انا داخله اعدادى صيدله ...........ارجو افادتى من خبرتكم عشان خايفه اوى
 

انا الحمد لله جتلى صيدله حلوان بس ان شاء الله احول اسكندريه:bosyht9:

فيا ريت اى حد من اسكندريه يقولى المواد اللى فى الكليه ايه ولو فى اى نصايح

عشان انا ببساطه...........مرعوووبه :frown:

كله بيقولى صيدله من اصعب الكليات فيا ريت تصححولى المفهوم ده

وشكراااااااااااا

ازيك يا سوسو عاملة ايه
انا كمان داخلة اعدادي صيدلة طنطا وعايزة احول اسكندرية
بس انتي سالتي التحويل هيكون دلوقتي ولا السنة الجاية

ازيك يا حبيبه رسول الله ........كويس فى كتير من اسكندريه وداخلين صيدله

عاوزه نفضل مع بعض واى حد عنده فكره عن التحويل

امتىى بس هو تقريبا مش قبل العيد

ربنا يسهلكم وتحولو وتيجو صيدلة اسكندرية وعلى فكرة دى سهلة جدا طالما انتى بتحبيها ومتصدقيش حد يقول انها صعبة وبالنسبة للمواد هتلاقى موضوع مثبت فى الاول اسمة كل ما تريد معرفته عن صيدلة وهيفيدك اوى ان شاء الله انا اكبر منك بسنة والمنتدى كنا بنستفيد منه جدا وعلى العموم اى خدمة انا موجودة لو عايزة اى سؤال

ازيك يا سوسو انا سمعت من ناس ان نتيجة التحويل بتبان بعد شهرين من الدراسة وهو ده الي مخوفني
وكمان مش عارفة احنا لينا حويل من اول سنة ولا لا

شكرا ليكي على تعاونك معانا بعدين انا سمعت فعلا من ناس ان اسكندرية صعبة جدا كمان
فياريت تقوليلي بجد لاني خايفة احول بعدين اندم

بدام خايفه
متحوليش اسكندريه اصعب

بس لو شلتى خوفك اسكندريه افضل من الغربه للبنت

صعبه صعبه انت عايزة تبقى معيدة الكلام يختلف

السهولة يا جماعة مش كلية او جامعة السهل والصعب حاجة كدة ما فيش حد يفهمها خالص ولو تسمحى ليا يا سارة انى اقولك ادعى حاجى اللهم وفقنا لما تحبة وترضاه واى حاجة تيجى خلاص ارضى بيها تقبلى مرور اختك سارة

أولا أنا داخل هندسة يعني مقدرش أفيد عن الكلية
لكن مفيش حد بيذاكر وبيسقط
ثم (إن الله لا يضيع أجر من أحسن عملا)
وبعدين هما اللي كانوا قبل كده في صيدلة إسكندرية ماتوا
في منهم المتفوق (عشان ذاكر) ومنهم المتوسط (يعتبر ذاكر) ومنهم ... (...)
وشكرا

شكرا على الردود

انا عاوزه بس تفيدونى فى حاجه

ححتاج كورسات ولا لا انا بصراحه ضد الفكره لانه تضييع وقت

بس لازم ازا احتاج الوضع ..انا شهادات معادله فعايزه اعرف ايه اكتر المواد اللى انا فعلا ححتاج فيها كورسات:slap1qk6:

انا خلاص جاتلي طنطا بس مش عارفة احول ولا لا؟
لاني للاسف معرفش اي حاجة عن الاتنين يعني بصراحة مش عارفة مين احسن

اهلا بيكم ..
انا عايز اعرف
اول سنة في صيدلة ..
هل بيدرسوا لنا الاساسات اللي بنحتاجها في دراستنا بعد كدة ..
و لا على طول من الدار للنار ..

على فكره يا سوسو انتى و حبيبة رسول االله
انتى ممكن تحولى من ع النت مباشر للكليه الاقرب ليكى
والنتيجه بتظهر بعدها بحوالى 3 اسابيع او اكتر او اقل مش متأكد يعنى
بس مش لازم تستنى سنه ...انتى ممكن تحولى بعد سنه فى حاله واحده بس لاقدر الله وهيا ان طلب تحويلك مايتقبلش

mn el 25r ma 3laikom sowa bilmowk3 dah ...............
www.phmcy.com