|
الواد كريم .. السعيد حافظ
الواد كريم الواد كريــم كركـر كرملــــة بن محمد صبحي الظابــــــط نفسه في حاجة تِفرّح قلبُـــه تسعد تنعش قلبــه الشايــــط شُفتُه و بُوستُه في يوم العيد مَطفي حزيــــن و الكل سعيد جيبــه مَلان ولِعَب بالكــــوم جزمتُه حِلوة و لِبس جديـــد ليه يا كريــم زعلان من إيــــــه من أحوالنـا و ذنبــك إيــــــــــه ضاعت نخــــوة كل ولادنـــــــــا أعمل إيــــه في ولاد الإيـــــــــه يضرب رجله في نفس المطرح صوت الضربة يقول وبيشـــرح نفسي يا خال ماعرفشي في إيه نفسي في حاجة تجيلي تفــــرّح واد يا كريم زعلان في حضانتك و لاّ المِسْ خطفـت مصاصتــك ؟ كيس الشيبسي يوماتي بيرجــع فُوقه لِبانْ يرُفــض فرقعتـــــــك وزن الريشه بقيت يا صغيـــــر قول ما تخافشي و ربك يُستـــر إحنـــا كمــان لازم نتغيــــــــــر ما تسبنيش يا كريــــم متحيــر |
على عليك يا فنان ..
والله قاعد اصقفلك .. تسلم ايدك يا أبو قلم عارف مشواره وهدفه .. تسلم ايدك وكل سنة وانت بخير |
أبو نجوم .. كل سنة و إنت طيب .. و صمتك جميل زى كلامك... و منحرمش أبدا من إبداعاتك
و أفكارك الجديدة |
تحية احترام وتقدير لحضرتك
مبدع على طول
ياأستاذي السعيد |
الله عليك بجد يا أستاذ السعيد حافظ
والله انا ما عارف اقولك اية بجد دايماً قلمك مبدع وافكارك رائعة ديماً ممتعنا يا أستاذنا ربنا يبارك فيك يارب ويحفظك وكل سنة وحضرتك طيب فى رعاية الله .. |
اقتباس:
|
بقيت اول ما بدخل الابدعات بدور على مواضيعك الجديدة
بجد حضرتك من الناس اللى صعب جدا ما اقراش مواضيعها و لما بفتح الموضوع ببقى عارف انى هلاقى شعر بجد و هدف و كلام عارف هو مكتوب ليه حقيقى بتمتعنا بقصايدك رغم الالم و الحزن اللى فيها و السخرية أحيانا و لكن تبقى كماتك نهج أدبى و أخلاقى رفيع |
اقتباس:
|
اقتباس:
أما بخصوص الموضوع " إياه " هو جميل و فكرة حلوة بس المشكلة محتاجة شوية وقت... و ربنا يسهل لأن الدراسة على وشك .. تقبل تحياتى . |
مفيش حاجة تفرح يا كريم حتى لبس العيد و الحلويات منهم لله.الله يا أستاذ على الكلام الجميل الخطير إللى مليان هموم
|
بجد والله رائع حضرتك ليك أفكار كدا لوحدك بتنفرد بموضوعات وافكار غاية فى الروعة والله ببقى مبسوطة جدا وأنا بقرالحضرتك وإسلوب حضرتك المميز يعنى ذى ما تكون بتدينا المر جوا الشهد بتعرض الموضوع بطريقة فكاهية على الرغم من إنه موضوع كبير ويقلب الأوجاع دمت مبدعا ومتألقا ربنا يوفقك |
الله الله الله الله الله والله فعلا انسان مبدع
وبجد حضرتك عندك ذوق فني راقي وجميل جدا ربنا يخليك لينا ويوفقك عشان تكمل مسيرتك وتبهجنا بحاجاتك الحلوة ده دايما وتأكد تماما ان حضرتك من أكتر الناس اللي بدور على مشاركاتهم |
اقتباس:
|
اقتباس:
يا رب يقدرنى و أسعدكم بأعمالى |
رائع ياعم السعيد
وبيتهيألي ننتظر تكملة الموضوع كبير لك خالص التحية العزب |
| جميع الأوقات بتوقيت GMT +2. الساعة الآن 01:14 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.