|
لا انفلونزا خنازير تهمنا و لا انفلونزا قرود حتي
ياريت تقرا الموضوع للاخر انت ماتعرفش الفايدة فين ! ـــــــــــــــــ قعدت افكر كده مع نفسي بعد ما روحت المدرسة امبارح الخميس و الوش اللي احنا فيه طول النهار و متابعات و زيارات و قلق و الهوس بموضوع النضافة و التطهير الداائم و الديتول و الكلور و الفنيك و سرحت بخيالي كل القلق ده ليه دلوقتي؟ و ليه النضافة الشخصية و النضافة العامة في البلد عموما مكانتش مشروع قومي من زمان اوي عندنا ؟ لازم تظهر انفلونزا الخنازير عشان نهتم بنظافتنا الشخصية و نظافة البيئة من حولنا؟ و بعدين الله هوا احنا مش ديننا الحنيف كله نضافة و جمال و شياكة من ألف و ربعميت سنة ولا ايه؟ احنا نسينا؟ نسينا المعجزة الطبية العلمية في الوضوء لينا كمسلمين؟ سبحان الله و الله حسيت ان هاجس النضافة اللي منتشر علي لسان كل مسئول دلوقتي هو دعوة من الله و نداء لنا ((( أن توضأوا و حافظوا علي الوضوء ))) كأن الله عز و جل يقول لنا دينكم هو الحل فحافظوا علي شعائره تخيلوا لو أصلا في وقت الصلاة في كل مدارس مصر طلبة و مدرسين و نظار و مديرين و مجتمع كامل يتوضي في اليوم خمس مرات يغسل فيها ايديه و فمه و انفه و شعره و أذنه و قدمه كانت وفرت علينا علاج امراض اد ايه مع العلم ان انتشار الامراض و الاوبئة و الميكروبات المعدية بسبب قلة غسل اليد و عدم نظافة اعضاء الجسم و تراكم الميكروبات اللي الوضوء بيحل كل المشاكل دي كلها ببساطة شديدة ماذا علينا لو توضأنا لكل صلاة بنيه العبادة و بالمرة ربنا يكرمنا و يحفظنا بهذه النية و يقضي علي كل ميكروب ان شاء الله اقرأوا معي يا جماعة و شوفوا المعجزة اقتباس:
سبحان الله شوفتوا يا جماعة طب كملوا معايا و تأملوا اقتباس:
اتوضوا كتير يا جماعة اتوضوا الوضوء ... الوضوء و خلوها بنية صالحة لله عز و جل و هتشوفوا ربنا هيحكميكم أد ايه من مليون فيرس و من مليون خنزير و كمان خدوا دي هدية مني ليكم لو خايف من أي مرض أو أي وباء أو أي أنفلونزا خنازير خش بقلب جامد في أي مكان و لا يهمك والله و خليك واثق بالله و خذ بالاسباب و النضافة الجيدة و الوضوء الدائم و خد مني الهدية دي كلمات لو قلتها و الله لن يضرك شئ أبدا طول اليوم أهم حاجة تقولها بصدق بعد صلاة الفجر و قبل صلاة المغرب انا مجربها شخصيا والله و ربنا لم يخذلني ابدا بعد ما اقولها اسمع الحديث ده جاء رجل الى أبى الدرداء رضى الله عنه فقال : يا أبا الدرداء ... قد أحترق بيتك فقال : ما أحترق ! لم يكن الله عز وجل ليفعل ذلك - بكلمات سمعتهن من رسول الله من قالها أول نهاره لم تصبه مصيبه حتى يمسى ...... ومن قالها آخر النهار لم تصبه مصيبه حتى يصبح !!!!!!!!!!!! ؟ ((... اللهم أنت ربى لا اله الا أنت عليك توكلت و أنت رب العرش العظيم ... ... ما شاء الله كان وما لم يشأ لم يكن لا حول ولا قوه الا بالله العلى العظيم ... ... أعلم أن الله على كل شئ قدير و أن الله قد احاط بكل شئ علما ... ... اللهم أنى أعوذ بك من شر نفسى ومن شر كل دابه أنت اخذ بناصيتها ... ... ان ربى على صراط مستقيم ... )) و فى بعض الروايات أنه ( أبا الدرداء ) قال : انهضوا بنا ( رايحين يشوفوا بيته أتحرق ولا لأ ) فقام وقاموا معه فانتهوا الى داره وقد أحترق ماحولها ولم يصبها شئ !! احفظه ده و قوله كل يوم بعد