|
لـكل بـنـت لـسـه دخـلـه سـنـه أولـى جـامـعه
بسم الله الرحمن الرحيم السلام عليكــم ورحمـة الله وبركاتــة >>>>>>>> لـكل بـنـت لـسـه دخـلـه سـنـه أولـى جـامـعه اكيد ده حلم اى بنت لسه خارجه من بهدله ايام الثانويه اكيد نفسها تعيش حياتها , نفسها بجد تفرح , نفسها تبقى بنوتهstyle وتعيش انوثتها , نفسها اكيد بردو تقابل فارس احلامها , وده كله طبيعى لاى بنت فى سنها جواها طاقه كبيره اوى ,,,, حيويه وشباب ونشاط وعاطفه وحب ..... اكيد عايزه تعيش بيهم ايام الجامعه اللى متتعوضش .... لكن يا ترى عيشه الفراغ وقعدات الجناين وشلل الشباب والبنات هى طريق راحه بالها وسعداتها !!!!!!! يا ترى لو قضت سنين الجامعه ما بين المكياج والخروجات وقعدات الاصحاب تبقى خرجت من الجامعه وهى راضيه ومبسوطه !!!!!!!!!!!! يا ترى لو عاشت من غير طموح ومن غير هدف , من غير ما يبقى نفسها تذوق طعم نجاح هتقدر تمشى معتزه بنفسها رافعه راسها !!!!!!!!!!!!!!!!!! اختى انا حاسة بكل اللى انتى نفسك فيه وعارفة انتى بتحلمى بايه ونفسك تعملى ايه بس صدقينى من جواكى مش هتكون مبسوطه ..... مش هتضحكى من قلبك ... باكل مش هيرتاح .... مش هتثقى فى نفسك هتحسى انك بتدورى على حاجه مش لاقياها ... هتحسى ان فيه حاجه غلط وفى وسط كل دا هتلاقى بنات زمايلك صمموا يكملوا مشوار كفاحهم حاولوا فى الثانويه وفى منهم حقق حلمه وفى منهم محققش .... لكن صمموا يكملوا ,,,,, مكانش حلم اوائل الدفعه بعيد عن بالهم ولا حلم التعيين فى الجامعه غايب عن تفكيرهم ... مسمعوش كلام اللى قالهم امتياز ده مستحيل ... يارب مقبول ونعدى !!!!!!!!!!! هتقولى لنفسك انا هتعقد كمان فى الكليه ؟؟؟؟؟؟؟؟؟؟؟؟؟؟؟؟؟؟؟؟؟ امال هعيش حياتى امتى ؟؟؟؟؟؟؟؟؟؟؟؟ فوجئت ان عندهم بردو خروجاتهم وفسحهم وفرحتهم هتقولى لنفسك الدراسه مش كل حاجه وحتى لو مكانش ليا مستقبل فى دراستى ادينى هتجوز ومش هصرف على نفسى !!!!!!!!!!! هتبصى هتلاقى فى عيونهم امل عجيب وعلى وجوههم راحه البال اللى بحييهم بيها ,,,,,,,,, ماشيين ما بين ثقه وسعاده وحب وامل ,,,,,, هتبصى تلاقيتهم عالخير دايما متجمعين وبحب ربنا دايما ملمومين ........ هتحسى ان ليهم قيمه بالبلدى كده ناس ليها لازمه فى الدنيا ...... تلاقيهم فى حلقه قران بتحوطهم الملايكه او فى دار ايتام وربنا بينظر ليهم نظره رحمه لما هتلاقى بجد السعاده فى عيونهم والحب الحقيقى اللى مجمعهم ... هتحسى بالفرق بين حالك وحالهم انتم الاتنين بنتين دخلتم الجامعه فى وقت واحد وفى ظروف واحده وبمشاعر واحده وبحلم واحد لكن واحده فيكم عرفت ازاى توصل لسعاده قلبها الحقيقيه ,,, عرفت تمشى الطريق الصح ,,, وفضلت ماشيه فى الطريق وقلبها موصول بخالقها , متلاقيهاش فى مكان ربنا مش راضى عنه ولا تلاقيها بتعمل اعمال ربنا نهى عنها .. وفى نفس الوقت كل حياتها طموح وامل دنيا واخره , كل حياتها حب وخير بتحطه فى محله , فبقيت ماشيه مبسوطه طايره على الارض من فرحتها وواحده تانيه فضلت تايهه تخبط يمبن وشمال , بتدور عالسعاده من ابواب تقطع صلتها بخالقها وتموت فى قلبها كل احساس بسعاده او راحه .... مش هكدب عليكى .. فى الاول فعلا بتحسى انك مبسوطه مع الشله والجنينه والنادى والاغانى لان دى وظيفه ابليس انه يوريكى الحرام جميل والحلال خنيق.. لكن بعد فتره بجد هتلاقى قلبك اتخنق من كتر الحرام لان الانسان جسم وروح ولما تسمعى الاغانى ولا تقعدى مع فلان فى النادى انتى كده بترضى الجسم لكن الروح ملهاش غير غذاء واحد هو طاعه الله .. والله يا اختى صدقينى هتيجى بعد فتره تحسى انك مخنوقه رغم ان هيبقى عندك شله تحفه وشاب طول النهار مغرقك بكلام الحب وعربيه الاغانى فيها على اعلى صوت بس هتلاقى نفسك زهقتى ..... والله بنصحك ومن قلبى لانى خايفة عليكى ومش عاوزاكى تغلطى ..... اختى ابداى صح واعرفى انك بدخـولك الجامعه انتى قدام طريقين , وقدامك الخيار,,,,,, لكن يا ترى هتبعدى .... يا ترى هتخلى اللى انتى عايزاه فوق اللى ربنا عايزه منك ,,,,,, احنا بجد من غير عون ربنا لينا ولا حاجه نسوى ايه ؟؟؟؟؟ احنا اللى مش مالكين حتى انفاسنا , مش عارفين لو نمنا النهارده هنصحى تانى ولا مش هنصحى ؟؟!!! مش عارفين لو خرجنا من بيتنا راجعين ولا مش راجعين ؟؟؟؟!!!!!!! مبنلاقيش حد جنبنا فى اى ازمه غيره ولما بينجينا منها بننساه ؟؟؟؟؟؟؟!!!!! ربنا خلقنا وعارف فين تكون راحه قلوبنا ... وعمرك لو لفيتى الكون علشان تلاقيها مش هتلاقيها فى معصيته بجد عمرك ما هتحسيها ......... هتضحكى وهتمرحى وهتتفسحى لكن صدقينى وانتى مخنوقه ,,,,,, هتعيشى بجد فى وهم وفى الاخر يطلع ولا حاجه ....... خدى بالك من نفسك عيشى حياتك وافرحى واعلمى كل الى نفسك فيه بس يبقى كله حلال فى الطريق اللى ربنا رسمهولك ... ولما ربنا يرسملك حاجه يعنى عارفه انها مصلحتك لانه هو الرحيم بعباده ........... وربنا يعينك ويثبتك وييسرلك ويعينك ......... اوعى تقطعى قلبك عنه مهما بعدتى خليكى موصوله بيه حتى لو بتعصيه وادعيه يقدرك على نفسك ويقدرك على طاعته كل يوم ... قوليله يارب جتلك بقلبى ومنايا اوصلك .....انا يارب ضعيفه ولوحدى مقدرش ........ قوينى بيك وارفعنى ليك ...... ادعى وقولى يارب قلبى بايدك انت بس....... يارب صلحلى قلبى ........ يارب شيل حب الدنيا من قلبى ..... يارب املى قلبى بحبك يارب حببنى فى القرآن ......... يارب اهدينى لطريقك اللى آخره جنتك .....يارب.....يارب ........يارب منقول للافاده ربنا يهدينا جميعا يارب ;) __________________ |
جزاكي الله كل خير يا نغم وجعله في ميزان حسناتك
|
جميل اوووووووووي الموضوع يانعم
ربنا يهدي كل الناس شكرا ياسكر جزاك الله خيرااااااااااااااااا |
موضوع جميل اوي يا نغم
وكمان هادف جزاك الله كل خير وجعله في ميزان حساناتك |
ايه المواضيع الجامدة دى:)
ميرسى على الموضوع التحفة ده:wub: وربنا يهدينا كلنا يا رب جزاكى الله كل خيييييييييييييير |
انتى عارفه يا دكتوره مهما دورت على كلام اقوله مش هلاقى بجد موضوع جميل جدا جدا جدا بس انتى عارفه الازهر افضل فى الموضوع ده لاننا مش عندنا اختلاط وعلى العموم شكرا ليكى وربنا يوفقك ويثبتك
|
موضوع جميل وهادف
فى ميزان حسناتك ان شاء الله |
بجد مش عارفة اقولك ايه يا دكتورة بارك الله فيكى وجعله فى ميزان حسناتك ان شاء الله
ربنا يهدى بنات المسلمين اجمعين |
جزاكى الله خيرا يا نغم
|
موضوع اكتر من رائع وهادف جدا
بارك الله فيك |
موضوع جميل اوى يادكتورة نغم وربنا يهدى الجميع يارب
|
بجد موضوع اكثر من رائع
جزاكي الله خيرا |
بجد رائع جدا جد جدا
|
بجد موضوع اكثر من رائع وجعله الله فى ميزان حسناتك ورزقكى الجنه يااحلى دكتوره
|
اقتباس:
اقتباس:
_امين يارب _ العفو يا جميل _جزانا واياكم يا قمر _مين نعم دى؟؟؟:d اقتباس:
منورة الموضوع جزانا واياكم امين يارب اقتباس:
العفو يا حبيبتى امين يارب جزانا واياكم منورة يا قمر وان شاء الله نتقابل قريب:022yb4: اقتباس:
شكرا للرد والمرور اقتباس:
الله يخليكى يا قمر انا والله معملتش حاجه مجرد كوبى وباست:p طبعا الازهر حلو ف الموضوع ده لا ولاد ولا وجع قلب انا بقى مش أزهر بس الولاد عندنا ف صيدله منقرضين:022yb4: العفو يا قمر امين يارب كلنا منورة يا بشمهندسه |
| جميع الأوقات بتوقيت GMT +2. الساعة الآن 07:10 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.