الصيدله وما يحيط بها من حقد
 

الحقيقه الصيدله من اهم المهن ان لم تكن اهمها ورغم ذلك نجد شرذمه قليلون من الحساد يعتبرونه بياع بدافع الحقد والغيره لما للطبيب الصيدلي من مكانه
ولكن العيب في هؤلاء الجهله بل العيب فينا لاننا لم نفكر كيف نعيد لها تاريخها
فالصيدله ليست بالمهنه التجاريه ولكن صرف الادويه هو جزء بسيط جدا من المهنه
اريد لكل طبيب صيدلي او طالب في كليه صيدله يقول رايه في كلمه بياع
ويقول ازاي نرجع للصيدله بريقها
وسابدا اولا
اهم حاجه ان احنا نقوم بالدور الصلي وهو تصنيع الادويه واكتشاف علاج للامراض التي لم نصل لعلاجها
وهذا غير متوافر في مصر لاننا نستورد الادويه مصنعه
اتمني في النهايه ان تزود مناهج الصيدله باحدث ما توصل له العلم وان نبدا بالاضافه له حتي لا نكون مجرد ناقلين

وانا اشاركك في الراي وارفض تماما كلمة بياع وممكن الصيدلي يفتح صيدلية كمصدر دخل فقط ولا يعتبرها هي المهنة الاساسية له كصيدلي لان زي ما حضرتك قلت مهنة الصيدلي اكبر من دلك وهي تصنيع الادوية بدلا من ان نستوردها

والله يا دكتور انتا رديت فينا الروح .....
وانا رايى فى اللى يقول على الدكتور الصيدلى انه بياع انه متخلف و جاهل و حقود و حسود....
و عايز اسأله سؤال واحد بس....تخيل ان العالم دا مافيهوش صيدليات.....وانك مصاب بمرض خطير ولازم علاج ضرورى....ساعتها مين ينفعك غير اللى بتقول عليه بياع دا.....
وشكرا على طرح الموضوع دا اللى على جانب كبير جدا من الاهميه

انا متشكره علي مشاركتكم بس فين اقتراحاتكم

بالمناسبه في حد منكم حس بالاحباط لما سمع كلمه بياع
انا رغم اني بحب الكيمياء والصيدله الا ان الكلام ده اصابني بنوع من الاحباط رغم انه مش صحيح ياتري الشعور ده عندكوا

لا ووالله انا سمعت كلمة اني هبقى بياعة كتير اوي حتى من اختي بس مش اهتميت
لاني ممكن افتح صيدلية واشرف عليها بس لكن مش هبيع لان دة مش طوحي
لاني بمووووووت في الكيميا وداخلة الصيدلة مخصوص عشان اشتغل في تصنيع الادوية واكتشف ادوية كمان

ماتمشيش ورا كلام الناس .....قصدى ورا كلام الجاهلين....وخليكي واثقه فى نفسك ...

وبالنسبه للاقتراحات ...فانا من وجهة نظرى المتواضعه ان احنا -كصيادله مستقبلا ان شاء الله-اننا ننزل موضوعات تحكى عن تاريخ الصيدله و اهميتها للانسان والمجتمع....وممكن برضه نهاجم الناس الجاهله اللى بتقول ع الصيدلى بياع لس هجوم يليق باسم ومكانة كلية الصيدله...

مع اني كنت عايز ادخل صيدلة بس اول ما سمعت كلمة بياع دوا دي , وانا مخنوق , وحتى لما حد بيقولي يا دكتور مش بحس باي فرحة زي ما كان الي في صيدلة بيقلولي, وبحس انه بيقولهالي من ورا قلبو حتى لو كان واحد قريبي. حتى اني فكرت احول وبدات اكيف نفسي على كلمة بياع دوا دي وقول الحمد لله, مع اني طموحي مش اني اقف في صيدلية.

ياجماعة انا فى طب بس انتو واخدين الامور بحساسية قوى محدش يسمع كلام الناس مهنة الصيدلة من اكتر المهن اللى بيحترمها الناس كمان فى ناس بتبقى جايبة مجموع طب وبتدخل صيدلة عادى خالص وبعدين اللى بيسمعكو بتقولوا بياع بيحس ان البياع دة حرامى المفروض ان كل مهنة ليها دورها فى المجتمع ومن غيرها يحدث خلل ولا اية

جماعه اتو تاعبين نفسكو ليه وعلى رأي الشاعر واللي بيئولوا علينا بياعين أذا تكلم السفيه فلا تجبه فخير من أجابته السكوت ووالله في ناس فاشله في حياتها وكان نفسها تدخل صيدله ومعرفتش فبطاع حقدها وحسدها على الناس يلا ربنا على المفتري :049gc0::abdoog8::blush:

مهنة الصيدلة من اهم المهن في مختلف الازمان ولكنها فعلا زي ما قلت مستواها انحدر جدا
انا والدي قالي ان الصيدلي زمان كان هو اللي بيحضر الدوا يعني مثلا المريض يروح يقول للدكتور انا عندي كحة يقوم الدكتور ساعتها يحضر الدوا ويحط المادة دي على المادة دي عشان يعمل الدوا واكبر مثال على كده فيلم "الدواء فيه سم قاتل" هههههههههه
الصيدلي انا شايف انه ملوش غير حاجة واحدة انه يحضر الدوا وهو ده علم الصيدلة انما انه يقف يبيع انا مش مقتنع بيها بصراحة لأن اي واحد ممكن يقف في صيدلية ويجيب الدوا ويبقى في الحالة دي اسمه بياع
لأن المفروض انه صيدلي مش تاجر

عندى اضافة لكلام الدكتور عمر الغندور و هو دكتور و نص بالمناسبه مش بياع
هو انى شفت فى ليبيا نظام غريب للصيدليه غير الموجود فى مصر فيها اتنين دكاترة صيدله و بشرى
الصيدلية عبارة عن جزئين جزء صيدليه و الجزء التانى عيادة لو انت طلبك عارفه و داخل تشترى دواء معين الدكتور الصيدلى بيجبوا لك مباشرة لو انت مش عارف عندك ايه و عايز تقول اعراض المرض و تستشير ه او تكشف بتدخل عند الدكتور بيكتبلك علاج بتصرفه من الدكتور الصيدلى بس بصراحه معرفش الدكتور اللى بالداخل تخصصه ايه هو الاسم من بره مكتوب صيدليه مش عيادة و النظام ده فى كل صيدليات ليبيا والدكتور الطبيب و الصيدلى بيساعدوا بعض و المحصلة فى صالح المريض بس غرفة الطبيب بتكون منفصلة عن الصيدليه مش حاجه واحدة غرفة الطبيب بتكون غرفه داخلة لجو ه و الصيدليه فى الواجهه و الاتنين مفتوحين على بعض . نفس النظام بينطبق على محل النظارات بتلاقى دكتور عيون بالداخل و بيكشف على نظرك قبل ما تاخد النظارة و يتأكد من سلامة الرؤيه عندك بعد لبس النظارة نفس الامر فى محل الالكترونيات بتلاقى مهندس متخصص بصراحه فى نظام
مش فوضى و عشوائيات . العمليه قبل ما تكون تجارة هى علم و الليبيين ناس جد معندهمش هزار و لا هرجله
دخلت اكتر من سوق هناك بتلاقى السعر موحد فى كل سوق نفس الامر لسعر الدواء و القرطاسيه اللى هى المكتبه