|
ما يحدث في مساجدنا حلال أم حرام ؟!!!!!!!!!!!!
الأخوة الأعزاء السلام عليكم و رحمة الله و بركاته
في يوم من الأيام بعد أن صليت العشاء مع أصدقائي في أحد المساجد بإحدى القرى المصرية و كان هذا المسجد تمت إزالته و أعيد بناؤه على أعلى مستوى و تكلف ذلك آلاف المئات من الجنيهات معظمها من تبرعات الأهالي و حتى لا أطيل عليكم فقد دار بيننا نقاش حول المبالغة في تزيين المسجد و إنقاق هذه الأموال الطائلة على ذلك و انقسمنا فريقين بين مؤيد و معارض ....... المؤيد : هذا بيت الله و يجب تزيينه و تجميله بقدر الإمكان المعارض : ليس المهم تزيين المسجد و إنما المهم كثرة المصلين فيه المؤيد : ما العيب من تزيينه ؟ المعارض : العيب هو هذه الأموال الضخمة التي انفقت على ذلك المؤيد : ألم يأمرنا الله بالإنفاق في سبيله و إخراج الصدقات ؟ المعارض : نعم أمرنا الله بذلك و لكنه لم يأمرنا بالإسراف و انظر مثلا إلى هذه المئذنة و التي تكلف بناؤها الكثير أليست هذه الأموال تكفي لمساعدة الشباب على الزواج أو لمعاجة الكثير من الرضى الذين هم في أشد الحاجة إلى الدواء أو الإنفاق على الأسر التي لا يعولها أحد .............. المؤيد : هل ترى أن الأنفاق في هذه الأشياء أولى من تزيين بيوت الله المعارض : أخي الكريم نحن في مصر و في هذه القرية المتوسطة و التي يوجد بها الكثيرون في أشد الحاجة إلى الأموال و ليس الخطأ هو تزيين المساجد و إنما الخطأ هو المبالغة في التزيين و إنفاق الأموال الضخمة و بجوار المسجد أناس لا يجدون لقمة العيش و استمر النقاش طويلا و كل فريق متمسك برأيه فما رأيك أخي الفاضل في هذه القضية و أخبرني : هل أنت من المؤيدين ؟؟؟؟؟؟؟؟؟؟؟؟؟؟؟؟؟؟؟؟ أم من العارضين ؟؟؟؟؟؟؟؟؟؟؟؟؟؟؟ |
اكيد لازم نزين بيت الله
مادام احنا قادرين على كدة |
بص حضرتك الاولى اعمله
دة من رايى يعنى مثلا مش لازم اخلى الجامع مكيف زى ما بقى عندنا مثلا واسيب ناس تانية مش لاقية 100 جنية حتى ياكلوهم عيش يعنى ناس تموت من الجوع الاحق انى اصرف عليها ولا اروح اشترى للمسجد تكيف واعمل ماذنة بالاف الجنيهات طويلة بجد العقل حلو فية حاجة اولى من حاجة |
اهم حاجة يبقي نضيف لكن كل حاجة بالعقل
|
انا مع تزيين الجامع ثم ان تزيين الجامع عمليه مؤقته وبعد ذلك يمكن من خلال التبرعات الاخري المساهمه في الاعمال الخيريه ولكن اذا كنا نريد الاستفاده من الاموال التي انفقت في تزيين المجد لما لم تقم وزاره الاوقاف ببناءه ثم انا مقدرش حلال ام حرام وده بس رايي
|
تزيين المسجد وتجميله وإعطائه كافة وسائل الراحة أمر هام طبعاً بس المغالاة فيه عمرها ما تكون حرام برده إنت لما تجيب أثاث بيتك من ابلاكات ومن اطقم ومن عفش مش حتختار أحلى حاجة موجودة ؟ طب ليه ما تختار حاجة عادية وتتبرع بالباقي بس ده بيتك وده حيفضل معاك طول العمر ولازم تختاره على احسن وجه فما بالك ببيوت الله في الأرض ألن نهتم بها على أحسن وجه ! أكيد حنهتم وده مرة ومش بنرجعلها تاني مادام اتوفرت الفرصة يبقى اعملو اللى تقدروا عليه لكن الصدقات اوقاتها كتير وحتقدر تعوضها بعدين عشان كده مينفعش أبداً نحكم ونقول ده حرام ولا حلال وكلا وجهتان النظر صحيحة |
هوا الول بناء المساجد وتريينها بيبقى على حساب وزارة الأوقاف مش على حساب الناس ..بس مفيش حاجة موجودة من دى
