بوابة الثانوية العامة المصرية - تحليل تنسيق الشهادات المعادلة 2009

السلام عليكم ورحمة الله وبركاته

اولا عاوز اهني كل طلبة الشهادات المعادلة من كل الدول العربية على كلياتهم واقول الف مبروك للي دخل الكلية اللي كان عاوزها وهارد لك للي دخل كلية مش حاببها او استنفذ رغباته

الموضوع ده مش مفيد اوي لطلبة السنة دي انما هيبقى ضروري جدا لطلبة العام القادم بإذن الله وخصوصا من طلبة السعودية بنين علمي "السنة الفراغ" علشان كل واحد يعرف ساعتها يكتب ايه في رغباته مش زي ما حصل السنة دي "كله استنفاذ رغبات"

بعد ما ظهرت نتيجة التنسيق مباشرة بصراحة اتصدمت من المجاميع العالية لأننا كلنا في المنتدى هنا كنا متوقعين ان طب تاخد من 90% وصيدلة 85% وهندسة 80% (بالنسبة للقدرات) لكن التنسيق جي مخالف لكل المقاييس
وطبعا التنسيق نزل بالمجموع النهائي من 410 ولكني كنت عاوز اعرف كل كلية خدت من كام قدرات
فتوصلت لمجموعة من الاحصائيات اللي جمعتها على شكل 9 صور في الملف ده

http://www.4shared.com/file/133038756/6fb6bce7/104-2009.html

ملاحظات :
1- لتحميل الملف اضغط على الزر الأزرق وانتظر العداد 10 ثواني ثم اضغط على الرابط لتحميل الملف
2- بعد تحميل الملف : الفئة الواحدة من الكليات مظللة بنفس اللون (يعني مثلا الطب لونه أحمر - صيدلة زرقا- حاسبات خضرا ....)
3- في درجات في عمود القدرات مكتوبة باللون الأحمر ومعناها ان الدرجة دي هي أقل درجة لو حصل عليها الطالب ممكن يدخل في هذه الفئة (مثلا الطب البشري 93 - صيدلة 90 ) وهو ده المهم في كل الموضوع
يعني مثلا لو واحد عاوز يخش فئة كليات الطب لازم يكون جايب على الأقل 93% قدرات وهكذا

وفي النهاية ربنا يوفق كلنا في الكليات سواء طلبة الثانوية العامة في مصر او طلبة المعادلة