كل ماتحتاجه حول التقديم للاكاديمة
 

النهادرة الحمد لله قدمت فى الاكاديمية - فرع بورسعيد - علما بأننى من محافظة شمال سيناء
والصراحة تقال الناس المسئولين فى الاكاديمية فرع بورسعيد قمة فى الاحترام والذوق والتعاون..
واحتوى ملف التقديم على الآتى :

1- صورة بطاقة الرقم القومى
2- صورة طبق الاصل من عقد العمل كمعلم مساعد
3- صورة من شهادة المؤهل
4- فيش وتشبيه ( صحيفة الحالة الجنائية )
5- تقرير من مدير المدرسة ( اى ورقة تثبت ان المدير راضى عن أدائك - مش مطلوب صيغة معينة ) مختوم
6- تقرير من موجه المادة ( اى ورقة تثبت ان المدير راضى عن أدائك - مش مطلوب صيغة معينة ) مختوم
7- بالنسبة ل icdl بتكتب تعهد ( نموذج تعهد جاهز هايدهولك هناك ) انك هاتحضر الشهادة قبل ما نتيجة الاختبارات تظهر ( معلومة : حتى اللى امتحن المديولات كلها بتاعة icdl ومعهوش الشهادة لازم هايكتب التعهد لغاية لما الشهادة تطلع - يعنى ماتنفعش اى افادة )

واكتر حاجة بيدققوا عليها ان العقد يكون قبل 2009 - ويكون مؤهلك تربوى

وبعد ذلك بتملى استمارة بها جميع بياناتك الشخصبة والوظيفية وبيقولولك على كود التخصص بتاعك اللى هاتمتحن فيه علشان تكتبه فى الاستمارة.
وفى النهاية يعطوك ورقة تثبت بأنك قدمت ملفك فى الاكاديمية

* نصيحة :-
هناك بعض المحافظات لم يتقدم منها اى معلم مساعد بملفه للاكاديمية حتى اليوم مثلنا فى شمال سيناء.. انا اول واحد من محافظة شمال سيناء يقدم والسبب فى ذلك المسئولين عندنا فى مديرية التربية والتعليم قالولنا اننا نقدم ملفاتنا فى المديرية فى محافظة شمال سيناء والمديرية بعد ذلك سوف تقوم بارسال مندوب يالملفات كلها للاكاديمية.. لكننى لم اقتنع بهذا الكلام وذهبت بنفسى وقدمت ملفى بالاكاديمية.. وعلمت انه من الافضل ان تقدم ملفك بنفسك حتى تضمن تسليمه وكتابة جميع بياناتك بشكل صحيح..
فنصيحة لكل معلم مساعد لم يقدم ملفه حتى الآن الاسراع بتقديمه بعد العيد مباشرة ، لأن الامتحانات ان شاء الله فى شهر اكتوبر


واى استفسار او سؤال انا تحت امركم

بارك الله فيك

الله يخليك يا باشا..
احنا فى مركب واحدة كلنا ومصلحتنا واحدة

بارك الله فيك

- اى صيغة تثبت ان المدير والموجه راضيين عن ادائك ، والمنتدى مليان بصيغات مختلفة لهذه التقارير .. حتى لو ورقة مكتوبة باليد بس لازم تكون مختومة من المدرسة والادارة
- وبالنسبة للفيش لازم الأصل
- وبالنسبة لشهادة المؤهل عايزين صورة طبق الاصل ، واحتياطى خد الاصل معاك علشان ممكن يطلبوا الاطلاع عليه

** وماتقلقش خالص من التقارير وبقية الورق.. اهم حاجة زى ماقولتلكم بيركزوا عليها تاريخ العقد لازم يكون قبل 2009 والمؤهل لازم يكون تربوى

واى اسئلة تانية انا تحت امرك

وعموما يا باشا دى صيغة من الصيغ اللى موجودة فى المنتدى :




نحيط سياتكم علما بأن السيد/ ...............................................
بمدرسة /........................................إدارة ....................................

قد تم تقييم أدائه داخل المدرسة في مجالات أخلاق المهنة والمشاركة في تحسين المدرسة وبناء علي ذلك حصل علي تقدير (مرضى – غير مرضى ).......................






نحيط سياتكم علما بأن السيد/ ...............................................
بمدرسة /........................................إدارة ....................................

قد تم تقييم أدائه داخل الفصل في مجالات التخطيط واستراتيجيات التدريس وإدارة الفصل وبناء علي ذلك حصل علي تقدير (مرضى – غير مرضى ).......................

تم فتح باب التقديم للاكاديمية مرة اخرى بعد اجازة العيد..
نرجو من الاخوة المتعاقدين سرعة التقديم للالتحاق بالاختبارات الاولى التى سوف تعقد فى شهر اكتوبر ان شاء الله