الفجر و قبل المغرب لازم كل يوم و دي مش دروشة و الله العظيم خليك مؤمن بالله وواثق فيه ربك هو خالق الانفلونزا و خالق الميكروب و خالق الخنزير و خالق العلاج و خالق الثقة في الله و خالق التوكل علي الله و خالق كلمات لو قلتها ستأمن شر أي شئ في حياتك قول انت بس الدعاء اللي فوق و قول معاه كمان حسبي الله لا اله الا هو عليه توكلت و هو رب العرش العظيم و قول كمان أعوذ بكلمات الله التامات من شر ما خلق و قول كمان أعوذ بكلمات الله التامة من كل شيطان و هامة و من كل عين لامة و قول كمان بسم الله الذي لا يضر مع اسمه شئ في الارض و لا في السماء و هو السميع العليم يا خبر ابيض علي الجملة الاخيرة رائعة والله انت عارف قيل عنها ايه؟ ان اللي يقولها في يوم لن يضره شئ ابدا لا انسان و لا حيوان ولا مرض و لا انفلونزا و لا خنازير و لا جن ازرق قلها بثقة في الله و اخلاص له بعد طاعة طبعا ( مش بعد معصية ) و لما تقولها كل يوم و تشوف النتيجة والامان و الراحة النفسية ابقا ادعي لاخوك شريف بظهر الغيب جرب مش هتخسر حاجة بس بصدق دمتم في حفظ من الله و رعاية و أمن و أمان و راحة بال و هدوء نفسي و ثقة بالله |
مبدع يا مستر شريف
اقتباس:
من دائمة للاهتمام بالنظافة الشخصية ونظافة المدارس ، وبطريقة منهجية ودينية سليمة قدمت لنا من اكثر من 1400عام . وحفظنا الله بخير ما حفظ الله به الانبياء والرسل من الذكر الكريم والكلم الطيب ( وننزل من القرآن ما هو شفاء ورحمة للمؤمنين ) |
اقتباس:
بارك الله فيك بين ايدينا كنز لا يقدر بثمن بين ايدينا كلام الله عز و جل الذي نطقه بلسانه بين ايدينا شفاء من كل داء الحمد لله كما ينبغي لجلال وجهه و عظيم سلطانه شرف كبير لي رد حضرتك نورت الموضوع استاذي الحبيب |
الاسلام هو الحل :022yb4::022yb4:
شكرا ع الموضوع يا مستر |
السلام عليكم ورحمة الله وبركاته والله فعلا الإسلام هو الحل لكل مشاكل الحياة الإسلام هو الحل والمحافظة على الإذكار إن شاء الله بارك الله فيك يا أخي الكريم
|
موضوع اكثر من رائع استاذ شريف ......
فعلا لازم نواضب على الوضوء ويارب يعافينا كلنا د/ بنوتة |
موضوع ممتاز فعلا
والوضوء فكرة ممتازة للوقاية من المرض تخيلوا؟ دول 5مرات يوميا لا فعلا ممتازة الفكرة جزاكم الله خيرا ع التنبيه |
جزاك الله خير
بجد موضوع رائع و فعلا سبحان الله الوضوء حل مثالي و كل ما نقرب لربنا اكيد هنكون في امان ف الدنيا و الاخرة "من يتق الله يجعل له مخرجا" شكرا جدا |
بارك الله فيك
|
بجد كلام اكثر من رائع يا مستر جزاك الله خيرا |
فعلا كلام جميل ومهم يا مستر
الدنيا مقلوبة وبيدوروا علي حل واحنا في ايدينا كل الحلول مجرد التزام بسيط بديننا و ربنا انشاء الله هيحمينا |
موضوع رائع يستحق الإهتمام كل الشكر لكاتب المقال المحترم مستر شريف
|
اقتباس:
واخدين الجملة دي شعار ليهم :excl: بس فعلا الاسلام هو الحل لكل المشاكل الاجتماعية اللي احنا فيها و شكرا علي مرورك الجميل يا دكتور :) |
اقتباس:
و فيك أخي الحبيب نورت الموضوع تسلم ايدك :) |
جزاك الله خيرا وجعله الله في ميزان حسانتك باذن الله
موضوع تحفه والادعيه احلى وطبعا ذكرك للوضوء احلى واحلى واحلى في رعاية الله |
| جميع الأوقات بتوقيت GMT +2. الساعة الآن 02:41 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.