|
السلام عليكم ورحمه الله وبركاته
انا حبيت اعطيكم هذه الآيه لانها بجد حلوه واثرت فيا جامد قال الله تعالى:- "وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَى" " ومن أعرض عن ذكري " أي ديني، وتلاوة كتابي، والعمل بما فيه. وقيل: عما أنزلت من الدلائل. ويحتمل أن يحمل الذكر على الرسول، لأنه كان منه الذكر. " فإن له معيشة ضنكا " أي عيشاً ضيقاً، يقال: منزل ضنك وعيش ضنك يستوي فيه الواحد والاثنان والمذكر والمؤنث والجمع، قال عنترة: إن يلحقوا أكرر وإن يستلحموا أشدد وإن يلفوا بضنك أنزل وقال أيضاً: إن المنية لو تمثل مثلت مثلي إذا نزلوا بضنك المنزل وقرىء ضنكى على وزن فعلى: ومعنى ذلك أن الله عز وجل جعل مع الدين التسليم والقناعة والتوكل عليه وعلى قسمته، فصاحبه ينفق مما رزقه الله - عز وجل - بسماح وسهولة ويعيش عيشاً رافغاً، كما قال الله تعالى: " فلنحيينه حياة طيبة " [النمل: 97]. والمعرض عن الدين مستول عليه الحرص الذي لا يزال يطمح به إلى الازدياد من الدنيا، مسلط عليه الشج، الذي يقبض يده عن الإنفاق، فعيشه ضنك، وحاله مظلمة، كما قال بعضهم: لا يعرض أحد عن ذكر ربه إلا أظلم عليه وقته، وتشوش عليه رزقه، وكان في عيشة ضنك. وقال عكرمة: " ضنكا " كسباً حراماً. الحسن : طعام الضريع والزقوم. وقول رابع وهو الصحيح. أنه عذاب القبر، قاله أبو سعيد الخدري وعبد الله بن مسعود، ورواه أبو هريرة مرفوعاً: عن النبي صلى الله عليه وسلم، وقد ذكرناه في كتاب التذكرة ، قاله أبو هريرة: يضيق على الكافر قبره حتى تختلف فيه أضلاعه، وهو المعيشة الضنك. " ونحشره يوم القيامة أعمى " قيل: أعمى في حال وبصيراً في حال، وقد تقدم في آخر ((سبحان)). وقيل:أعمى عن الحجة، قاله مجاهد . وقيل: أعمى عن جهات الخير، لا يهتدي لشيء منها. وقيل: عن الحيلة في دفع العذاب عن نفسه، كالأعمى الذي لا حيلة له فيما لا يراه. وده تفسير الايه الكريمه من تفاسير القرطبي في الايه الكريمه رساله موجهه من رب العالمين الي كافه الناس والبشر ان اللي ينسى ذكر الله وينسى دينه وينسى العباده يكون في الحياه (مخنوف) ومش مرتاح ومش عايش كويس ويحس دايما ان في حاجه طابقه على صدره نفسه يتنفس كويس عايش ومش عايش مخنوق ودايما عصبي ومش طايق حد قدامه شوفوا يا جماعه انا شخصيا عديت بالمرحله دي يعني لو بعدت عن ربنا حتلاقي نفسك مش طايق نفسك دايما عصبي وعصبيتك دي بتكون على اقرب الناس ليك وبتاخد عليها ذنوب لانك ممكن تتعصب على والدك او والدتك والاتنين ماينفعش نتعصب عليهم او نرفضلهم طلب او نضايقهم طيب الحل ايه؟؟؟ انا نفسي لقيت الحل وكل ما ابعد عن طريقه ارجع اتعب اذكر ربنا بالصلاه وادعي فيها من قلبك ان ربنا يغفرلك اللي فات ومش شرط صيغه معينه من الدعاء ادعي ربنا بأي لغه بالبلدي باللغه العربيه الفصحه او بالانجليزي اي لغه قريبه لقلبك ربنا رب قلوب عارف انت عايز ايه ده ربنا سبحانه وتعالى قال عن نفسه تجلى في علاه قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ يعني ربنا سبحانه وتعالى بيقول لنا ان اللي يغلط هو بيغفر له المهم يبقى ناوي بجد اذكر ربنا بالاذكار الجميله اللي كلنا مالية بيوتنا مثل ايه الكرسي من قالها بعد كل صلاه لم يمنعه من دخول الجنه الا ان يموت و (اللهم صلى على سيدنا محمد وعلى آل محمد كما صليت على ابراهيم وعلى آل ابراهيم كما باركت على محمد وعلى آل محمد وبارك على ابراهيم وعلى آل ابراهيم في العالمين انك حميد مجيد) وايضا سبحان الله وبحمده من قالها مائه مره غفرت ذنوبه وان كانت مثل ذبد البحر وكتير وكتير احنا مستنين ايه عشان نرجع ونتوب ونرضي ربنا كلنا كل واحد فينا لو اخد نفس مش عارف حيقدر ياخد التاني ولا لأ ويا سعده يا هناه اللي يموت وهو على طاعه ربنا او بيذكره او بيصلي او بيصوم يابخته يا سعده يا هناه اذكر ربنا انك تصلي على سيدنا محمد كل ده ثواب انت بتاخده اللهم صلي على سيدنا محمد امانه عليهم تصلوا على الحبيب 10 مرات دلوقتي عشان اجركم يتضاعف بإختصار اللي يذكر ربنا حيعيش عيشه جميله وربنا دايما حيكون جنبه في وقت الصعب ووقت البلاء وكل وقت وكل اموره حتكون ماشيه ميه ميه وقبره حيكون نور وحيكون في نعيم واللي ينسى ذكر ربنا وينسى طاعته حيكون مخنوق عايش ومش عايش حياته كلها مشاكل ومتعرفش المشاكل دي بتيجي منين ومصايب وربنا يحفظنا كلنا قبره حيبقى عليه ضيق وغير ذنوبه اللي كل ذنب لييه عذاب في القبر ده غير يوم القيامه يبقى حيعدي على 3 عذاب الاول في الدنيا وده مهما كان صعب على الانسان ف هو اهون من العذاب الثاني الثاني في القبر وهو اصعب من الاول ولكنه ليس اصعب من العذاب الثالث الثالث في جهنم يوم القيامه وهو اشد العذاب كلنا في ايدينا ندخل الجنه نطيع ربنا ونتمنى منه الجنه بصدق وبثقه في ربنا انه حيدخلنا اما بقى اللي متكبر ربنا يهديه ويبقى من اهل الجنه ده طبعا لما يرجع لربنا ف اللي فينا شايف في نفسه عيب او شايف نفسه مقصر في حق ربنا يرجع له بسرعه ومن اجمل الذكر قراءه القران الكريم والله اعلم ويارب اكون فيدكم وآسفه على الاطاله والسلام عليكم |
في الايه الكريمه
رساله موجهه من رب العالمين الي كافه الناس والبشر ان اللي ينسى ذكر الله وينسى دينه وينسى العباده يكون في الحياه (مخنوف) ومش مرتاح ومش عايش كويس ويحس دايما ان في حاجه طابقه على صدره نفسه يتنفس كويس عايش ومش عايش مخنوق ودايما عصبي ومش طايق حد قدامه **** دى بقا صحيحه 100% شكرا على الموضوع الجميل ده |
ايوه هو ده صح البيحصل
شكرااااا على مرورك واتمنى ان يكون عاجبكم |
| جميع الأوقات بتوقيت GMT +2. الساعة الآن 05:55 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.