مبروك لمعهد فتيات ميت النحال على هذا التميز
 

اكيد كان الغش على ودنه من غير زعل او كان فيه بنت حد مهم فى اللجنه بتمتحن هذه هى الحقيقه المره للاسف لاننا بنراقب وعارفين الى بيحصل استحاله بالنسبه للطالب الازهرى انه يجيب 98 من غير مساعدات خا رجيه واسف اذا كان الكلام جارح

بص يا أخ بتاع انتة انا مش عارف جنسك اية بس الغش مش بيجيب مجاميع ولا بيحقق ارقام زى دى
الغش يمكن يعدى واحد بالعافية واحد محتاج سؤال علشان يعدى من المادة لكن يجيب مجموع اعتقد ان دا مجهود يا اخ ....

ولما حضرتك مراقب وعارف كل حاجة مش تبص لنفسك الأول لما امتحنت امتحانات الكادر .فاكر امتحانات الكادر ولا مش فاكرها
اكيد كان الغش على ودنة علشان كدة عديت وقبضت
نعيب زماننا والعيب فينا
روح صلح نفسك الأول وبعدين انتقد الآخرين
بدل متقول ربنا يجعلهم اسلحة لأمتنا ويستطيعوا ان يحققوا مالم تحققوة انتم

حرام ياعم يا بتاع المراقبه

الاستاذ الفاضل محمد السلام عليكم ورحمة الله وبركاته اولا عيب عليك يااخى ان تخاطب شخص بتعبير يابتاع انته انا مش عارف جنسك /وانت مفترض راجل مربى فاضل انا لم اقصد هذه المجموعه من الفتيات بالذات وانما انا اتكلم عن مايحدث بلجان الازهر عامه وبلاش ندفن راسنا فى الرمال ونقول لا كله تمام والامور ورديه وانا اتكلم عن صعوبه الدرجات 98 و99 فى الازهر نظرا لصعوبه المواد الازهريه وكثرتها ولذلك انا باشوف ان معظم الطلبه بيحتاجوا لمساعدات والى يقول غير كدا يبقا بيخدع نفسه انا كنت باسمع عن لجان فيها ناس واصله واولاد مشايخ بتطلع الورقه قبل بدايه اللجنه بتتحل وتتصور بعدد الطلبه وتدخل وماتقوليش يامحمد بك ان دا مابيحصلش او ان مدرس يقومون بالاخلاء الاجبارى له لمجرد انه بيعترض على الغش او مش عاجبه
اما عن امتحانات الكادر الى سعادتك ماسكها ذله علينا فانا حقيقى لم اغش فى التخصص تصدق او ماتصدقش دى مشكلتك انت وحتى لو غشيت هل معقول ياناس ان واحد يدخل ماده التربوى ولا العربى وانا لم اراهم فى حياتى يبقا انت كدا بتقول للناش ياجماعه غشوا بالعافيه واكيد معاليك جربت الموضوع دا واخيرا اشكرك على ردك المهذب

أرجو أن ترتفع لغة الحوار وأن نرد بأسلوب راقي

عيب جداااااااااااااااااااااااااااااااااااااااااااااااا اااااااااااا فين المشرف

لا داعى للتراشق بالالفاظ ولكن يجب أن تكون لغة الحوار على مستوى الموقع واعلموا ان الازهر الشريف به كوادر تجوب العالم شرقا وغربا وشمالا وجنوبا لنشر الدين الاسلامى الحبيف وندعوا الله عز وجل أن يجعل هذا الجيل من المتفوقين فى خدمة الاسلام والمسلمين اللهم امين وكل عام وانتم بخير والامة الاسلامية فى احسن حال.
مع تحيات العمدة الازهرى الاصيل