العيد فى مصر
 

أنا بتهيألى يا جماعة العيد فى مصر جميل جدا

أحسن من البلد اللى أنا فيها (السعودية )

أنا رحت أصلى العيد النهارده ملقيتش أى حاجة خالص لا حد بيكبر ولا أى حاجة ولا حد بيسلم على التانى (غير

المصريين ) لأن التكبير دا مخالق للسنة عندهم وبعدين صلينا والامام قام خطب خطبه مفهمتش حاجة منها

بس وبعد العيد ممكن تروح استراحة أو حديقة تقعد فيها وبس

وبليل تروح تتعشى انتا واصحابك فى اى مكان ولا تقعدوا فى أى كافيه

لا ينفع تخرج انت واصحابك ولا اى حاجة ( الا لو كان معاك عربية طبعا ) والجو مولع ويقرف

بصراحة بحس ان العيد فى مصر له طعم تانى خالص غير اى بلد

كل سنة وانتم طيبين

كل سنة وانت طيب
ان شاء الله هيكون عيد سعيد بردو
بس لمة العيد حلوة
ان شاء الله عيدك اللى جاى هيبقا فى مصر
دمتم فى رعاية الله

انا كنت في السعودية

وبجد والله العظيم العيد هناك مله أي طعم

كله سكوووووووووووووت ..

بس طبعا في مصر حاجة تانية خالص

أحلى حاجة انك بين أهلك وناسك

كل سنة وانت طيب

وان شاء الله عيد سعيد عليك وعلينا جميعا

اه ان شاء الله .. وكل سنة وانتى طيبة

عيد سعيد ان شاء الله .. وكل سنة وانتى طيبة

شكرا .. وكل سنة ونتى طيبة

طبعا ملوش أى طعم هناك .. وكل سنة وانتى طيبة

شكرا .. وكل سنة وانت طيب

انا عكسك خالص انا كنت في السعودية والعيد هناك احسن مليون مرة من هنا
هناك كانت لمة ونروح الحديقة مع بعض
بعكس هنا مش بلا قي حد اخرج معاة ومفيش لمة خالص
بروح اسلم على اقاربي وخلاص

كل سنة و انت طيب
أنا كمان في الرياض و بجد مش عارفة ايه العيد اللي في البلد دي
شوية مهرجانات عبيطة و عروض أعبط
العيد هنا للأطفال بس
و كمان معظم المصريين اللي هنا مسافرين و اعملية بايظة خالص
بجد العيد في مصر حاجة تانية

بالعكس بقى العيد ف السعوديه عندى أحسن مليون مرة م العيد اللى هنا
او يمكن علاشن قضضينا العيد هناك واحنا صغار
انا بقعد أفتكر صلاة العيدف الحرم والخروج
حاجه غير هنا خالص
انا اصلا مش حاسه ان ف عيد

كل واحد حسب ما اتعود يقضي عيده
وحسب ما حواليه اصحابه وقرايبه
حيحس بطعم العيد

لأنه العيد مش بالمكان
العيد باللمة والصحبة والهيصة