إستفسار بسيط(ارجو المساعده)
 

السلام عليكم ورحمة الله وبركاته


انا طالب في الصف الثاني المتوسط

طبعا بدرس الماني


المشكلة عندي انه اكيد في كل بداية درس مفردات وادوات تعريفها الارتكل )

انه المدرسه الي بدرس معها المنهج بتكتفي بتسميع المفردات شفيها دون حفظها كتابة ولما سألتها عن دا قالت انه في مفردات كتير في المنهج ولو حفظتها كلها كتابة مش هتعرف لكثرتها

فهل كلامه دا صح مفروض اكتفي بحفظ معاها شفهيا والارتكل دون حفظها كتابة

ولا لازم احفظها لأنها هتفيد بعد كدا ؟؟!!!
وهل الامتحان لا يتطلب ذلك ؟؟؟؟




ياريت تسعدوني برأيكم او لو فيه مدرسين الماني في المنتدى ينصحوني اعمل ايه بالظبت علشان اجيب الدرج الكاملة في الامتحان ن شاء الله وياريت بسرعة علشان ألحق نفسي لو انا ماشي غلط !!

انا لسه هدخل اولى ثانوى ينى اصغر منك بس نصيحة احفظ الكلمات كتابيا افيدللك وحتى فى الامتحان

طبعا لازم تحفظها ازاى المدرسه تقوله كده نصيحه انتا غير المدرسة كلها وروح لحد تانى ويكون حد بيتابع ويعمل امتحانات ويسمع كل حصه ده لازم

اكيد لازم تحفظ الكلمة بالاداه لان في الامتحان مش هيسالك شفوي صح ولا لا؟؟؟
وبعدين قواعد الالماني تتوقف علي الاداة
يعني نصيحة احفظ الكتابة والاداه

طبعا لازم تحفظ الاداة لان جميع قواعد الالمانى تعتمد على مدى
حفظك لالاداة

معظم الا متحان بيعتمد عل الكلمات وخصوصا الجرامتك

لازم تحفظ الاداه لان كل القواعد معتمده اعتماد كلي عليها وكمان لازم في الامتحان بيدققوا علي الاداه في الـــــــــaufsatz

اهم حاجه فى الالمانى الرتكل الارتكل اساس الالمانى انا فى تانيه ثانوى عام وبنصحك بكده

70% علي الأقل من قواعد اللغه الألمانيه قائمه علي الآداه وعموما فيه بعض قواعد ممكن تسهل الموضوع عليك مثلا الكلمات المنتهيه ب:ung, keit,heit كلها مؤنثه بلا استثناء وان احببن أرسلت لك جدول بهذه القواعد وستساعدك كثيرا انشاء الله

السلام عليكم و رحمة الله و بركاته
يا ريت يا Leo أنا الهير بتاعي كان كاتب حاجات زي دي منها اللي انتا بتقوله فممكن تبعت لي جدول فيه كل القواعد بتاعة الأدوات اللي ليها قاعدة؟
بس يا ريت مايبقاش زي لو آخر الكلمة e تبقى die . أنا عايز قواعد إن شاء الله مضمونة زي اللي انتا قايلها كده.
و يا سلام لو فيه حد عامل جدول فيه كذا حاجة شبه بعض و متشابهين في نفس الأتيكل زي heft lineal buch
السلام عليكم و رحمة الله و بركاته