كل الشهادات المعادلة يدخلوا
 

ياجماعة انا رحت قدمت في الكلية وقالولي علشان انتي واخذة الثانوية من برة يبقى لازم تدفعي
مبلغ 2000 جنية دة غير مصاريف الكلية 282 جنية ودة طبعا مش داخل معاها الكتب ولا الكرنية بتاع الكلية
فعوزة اعرف هو كل الكليات بتدفع 2000 جنية
لا وكمان قالي ادفع 2000 جنية كل سنة معقول الكلام دة
هو انا كلية خاصة مكنت ادخل خاص اريحلي
فعوزة اعرف من الشهادات المعادلة اللي قدموا في الكليات كلكم كدة ولا بس كلية المنيلة اللي انا فيها
وشكرا ليكم

انا سمعت ان السنة الاولى بس

2000جنيه كويس جدا في ناس هتدفع 4000

وكل الكليات كده .

ولو سمحتم هي فعلا مصاريف الهندسة 2500؟؟؟

يا enaskh انتي في كلية ايه وعلى فكرة كل كلية بتختلف عن التانية في 3000 وفي 2000

انا في كلية زراعة مشتهر وقلولي ان كل سنة هدفع المصاؤيف دة

بس انا سمعت ان المصاريف ديه بتدفع اول سنة بس مش عارفة صح ولا لأ؟؟؟

يا جماعه بالنسبة احوار 2000 و2500 دا بندفعو اول سنة بس

بقيت السنين بندفع المصاريف العادية لزوم الكارنيه


الغريب ان انا دخلت هندسة شبين وروحت اسأل عن المصاريف وقصة 2000 جنيه الراجل قالي ان هندسة شبين مش هتاخد

من طلاب الشهادات المعادلة 2000 جنية وهتاخد منهم زيهم زي الطلاب المصريين

مش عارف بقى دا لكل الكليات ولا لكليتي بس

ايوة الكلام ده صح ..

كل طلاب الشهادات المعادلة بيدفعوا مصاريف للكليات بتاعتهم غير المصاريف المعتادة مش عارفة ليه القانون الغبي ده ..

وعلى فكرة ده من السنة إلي فاتت بدأ يتبطق ..

والرسوم دي اعتقد بيتكون من 2000 لــ 5000 مش عارفة تزيد او تنقص على حسب ايه ؟؟

بس اهو المهم اننا جايين من برة وبندفع

انا روحت سالت امبارح انا هندسة اسكندرية
الراجل قالى 3000 جنيه غير المصاريف العادية
قولتلو ليه يعنى هما قالو 2000 بس قالى هو ده الى اتقالنا

انا برضو دفعت 2500

حظك حلو يا مصطفى ;)
انت بس اللي كليتك محترمة وعادلة
وانا سمعت ان جامعة حلوان عملت كده بردو السنة اللي فاتت وخدت المصاريف من طلبة المعادلة زي الطلبة هنا

ياريت الناس التانية تتعلم وتعمل كده

انا لسه مقدمتش في حاجة ولا دفعت عشان مستني نتيجة التحويل
ربنا يسهل