ايه الفرق بين تاريخ واثار
 

ايه الفرق بين قسم التاريخ والااثار

ايه يا جماعه محدش يعرف حاجه ولا ايه ولا شكلكم كده مستخسرين الرد

بصى يابوسى انا حقولك الى اعرفه
الفرق هو ان قسم الاثار الى هو يونانى رومانى بيدرس تاريخ اليونان والرومان بجانب لغات زى اللغه الاتينيه وغيرهاا اما التاريخ بتدرسى فى سنه اولى تاريخ عام وبعدين لو جبتى جيد فى ماده تخصص تدخلى على الاثار اما المصريه او الاسلاميه يعنى لو دخلتى الاثار الى جوه قسم التاريخ يبقى زيك زى قسم الاثار التانى والفرق بينكم انك اثار مصريه اما التانى اثار يونانى رومانى وعموما انتى لو باصه على الشغل فى المستقبل فالقسمين حلوين انا اعرف ان التاريخ شغله بيكون فى السياحه او الاثار او الصحافه والاعلام ووزارة الخارجيه او السلك الدبلوماسى وده كله مكتوب فى كتاب الكليه حتلاقى مكتوب ان بيتوافر لخريجى قسم التاريخ الشغل الى انا قولتلك عليه وربنا يوفقك يارب

معلش ولاء أعذرينى بس فى حاجات كتير مش مظبوطه أصل أنا قسم آثار
بصى يا بوسى قسم الآثار فيه تلات شعب شعبة آثار مصرية ودى أعلى شعبة وشعبة آثار يونانى ورومانى ودى تانى شعبة فى التنسيق وشعبة آثار إسلامية
القسم بيقبلك على درجة اللغات أو لو جايبه 50 فى التاريخ
وبرده شعبة آثار مصرية بتقبلك على درجة الإنجليزى يعنى بتأخد أعلى درجة وبتدرسى فيه هيروغليفى وديموطيقى وهيراطيقى وقبطى والإنجليزى أكيد دى لغة اساسية فى القسم عموما وفى مواد تانية واللغات دى مش بتدرسيها كل سنة كل سنة بتدرسى لغة بس الهيروغليفى مستمر
أما قسم يونانى ورومانى فإنتى بتدرسى لاتينى وهيروغليفى بس الهيروغليفى ترم واحد
أما شعبة آثار إسلامية فبتدرسى تركى فقط أنا بكلمك على اللغات بس لكن فى مواد تانية
والدراسة فى الآثار ممتعة فى مادة إسمها تدريبات ميدانية دى عبارة عن زيارة للمواقع الأثرية يعنى كل رم بتروحى زيارتين غير طبعا الزيارات إلى تبع الجمعية الآثرية ودى مش ببقى إجبارى
يعنى لو بتحبى السفر أدخلى قسم آثار


أما قسم التاريخ بقى فإنتى فى أولى بتدرسى تاريخ قديم وبعد كدا بتدرسى تاريخ حديث ومعاصر لكن مع إحترامى لولاء مش ممكن يتحول من تاريخ للآثار فى تانى سنة أول مرة أعرفها دى إلى داخل آثار بيفضل آثار وإلى داخل تاريخ بيفضل تاريخ لكن فى قسم تاريخ مش بتدرسى اللغات الكتير غلى بتدرسيها فى قسم الآثار
والله أعلم

ربنا يوفقك

بنت الريف ميرى لمعلوماتك بس حضرتك انا كلامى عن ادب الاسكندرية وكل الى انا قولته موجود فى اداب اسكندرية لانى انا طالبه فى كليه الاداب جامعه اسكندرية واحنا فى بينا وبين مثلا القاهرة اختلاق تاااااااااااااااام فى الاقسام فأكيد انتى بتكلمى عن كليه تانيه غير بتاعه اسكندرية
لانى انا طالبه فيهاا ومعلوماتى دى عن ثقه كبيييرة اوووووى فياريت لو بوسى من اسكندرية يبقى تاخد بالها من كلامى لان معلوماتك بنت الريف مش للكليه عندنا خالص اكيد حضرتك بتكلمى عن محافظة تانيه وبالنسبه للتاريخ عندنا فهو اسمه بالظبط التاريخ والاثار الاسلاميه المصريه وفعلا بيضم جواه اثار مصرى او اسلامى وبتتخصصى فيها من سنه تانيه اما الاثار التانيه الى عندناا فهى اثار يونانى رومانى وفيها شعبه واحده وهى شعبه كلاسيك ولو مدخلتيش كلاسيك يبقى تكلمى اثار يونانى رومانى وبتدرسى لغتين ....