بسم الله الرحمن الرحيم
نظرا لصعوبة منهج الادب
فقد قررت ان اساهم فى تلخيصه للطلبة المحترمين

بصراحة
منهج الادب صعب اوى يا جماعة وياريت التركيز فى سماع الشرح او قراءته

نبد باسم الله
اولا
لازم نعرف ان اسباب ضعف الادب فى او القرن عام 2000 يا جماعة
بسبب:-
1) ظلم الحكام
2) سوء الاحوال الاقتصادية والسياسية
3) الانحطاط فى الاسلوب وركاكته
4)عدم الاهتمام بالشعر والشعراء
على الرغم من هذه العوامل يا طلبتى الاعزاء
الا ان هذا لم يمنع ظهور مدارس متميزة حملت على عاتقها النهوض بالادب
وتم تقسيمها لاربع مدارس ادبية متميزة
1)مدرسة هز الوسط..
2)مدرسة القلع
3)مدرسة الحصان
4)مدرسة الحوارى

وسنتناول المدارس بالشرح والتحليل
1)مدرسة هز الوسط( من روادها...روبى* والاب الروحى شريف صبرى....هيفاء وهبى...)
وقد اثرت هذه المدرسة الادب العربى بالعديد من مبادئ والقيم
واهمها: التصوير الحسى والحركى للالفاظ وهو ما لم يشهده الادب على مر العصور
واهتمت هذه المدرسة ايضا الغريب من الالفاظ..وشاعت اللهجة العامية فيها
مثال: تقول(اميرة الرقاصين) روبى فى مقطوعتها :
(طب ليه بيدارى كده لا ادارى كده لاهو دارى كده ...)
وبالطبع يتجلى وضوح الالفاظ وقوة التراكيب اللغوية
وعاب النقاد تكرار (لا) فى البيت الذى لم يعد وحدة القصيدة
مثال: تقول ملكة الهز( هيفاء وهبى) فى مناجاة الحبيب:
(رجب حوش صاحبك عنى ...رجب........ حبك جننى)
وهو ماعابته عليها مدرسة القلع!!

2) مدرسة القلع(مش لاقى مثال من كترهم معلش)
رأت بعض المناضلات من الغيورين على الادب العربى وقف التهريج الذى يحدث
فاتهموهم(اى مدرسة هز الوسط) بانهم متحشمين زيادة عن اللازم
لذلك اهتموا بقوة العاطفة واسرفوا فى التصوير الحسى والحركى
الا انهم اهملواالمعانى والالفاظ واستخدام الموسيقى فجاءت الملابس....قصدى القصيدة مفككة!!!!!

<span style="color:#990000">3) مدرسة الحصان:(رائدتها...مش فاكر اسمها تصدق...مصلحة.......يااه افتكرت...نجلا)
تحررت شاعرة تلك المدرسة من كل ما سبق
واوضحت ان التصوير الحسى لم يجدى ....ولابد من طرف اخر
وكان الحصان...نظرا لتمسكها بالعروية الاصيلة بالطبع
ولما كانت الشاعرة قد تحررت من السابق ...فانه
لم يكن هناك كلام او الفاظ ...فمؤسسة المدرسة ((من اصحاب الافعال لا اقوال!!!))



4)مدرسة الحوارى:(سعد الصغير ..............عماد بعرور..)
نظر هذا الجيل العريق من الشعراء مستاءا من الواقع المرير
وعزم على التغيير
لذلك جاءت الموضوعات متنوعة وجديدة......فكان شعرهم لبنة فى طريق الاصلاح
- تعددت الاغراض فى هذه المدرسة
ومنها (وصف الفواكه والخضروات)
يقول الشاعر سعد الصغير:
(العنب العنب العنب .......العنب العنب العنب .....احمر ودمه خفيف....ينفع فى شتا او صيف)
وقد حدث خلاف بينه وبين عماد بعرور الذى اتهمه بسرقة شعره لكنه انفصل عن المدرسة بعد ان اخد قرشين حلوين
ايضا(وصف الحيوانات)
مثال: قصيدة الحمار......لسعد الصغير ايضا
ايضا( التغزل بالفكهانى)
يقول سعد الصغير:
فكهانى وبحب الفاكهة...وبموت فى الموز والمنجة)

ايضاالشعر السياسى لرائده شعبان عبد الرحيم
صاحب المقطوعة الرائعة((ايييييييييييييييييييييييييييييييييييييييييييييه))
وتميز بهذه المقطوعة فى معظم اشعاره
يقول الشاعر (انا بكره اسرائيل .....وبحب عمرو موسى)

انتهى الدرس الاول
مع تمنياتى بالنجاح وبالتوفيق
================================================== ==============
* روبى
: احدى الشعراء المعاصرات....ولد فى بنى سويف ولا تاريخ ولا معلومات عنها
تخرجت من كلية الاخلاق الحميدة سنة 2003
قامت بابحاث وتجارب عديدة عن تأثير الهز فى الاسلوب....وحقق بحثها نجاحا كبيرا
================================================== ==============
لمزيد من التفاصيل عن الادب فى العصر الحديث
فى ملزمتى(اقرأ للثمالة...فى فنون الزبالة))

والى اللقاء مع شرح المقال باذن الله</span>

<div align="center">ههههههههههههههههههههههههههههههههههه هههههههههه

ومنتظرين منك شرح المقال
</div><div align="center"> </div>

ايه ده؟
لالالالا انت خساره فى البلد دى
كل اللى بتقوله ده من المدرسه الواقعيه:D
لسه المدارس كتير وما خفى كان اعظم
ثانكس يا مستر على الشرح الوافى جدا ده :P

ههههههههههههههههههههههه
مش عارفه اضحك ولا اعيط
محدش بقى بيحب اللغه العربيه من اصله
و اغنية ريكو اللي اتريقت على امرؤ القيس لما وصف فرسه في اغنية "خلي الشعب يعيش"
لما قال في اولها خالص "مقبل مدبر .. إلخ" لحد ماوصل لعلي ..
و بعدين يقول "هزيها براحه براحه .. تفضلي على طول مرتاحه"
دي اغنيه دي بالله ؟؟؟؟؟؟؟؟؟؟؟!
عجبي!

<div class='quotetop'>إقتباس</div>احنا نحب نخدم دايما :P
مدرسة واقعية...لسه موصلتلهاش :D

<div class='quotetop'>إقتباس</div>