وأخيرا ... يا شهادات معادلة
 

السلام عليكم ورحمة الله وبركاته
ازيكم يا جماعة وكل سنة وأنتوا طيبين وبألف صحة وسلامة
يا جماعة نداااااء لكل اللي عايز يحول لتقليل الاغتراب
النهاردة الباب اتفتح في المدينة الجامعية في القاهرة مبنى 9
من الساعة 9 إلى 3
والمطلوب :-
1) 1000 جنية .
2) الايصال اللي استلمتوا بالدرجات من مكتب التنسيق لما رحتوا تقدموا الورق بتاعكوا .
3) صورة من جواز السفر أو البطاقة الشخصية .
4) صورة من بطاقة الترشيح .
5) طلب هتاخدوه منهم تعبوه ساعتها .
والكلام ده لغاية 30 / 9
وربنا يوفقنا جميعا

سلامي يكوا كلكوا

وعليكم السلام ورحمة الله وبركاته
اولا الف شكر على اهتمامك وجزاك الله كل خير
انا برده سألت دلوقتي :
1- بطاقة الترشيح
2- اصل وصورة وصل الدرجات
3- اصل وصورة الباسبور او البطاقة الشخصية
4- وصل نور أو مياه

يا جماعة اعمل ايه احول الزقازيق ولا افضل في طب عين شمس
ساعدوني انا محتار اوي

اولا شكرا ليكي عالخبر

تانيا لو كان مجموعي اقل من الكلية اللي هحولها بنسبة بسيطه يوافقو ولا لأ؟

ارجو الرد سريعا

انت من فين؟

طيب انا جتلي هنسدة شبرا بنها وانا فى اسكندرية وجايب اقل من اسكندرية بدرجه طيب هينفع تحويل للاسكندرية
واروح القاهرة ولا ينفع من خلال النت

من المنصورة

يا جماعه كل سنه وانتو طيبي ن اولا ثانيا ايه رايكو فى كليه صيدله

ايه رايكو صيدله ولا طب اللى احسن للبنت

مفيش حد هنا ولا ايه

ياااااااااااااااااااااااااااااااااااااجماعهههههههه ههههههههههههههههههههههه

أهلا يا د عبد الله
بالنسبة لسؤالك أصل كده من غير سؤال شوف لو نفترض انك مثلا من المنصورة وطبعا كاتب اول رغبة في المنصورة وبعدين كاتب باقي المحافظات وجاتلك الزقازيق مثلا وعايز تحول لمحافظتك ده يعتمد بأه على وجود مكان ليك ولو كان التحويل بالمجموع مكنش حد حول لان معنى انو متجيش اول رغبة يعني مجموعها اكبر من مجموعك
حكاية المجموع دي بتعتمد على حاجة واحدة بس لو انت عايز تحول لكلية تانية خالص مش من طب لطب او صيدلة لصيدلة وهكذا ساعتها لازم يكزن مجموعك اكبر من اللي طلباه الكلية التانية دي
وشكرا

للبنات الصيدلة طبعا احسن بكتير من الطب
انا كل البنات اللي اعرفهم في طب كارهين حياتهم وندمانين على انهم دخلوها لأسباب كتير
1- المشوار 7 سنين يعني تكون البنت عنست :d
2- شغل الاطباء صعب يعني مثلا الدكتور ممكن يقعد لساعات متأخرة في عيادته انما البنت صعب عليها كده
3- الدكتور ممكن يسافر يكمل دراسته بره او يسافر يشتغل يعني من الآخر عنده حرية في الحركة على عكس البنت اللي بتبقى مقيدة شوية
4- سمعت من قرايبي البنات اللي في طب كلمة حلوة اوي بيقولو دراسة الطب محتاجة صحة :d يعني فيها مشقة حتى في الدراسة والمذاكرة و في الامتحانات مش في الشغل بعد كده بس

ولو في بنت دخلت طب يبقى احسن حاجة ليها النسا والولادة
على العموم كلية الصيدلة كلية جميلة جدا وشغلها ودراستها مناسبين للبنت اكتر
وربنا يوفقك

انا رأيكي معاك يا احمد ان صيدلة احسن للبنات
كمستوى اجتماعي ومادي مرتاح للبنت
وانا من مؤيدي صيدلة طبعا لأني في كلية صيدلة هههههههه

يعني انتي قصدك ان التحويل بين الكليات المتناظرة ملوش علاقة بالمجموع
المجموع فقط بين الكليات غير المتناظرة صح ؟؟

بس ممكن اعرف الكلام ده اكيد ولا تخمينات ؟؟