|
استطلاع باقصي سرعه
بصوا ياجماعه انا دلوقتى جبت 411
ومكنش ليا رغبه في العلمى علوم اوى بس المهم دخلته رغبتهم في البيت وكان رغبتهم صيدله وفعلا قدمت وكل حاجه بس هما حسوا انى مش مستريحه ومحتاره بين الاسنان والصيدله وقالوا لى هنحوللك انا حاليا مش ادامى كتير خلاص الدراسه كمان يومين فعاوزه اجمع احسن اراء عشان خلاص ادخل اى كليه وانا مقتنعه عشان احبها واتفوق فيها فياريت الى عنده خبره ومعرفه يرد عليا |
أنا من رأيي ان كلية الصيدلة افضل كتير بالنسبة للبنات ويقدروا يتفوقو وينجحو فيها انما اسنان تكون افضل للولاد وربنا يهديكي للرأي الأحسن ان شاء الله
|
نصيحتى لكى صلاة الاستخارة
|
نصيحتى لكى كلية الصيدلة لأن شغل البنات فى طب الأسنان مش مريح و كمان الناس بتفضل تروح لدكتور أسنان مش لدكتورة
و شغل الأسنان متعب جدا بالنسبة للبنت و إنتى ممكن تدخلى صيدلة و تحبيها و تتعينى معيدة فى الجامعة و تفتحى صيدلية لكن الأسنان محتاجة تجهزى عيادة بكل معداتها و دى تكلفتها غالية أوى |
بصى يا جميل
اهم حاجه تصلى صلاه الاتخاره وان شاء الله ربنا هيعملك اللى فيه الخير وشوفى انتى عايزة تبقى ايه؟؟ هل عايزة تبقى دكتورة اسنان ولا صيدلانيه؟؟ ايه المجال اللى انتى هتستمتعى فيه وحابه انه يبقى الشغل بتاعك؟؟ و مع احترامى للكل ياعنى ماتفكريش ف موضوع بنت و ولد وان طب واسنان مش للبنات والكلام ده علشان مفيش حاجه اسمها كده هتشتغلى عادى مش هتفرق ان كنتى بنت ولا ولد مش هيبقى الدكاترة كلها رجاله ياعنى ستات كتير مش بتحب تكشف عند دكاترة رجاله وتحب تكشف عند ستات ممكن تفتحى عياده نسائيه عادى .. لو انتى مش هتفرق معاكى حته الشغل وحاسه ان هى هى وانك مش مياله لحاجه معينه اكتر م التانيه شوفى الدرايه هل بتحبى الكمياء اكتر ولا الاحياء ربنا يوفقك يا قمر ويعملك اللى فيه الخير ومتنسيش صلاة الاستخاره |
بجد انا احترت اكتر وصليت كتيييييييييييييييييييييييييييير
يارب ثبتنى على حاجه وارضنى بيها |
ربنا يعملك اللى فيه الخير يارب
|
صحيح الارزاق على الله و كل انسان بياخد نصيبه بس انا كنت محتار زيك و استقرت على صيدلة . اكيد الواحد بيفكر فى الشغل اللى بعد الكلية محدش بيعد فى الكلية طول عمره فى دكتور اسنان ناجح و عشره لا اما با لنسبه للدكتور الصيدلى غالبا و اللى انا شايفه ادامى انهم كلهم شغالين و حالتهم الماديه كويسه و شغل الصيدلة اكيد احسن للبنت و مريحه ممكن تشتغلى فى النهار بس و تتفرغى بالليل لبيتك و حكاية مجموعك 411 ولا 420ده مالهوش اى قيمه فى الحياه العمليه الكلام اللى بقوله خدى بيه لو انتى محتاره اما لو كاره الصيدله من اساسه ارمى بكلامى عرض الحائط لازم تحبى المجال اللى انتى دخله فيه و حكاية التعب تهون امام سعادتك و احساسك بانك دخلتى المجال اللى نفسك فيه واضح انك مستبعده الطب البشرى يمكن تحت ضغط بابكى و مامتك عايزينك تخلصى و تتجوزى و يفرحوا بيكى و يمكن رغبه منك الخلاصه مش تعتمدى على كلام الغير و شوفى راحتك فين
|
| جميع الأوقات بتوقيت GMT +2. الساعة الآن 09:47 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.