بوابة الثانوية العامة المصرية - انا خلاص ضربت مراتى؟

بسم الرحمن الرحيم /
هل هذا العنوان صحيح /نعم نعم انه صحيح وصواب
فليفرح الرجال ولتقام الافراح ولتدق الطبول وليردكل ما أخذ منا بالقوة
ولترد الكرامة وليرد الاحترام ولنرفع رؤسنا نحن الرجال عاليا .
ولنقل وبصوت مرتفع { ارفع رأسك ياأخى فقد مضى عهد الاستبداد}
هنيئا لكل الرجال المقهورين ؟ وان كان الكل مقهورا
هنيئا لكم فقد فتح الباب على مصرعيه , نزلت القطرة التى يعقبها السيل
فليضرب الجميع زوجاتهم كما يشاؤون , فقد قدمت نفسى لكم فداء ولم يحدث لى شئ
كيف حدث ومتى وما الدافع وكيف تم , وما العواقب , وكيف مر الامر بسلام ؟
اعرف ان الجميع يود ان اقول وافصح عما بداخلى سريعا ليعلموا هذا النصر العظيم كيف حدث وكيف رسمت الخطة ؟
اقول :
فى يوم امس ذهبت الى عملى ككل يوم مهموم خائف احمل هم جميع المقهورين من بنى جلدتى { اى الرجال } - وقلت فى نفسى ما الذى يمنع الرجل من ان يضرب زوجته ضربا مبرحا , ولماذا لايفعل الرجل ذلك , هن النساء لن يرتجعن عن ذلهن ازواجهن الا اذا ضربن وعلمن انهن سيضربن , اذا ما المانع من ذلك؟
(الى اللغة العامية -معذرة )
وتنتنى ماشى على الشغل ( يبعد عملى عن منزلى حوالى 3 كيلو - )
ما انا معييش فلوس - المهم تنتنى ماشى وانا بفكر فى الموضوع لحد موصلت الشغل , دخلت على المدير عشان امضى / كشر وبص فى الساعة ورمالى الدفتر -
خدت الدفتر بكل ارف ومضيت وانا مش هممنى وبصتله وقلت هى نجوى هاتيجى النهارده وللا لأ - بصلى وهو متزرزن واتلجلج فى الكلام وقالى انت مالك عايزها ليه هو انت اللى هاتمشى الشغل - قمت رامى الدفتر فى وشه وقلت / تخرب ما تعمر هما يعنى بيدونا ايه دول 150ج عمى . وقلتله انت بتزعق ليه انا شغال عندك وللا ايه هى نجوى والستات اللى بيجوا الساعة 11 على مزاجهم .مش موظفين زينا وللا ايه انا جى الساعة 8.5 وبترميلى الدفتر دى غير التكشيرة اللى تسد النفس . وهما ييجوا الساعة 11 وانت اللى بتمضلهم دى غير الهئ والكركر والذى منه انت مفكر ان احنا نايمين انت مفكر ان انا هاسكت , ورحت سيبه وماشى داخل مكتبى , قعدت فرحان ان انا طلعت جزء من اللى فى قلبى وقلت فى نفسى , ولسه اما اروح البيت لازم اطفى نارى من المفتريه اللى فيه ,
وانا هاتنينى ساكت لحد امتى , لما يجيلى الضغط زى عم جمعه . وللا المرارة زى عماد وللا شعرى يبيض زى عبد الظاهر وللا ارمى نفسى فى البحر زى صبحى ,
وللا اتنينى ادعى على مراتى ان ربنا ينتقم منها زى اهل البلد,
لأ . انا لايمكن استسلم - والقوة لا ترد الا بمثلها وعزمت على انى اول لما اروح اتلكك لمراتى واضربها علقه اطفى بيها نارى ونار اهل البلد -
انا لابد ان اكون قدوة وسباق الى الخير كعادتى , وفجأة دخل المدير على المكتب ورجف قلبى لكننى لم اظهر - فضحك وجلس بجوارى فاستعجبت فى داخلى لكننى لم اظهر , ثم قال لى : انت زعلت وللا ايه يامحمد دى انا يابنى باعمل كل ده علشان مصلحتكوا هو انا يابنى لما بامضيلهم وباضحكلهم هو يابنى انا اقدر اعمل حاجه الا كده دول ستات يابنى ربنا يحفظنا - دول لو حطونى فى دماغهم يابنى ممكن يكرشونى من الشغل وللا يلبسونى تهمة هو انا يابنى باعمل كدى علشان حاجة لاسمح الله - انا يابنى عندى 59 سنه نقصلى سنة واطلع معاش عايز ربنا يعديها على خير , ولو زعقت لواحده فيهم , وده مش هايحصل ,
ممكن تحطنى فى دماغها وانا يابنى راجل كبير منش حمل مرمطه - اما بالنسبة انى باكشرلك دى عادتى يابنى بس بحاول اغيرها معاهم زى ما مراتى عودتنى ,
المهم متزعلشى يابنى , واعمل اللى انت عايزه , وخد بعضه ومشى !!!!!!!!!!
