:ازازة البيبس ب جنية وربع يا ابلة هدى مش الكانز
وانت جاية تقولى الربع جنية والشلن هى كدا اتلعبت صح الوقتى لو واد صغير فى كى جى خاد جنية مش هيجيب بيبس هيجيب باكو بسكوت من اللى حتى قللوا عددة رغم ان الدقيق والزيت غلى ثم رخص ولكن بقى الوضع كما هو عليه جشع وطمع وعدم رقابة دا حتى بتوع البيبس لغوا الازازة الصغيرة عشان يساهموا فى زوال الفكة اسكتى بقا ما تعزيناش فى الايام اللى ما يعلم بيها غير ربنا دى كنا بناخد مصروفنا قروش تعد على الصوابع وكان فيها بركة الوقتى حتى لو فيه فلوس اكتر لكن ما تعملش حاجة الناس بتشترى هياكل فراخ مش فراخ ويمكن بتوع اللحمة عملوا اشتراكات للناس اللى بتحب تشم اللحمة لانها بالتاكيد مش قادرة تشتريها فيه ناس الوقتى امنية حياتها تاكل فراخ مش تشترى عربية او شقة او حتى ايس كريم والله حزنت جدا لما شفت من سنة ربما او اكتر احد البرامج الرمضانية الشهيرة يسال صاحبها الست الفقيرة اللى كان بيسجل معاها نفسك فى ايه يا حاجة قالتله نفسى يا ابنى ناكل فراخ لينا ( مش عرف قالت مدة ايه بس على الاقل سنة ) مكلنهاش ومع هذا الناس مذاهب ما بين متغطرس لا يشعر بحال الناس وما بين اغنياء يشعرون باحوال الفقراء يادون ما عليهم من الزكوات والصدقات زادهم الله من فضله وما بين من يمشى على وزن فيلم انى لا اكذب ولكنى اتجمل مش عارف اقول دا غلط ولا صح - ربما يكون حياء او تعفف مش شرط منظرة فكرتينى بالنكتة دى واحد غلبان بس بتاع منظرة كان عندة حته دهن كل يوم يمسح بيها بقه لما ييجى يقابل حد عشان الناس تشم ريحة اللحمة فى يوم بنته جاتله وهو قاعد مع ضيوفة قالته بابا بابا الحق قالها ايه قالته القطة اكلت حته الدهن اللى كل يوم بتمسح بيها بقك !!!!!!!! معلش بقا احسن هى نكته يعنى متتقالش بأفية!!!!!!!!!!! تحياتى |
السلام عليكم و رحمه الله و بركاته
شــــــكرا لحضرتك علي الخـــــبر بجد لو أحنا اللي هنختار عن نفسي أختار الورق مش أخـــــتار المعدن تحـــــــــياتي لحضرتك ..... |
يعنى ح نرجع لزمن الفن الجميل:d لا بجد كويس عندنا وزير بياخد قرارت اهو بلد عجيبه ح تفرق يعنى شكرا على الخبر |
اقتباس:
ينفع الكلام ده يا مشرف ؟؟؟!!!:d وبالنسبة للعملات المعدنية العالم دى بتستهبل يعنى ايه؟؟؟ افيدونا افادكم الله :( |
اقتباس:
وحلوة برضه زير المالية :d بس على الله يفهمها الزير بتاعنا :d |
اقتباس:
الشكر لله ثم لمرورك يا احلى نبض فى الدنيا وكويس بدال المحافظ نعمل شنط قماش زى بتاعة الكتاب ونلفها من على رقبتنا وتنزل على وسطنا ونتعرف احنا المصريين بيها بقى وتبقى ليلة يا عمدة :d نورتى الموضوع |
اقتباس:
المفروض مع العربيات في نظام المرور الجديد - وخصوصاً التاكسي - يبقى مع شنطة الاسعافات والمثلث حصالة عشان يبقى يلم فيها التبرعات قصدي الاجرى بتاعت الركاب :d |
اقتباس:
ياااااارب ازازة البيبس تبقى بعشرين جنيه عشان ماحدش يشربها ابدا اولا: بتضر العظام وبتجيب هشاشة عظام ثانيا : بيقولوا فيه بحث اتعمل أثبت ان فيها عصارة امعاء الخنزير لان ف امعائه انزيمات هاضمة قوية جدا لكنها ف النهاية امعاء خنزير ثالثا : تم عمل تجربة بوضعها ف المرحاض ليلة فنظفت المرحاض اقوى من المنظفات مثل ماء النار فهل بعد هذا نحزن لارتفاع سعرها ؟؟؟؟ بلا بيبس بلا شيبس كلها اشياء ضارة بس تفتكر انهم عملوا كده خوفوا ع الواد اللى رايح الكى جى تو؟؟؟؟؟؟؟؟؟ :blush: نورت الموضوع مستر جمال ودائما تعليقاتك المفيدة تقبل تحياتى |
اقتباس:
وعليكم السلام ورحمة الله وبركاته الشكر لله ثم لحضرتك اختيار موفق لكن من يسمع لنا؟؟؟؟؟ نورتى الموضوع تقبلى تحياتى |
اقتباس:
تعرفى انى امبارح مسكت عشر قروش وخمس قروش حجم القرش وال5 مليمات على التوالى بتوع زماااااااااان !!!!!!! ولسه يا ما نشوف ف بلدنا اللى بترجع لورى ... بينا الشكر لله ثم لحضرتك نورتينا ... تقبلى تحياتى |
| جميع الأوقات بتوقيت GMT +2. الساعة الآن 10:18 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.