أنا رأيى ان لو المسجد دا مثلا فى قرية ضغيرة ممكن الفلوس اللى بتتبرع بيها الناس يكون جزء منها للمساجد وتزيينها وجزء منها للناس المحتاجة أو على حسب اللى بيتبرعوا يكون عايزها مثلا تروح المسجد أو كفالة يتيم أو ..أو ..أو ... |
وعليكم السلام و رحمه الله و بركاته
أحب أقول إن تزين المسجد أكيد لانه بيت الله بس مش يكون في قريه صغيره مش لاقيه أو ممكن يكون بس مش مبالغ في التزين يكون كل حاجه بالــــــعقل ..... ممكن بالفلوس بتاعه التبرعات يأخدها الناس اللي محتجاها وأكيد في ناس محتاجه الفلوس دي كتير قوي عن نفسي مش أعرف لو كانت حـــــلال ولا إذا كانت حـــــرام تحــــــــــــياتي لحضرتك ..... |
اقتباس:
ثانيا اكيد الاسراف في الزينة هيبقي امر مش كويس ولكن الزينة نفسها امر مطلوب دلوقتي لاني بجد بشوف جوامع صراحة لا يصح ان يطلق عليها بيت الله بجد يعني مش نظيفة ومش فيها اي وسيلة من وسائل الراحة بجد ومحتاجة اعدة بناء يعني لو المسجد بقي نظيف مش هيبقي محتاج زينة شكرا مرة تانية لحضرتك |
اللة يرحم أيام زمان لما كنا بنتوضة من الترعة و نصلى فى المصلية القش بقلوبنا أما الأن بندخل أفخم المساجد بأجسادنا و الرسول قد حثنا على عدم الغالاة فى تزين المساجد
|
طبعا لازم المسجد يكون جميل هذا بيت الله
شوف احنى بنعمل ايه فى بيوتنا او اى شاب عاوز يعملايه فى شقته لالا انا مع الذين يزيينون المسجد فى رعاية الله |
مفيش مانع خالص من تزيينه كويس بس مش بالأسراف
وبعدين اللي يقدر يبني جامع كده يقدر اكيد يعمل حاجات تانية يعني مش كل حاجة معقدة كده |
اقتباس:
اولا اشكرك على هذا الموضوع المهم والخطير وبالفعل لابد من التحدث فية استاذى الحبيب لابد ان نعترف ان المدرسة الاولى التى انتشر منها التشريع الاسلامى كانت المسجد ومسجد النبوة رغم بساطتة كان لة دورا كبير وانظر الى المسجد كان بناءة من الطوب اللببن وسقفة كان من جريد ومفروش بعسف النخل ومع ذالك كانت النفوس مليئة بالاسلام والايمان فلم يغير المسجد منها شئ هذة حقيقة لا يمكن انكارها انها يجد فى الزمان اشياء تجعلنا ننظر الى الاوضاع نظرة تتفق مع متطلبات عصرنا وراى فى هذا الموضوع ان المسئلة مش مسئلة مايد ومعارض المسئلة انة اذا كان الشباب والمحاتجين فى حاجة ماسة وضرورية الى ما ينفق على المساجد فا الشباب والمحتاجين اولى بشرط ان تكون هناك جهة اشرافية نزيهة وامينة تحقق الهدف من هذا المال اما اذا لم يتوافر هذا الشرط فالانفاق على المساجدلا مانع باعتبارها مراكز اشعاع تكشف احكام الاسلام وتبين شريعتةخصوصا ونحن نرى تشيد الكنائس و المجامع غير الاسلامية ودورها فى جزب الناس اليها هذا هو رائ الشخصى نسال الله تعالى التوفيق شكرا لك استاذى الكريم على طرح الموضوع بارك الله فيك |
يبقى بالمعقول
ياعنى شكله حلو تكيفات وبتاع علشان الناس متسحش انمامبالغه لا الفلوس دى تصرف للناس الفقرا احسن ده انا لسه سامعه الناهرده ان بتاع توشيبا عامل مسجد مكلفه200مليون جنيه تقريبا حاجه هبل بصراحه بس مش عارفه الواحد يقول كده غلط ولا احسن ما تصرف ف حاجه مالهاش لازمه يلا ربنا يهدى الجميع انا سمعت كمان ان تزين المساجد وزخرفتها م علامات قيام الساعه ربنا يرحمنا جميعا ويرزقنا حسن الخاتمه |
اقتباس:
اللى المساجد اللى عاملينها بقت آثار ومتاحف مش مجرد مساجد ده غير المسجد النبوي الشريف طبعاً |
| جميع الأوقات بتوقيت GMT +2. الساعة الآن 07:51 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.