طرت من الفرح وقلت دى الزعيق بيجيب نتيجه فوريه , دى انا لازم اضرب مراتى انهارده , ومشيت من الشغل تخيلوا الساعة 11 , زى سوسن ههههههههههههههه
وروحت على البيت جرى وانا متحمس الى ا لانتصار المميت................
ودخلت البيت !!!!!!!!!!!!!!!!!!!!!!!!!!!!!
وشخطت فى البت بنتى (عندها سنتين) قلتلها أومى من هنا ( البت عيطت) ؟
طرت من الفرح!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!
دخلت امها قلتلها حوطتى الاكل بسرعة . والغريب انها سمعت الكلام وفى خمس دقايق كان الاكل محطوط , لبست الجلابيه وقعدت اكل اول معلقه ,
قلتلها ايه الاكل ده هو انت عمرك متعملى حاجه مظبوطه , الاكل عادب ياهانم
قامت فى ثانيه جابت الملح وقلتلى انا اسفه ياحبيبى ,
رديت وانا باشخط اسفه هاعمل ايه بأسفك ياهانم , انت لو بتحترمى جوزك مكتيش
تجيبى الاكل عادب , وقمت فازز من مكانى ,,,,,,,,,,,,,,,,,,,,,,,,,
وجايب الشعبه ونزلت عليها ضرب ..؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وهى تصوت وانا اضرب تقولى مش هاعمل كدى تانى وانا اضرب تقولى ارحمنى وانا اضرب , تقولى انا غلطانه ياروحى ازيد فى الضرب لحد ما شبعت ؟؟؟؟؟؟
وسبتها عماله تعيط وخدت الكرسى وقعدت على الباب ......
عدى على عم جمعه وبيقول سلام عليكم وماشى . قلتله وعليكم السلام ومسكت فيه
والله ما انت ماشى ونهدت عليها وقلت اعمللنا اتنين شاى يابت ,
رد الحاج جمعه وقال هو انت جبت خدامه وللا ايه قلتله خدامة مين ياعم ؟
دى مراتى!!!!!!!!!!!!!!!!!! قام مفزوع وكان عايز يمشى قلتله ما تخافش ياحاج
اصلى لسه واكلها علقه مسمع بيها الناس ,,, الهانم جيبالى الاكل عادب ,,,,
طبعا الحاج جمعه قعد يهز فى دماغه ومش مصدق قلتله هما ياحاج النسوان كده
تكسرها ضلع يطلعلها 24 غيره , بنادى عليها وبوصى على الشاى وببص عا الحاج جمعه ملقتوش جنبى الظاهر انه خاف معلشى راجل جبان , مش هايسترجل ابدا ويعمل زى اللى عملته ,,,,,,,,,
وفى عز قاعدتى عا الباب وفى عز فرحتى بالنصر وفى عز نشوتى ,,,,,,,,,,,,,,
سمعت صوت زى صوت مراتى بينادى وبيقول اصحى يازفت انت اتأخرت عا الشغل
قمت مفزوع واتضح انى كنت باحلم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وشكرا لكم