|
من فضلك هدى صوت الكاسيت
بسم الله الرحمن الرحيم والله هو الموضوع بسيط ومش بسيط بس مستفز جدا ويصدع الدماغ هاتكلم عن الناس الرخمه جدا اللى بتمشى فى الشارع معلين صوت الكاسيت بطريقه رخمه اوى الشارع كله ودنه اتخرمت ليه معظم الشباب فى الشارع اللى معاهم عربيات معليين الكاسيت ع الاخر لدرجه انك تكون بعيد عنه بـــ 200متر وودنك تتخرم من شده الصوت امال هوا ودنه عامله ايه مركب فيها ودن خشب بجد ياجماعه نفسى افهم الناس دى بتمشى معليا الصوت بالطريقه دى ليه كده هما هايخدم نيشان على الصوت العالى ولا على قرف الناس ولا يكونو مفكرين انهم هما اللى بنى ادمين واحنا سورى يعنى ال................؟؟؟؟؟؟؟؟؟؟؟؟؟؟ انا والله سعات بتبقى الساعه 4.00 الفجر والاقى واحد فرفور معدى بالعربيه اللى دادى جيبهاله معلى صوت الكاسيت بطريقه لا تطاق بجد هوا فى ايه مافيش حد عايش هنا اللى انت ولا ايه انا نفسى بجد ينزله قرار بمنع صوت الكاسيت فى الطريق العام بس لاحياه لمن تنادى كلمه بوجها لكل فرفور بيعلى صوت الكاسيت ع الاخر حــــــــــــــــرام انا معملتلكش حاجه علشان تطرشنى بلا اسباب بلا اعذار والله بجد حاجه مستفزه جدا وانا عايزة ردودكم ع الموضوع ده |
لا ما هو ايه
لما يعلي الكسيت الناس هتبص عليه هو عاوز يلفت نظر الناس بس مش عارف ان الناس هتبص عليه باستحقار |
علشان يلفت النظر و خصوصاً من الجنس اللطيف و معظم الشباب دول مابيكنش عندهم إحساس بالمسئولية أبداً أكن العربية اللى سايقها دى عجلة و لا عندهم هدف فى حياتهم عايشين وخلاص و يا ريتها بتيجى على قد الكاست العالى بس .. دول ممكن يسوقوا على 220 و فى قمة سعادتهم .. دول بقى لما يعملوا حادثة بالعربية و العربية تبقى شبه الكورة الشراب و هما متكسرين و مرميين فى المستشفى هيقولوا يا ريت اللى جرا ما كان و يا ريتنا ما عملنا كده و على رأى المثل : كلمة ياريت ماتعمرش بيت المشكلة إن مفيش رقابة من الأسرة على أولادهم .. المفروض يشوفوا حاجات زى دى يشدوا عليهم شوية على الأقل علشان مصلحتهم بس هنقول إيه .. ربنا يهدى الجميع |
موضوع ممتاز
انا نو كومنت |
مش عارف ايه الحكايه الغريبه دي
اخويا هايص وانا لايص |
موضوع خطييييييييييييييييييييير
بجد ربنما يسامحهم |
اقتباس:
بجد حاجه غريبه |
بجد موضوع مهم جدا لان الحكايه دى من اكتر الحاجات الى بستفزنى فى المجتمع .............
وارخم حاجه لما تلاقى واحد معدى الفجر وماشى براحه وعلى مهلو زى ما يكون بيقول لازم تصحوا غصب عنكوا .......... انا عن نفسى بعتبر ده ناتج عن التفاهه و السطحيه فى التفكير وربنا يهدى الجميع . |
دي بتيقى ناس خلقت للرخامة بس تفوقت عليها
المهم هو بيبقى نوع من انواع التجاهل لمشاكل وهموم عند الشباب دول احنا بنتخيل انهم تمام لكنهم............. يالا المهم ربنا يهدي |
اقتباس:
:d:d حلوه أوي حتة النداء دي وأنا معاكي في النداء للفرافير |
فعلا الموضوع ده بينرفزني جدا و الله مش عارفه بجد دول مفيش احساس مش عارفه اقول ايه ربنا يهدي تسلم ايدك موضوع جميل |
إيه الناس دي
|
اقتباس:
مين دول ؟؟؟؟؟؟ |
يا رتها على قد العربيات
لأ ده في موتسكلات كمان واللي واقف في الشارع بموبيل و مشغل أغنية و معلى الموبيل على آخره:angry2: بجد حاجة تنرفز ويا سلام بقى لو في أغنية طالعة جديد بيصروا انهم يحفظوها للناس تلاقيهم كلهم مشغلين نفس الاغنية وتقعد تسمع الأغنية نفسها غصبن عنك على الاقل 5مرات في اليوم:( ده غير الزجاج بتاع الشبابيك والبلكونات اللي بيقد يترقص مع الأغنية وببقى حاسة انه حيقع يدشدش في أي لحظة اقتباس:
الواحد يبقى عايز ينام عشان يبقى فايق في الامتحان وأول ما يكبس عليا النوم يجيي واحد من الجماعة دول يخليني أفوق تاني أنا كنت في الأول بقعد أقول ربنا يهديهم دلوقتي بقعد ادعي عليهم ربنا ينتقم منهم لأنهم مش مقدرين حجم الازعاج اللي بيعملوه بجد ما عندهمش دم معلش اتكلمت كتير بس بجد الموضوع ده بينرفزني جداااااااااااااااااااااااااااا |
هههههه
انا اخويا لسه متخانق النهاردة مع صاحب السنترال اللى جنبنا بسبب الصوت العالى دا حتى فى رمضان كمان وقت السحور كنا بنسحر على صوت الاغانى وياريتها اغانى تنسمع ربنا يهديم ويرحمونا |
| جميع الأوقات بتوقيت GMT +2. الساعة الآن 11:04 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.