الموضوع دة مهم بالنسبة لية و لاى بنت و فى حاجة بتضايقنا و هى الولاد :angry: مش اى ولاد و مش ولاد المنتدى انا قصدى <_< عالولاد اللى بيعاكسوا البنات اللى مش بقينا نعرف نمشى منهم فى الشارع خاااااااااالص

بجد انا زهقت دة حتى الرجالة الكبار بدل ما يزعقوا للولاد هم كمان بقوا بيعاكسوا

بلاش دى كمان لما ولد يجى يطلب نمرة غلط و تطلع النمرة دى بنت يفضل كل يوم يتصل و يبعت ماسجات :angry:

يعنى الولاد اللى بيعملوا كدة بيستفيدوا اية مش عارفة عالعموم ياريت كل ولد بيعاكس البنات يبطل لانها حاجة مش كويسة :(

بصي بصراحه انا شايف ان البنت هي اللي في ايديها تخلي الولد يعاكسها او ما يعاكسهاش

يعني من الاخر انتن السبب إذا حد عاكسكم في الشارع.

.

.

<div align="center">اكيد انا معاكى سوسو
ودى ظاهره بقت مالوفه تقريبا فى مصر كلها
وتعرفى بيبقى منظر الولد سئ جدا لما بيعاكس بنت تحسى بعبط كده او بله
المهم غيرى رقم موبايلك علشان ترتاحى وبالنسبه للشارع انتى واحده ماشيه فى الشارع واثقه فى نفسها ولبسك محترم
اوكى اعتبرى اللى يكلمك كلب بيهوهو هتعبريه او هتضايقى منه مثلا؟
اكيد لا
بس :)</div>
<div align="center">يااااااا ميدو انا مش معاك خالص
البنت محترمه مش محترمه هتسمع اى كلمه وخلاص
الشباب اللى مش محترمين هم المشكله وطبعا برده فى شباب محترم فى حاله دول ربنا يهديهم كمان وكمان طبعا</div>

بص يا msamido اولا انا لما بشوف ولد فى نفس الرصيف بعدى الناحية التانية خالص و بعدين انا لية واحدة صاحبتى منقبة وولد خد بالة ان عينها خضرة فعكسها مع انها منقبة يعنى هية تعمل اية اكتر من كدة ؟؟؟


و العموم يا تويتى جيرل انا مش برد اصلا على النمر اللى مش عارفاها بس انا بتكلم على البنات عامة

انا معاكم ان في فئة من الولاد عايزه الحرق من أمثال اخينا اللي بيعاكس البنت المنقبة ده بس دول مش الفئة الغالبة

الفئة الغالبة هي اللي بتعاكس البنت اللي عايزه تتعاكس بمعني ان واحده لابسه مش عارف ايه باسلوب سافل سوري يعني في الكلمة هتكون النتيجه ايه غير ان الشعب كله يعاكسها

بس بردوه المحترم محترم ومش هيعاكس لو هي ايه كده
.
.

يا ميدو تصحييييييييييييييح
دول مش بنات

بس محسوبين عليكم

زي بالظبط الولاد التانين ما هما محسوبين علينا بردوه
.

.

دول حسابهم عند ربنا
وربنا يهدى الجميع شباب وبنات

:) اولا انا بحييكى انك كتبتى فى الموضوع ده لانى بجد بعد اللى بشوفه كل يوم زهقت اوى

وكنت بفكر اكتب موضوع زى ده ....

ثانيا : الظاهره دى بقت منتشره اوى اوى اوى فى المجتمع المصرى واعتقد ان الغلط مش من الشباب بس
لكن البنات كمان ليها دور فى كده
مش هاقول علشان لبس البنت ولا حاجه لان الانسان اللى ماعندوش دم لما يحب يعاكس مابفكرش دى لابسه ايه ودى لابسه ايه

انا الى بشوفه كل يوم فى القطار وانا رايح الكليه خلانى حزين بجد وحزين للبنات اللى بتعمل فى نفسها كده لما تسمح
لنفسها انها تتكلم مع ده وتتكلم مع ده انا ببقى مكسوف علشانها لانى مايرضنيش اختى تعمل كده او يتعمل معها كده

وانا بتفق مع ميدو فى كلام وبختلف معاه فى كلام بس اعتقد اغلب كلامه صح :D

مره تانيه شكرا انك طرحتى الموضوع ده
سلاااااااااااااااااااااااااااااااااااااااااااااااا اام

بالظبط يا هند ربنا يهدي الجميع

وشاعر الحب قال مثال مهم فعلا لحالة موجودة بكثرة في المجتمع
.
.

حقيقي بقت ظاهرة منتشرة بس ملناش غير نقول ربنا يهدي الجميع
وحابب اقول لكل واحد بيعاكس انه يخلي باله انه ليه اخوات بنات
واكيد انت متحبش انه حد يعاكس اخواتك لنهم عرضك وزي ما بتحب تحافظ علي عرضك
حافظ علي اعراض غيرك وربنا يجزيكم كل خير

بنات مين يا عم ميدو اللي عليهم المسئوليه

ايه اكتر من بنت محجبة هدومها واسعه مش باين منها حاجة و تتعاكس حاجة تكسف

طب يا شباب لو هي لابسة مش كويس ( الملابس لا تدل علي الشخصية دائما ) ممكن تتنيل تعاكسها و طبعا للمعاكسة حدود يا نجم انت و هو

يعني ملاقيش شاب زي البغل بيقول كلام انا اتكسف منه يا ولد

و واحد يستظرف و تاني يعمل نفسه عبيط

لكل شيئ حدووووووووووود راعوا الحته دي واللي مترضاهوش علي اختك و والدتك مترضهوش علي غيرك بس .........,

انا شايف ان لو البنت مشيت محترمه ولبست لبس عدل محدش هايبصلها ولا حد هيعاكسها

والمفروض ان الولاد هم الي يشتكو من البنات وعدم احترامها

وبعدين والله البنات دلوقتي بقو هم الي بيعكسو

<div class='quotetop'>إقتباس(midoragab @ Nov 13 2006, 01:58 PM) [snapback]239158[/snapback]</div>الصراحة دة اكتر رأى عجبنى و اغلبية الكلام صح بس ممكن تلاقى ولاد بكل بجاحة تقولك انا معنديش اخوات بنات :blink:



<div class='quotetop'>إقتباس(amr_2010 @ Nov 13 2006, 02:21 PM) [snapback]239164[/snapback]</div>انا مش معاك يا عمر فى رأيك

يعنى اصلا من الاسلام اننا نغض البصر مش لما ولد يلاقى بنت لبسها وحش بدل ما يغض بصرة و يخلية فى حالة يعاكسها!!!!!