|
يوميات طالب هندسه
ممكن كل مهندس يقضى يومه فى الكليه هيجى يحكلنا مواقفه فى الكليه
|
كان يوم عادى يعنى
بتسلم فيه على كل اصدقاء السوء بتاع السنة اللى فاتت لحد اما ايديك ماتعرفش تحركها تانى :d |
النهاردة اول اليوم كنت حاسس إني فرحان زيادة
اصلي اخدت امبارح احباط يكفي الاربع سنين عن كهربا ودخلت اول محاضرة وعندي صورة عن الدكتور إني حطرد من اول محاضرة بس طلع كل حاجة زي الفل والدرس لأول مرة افهمه على الرغم إنه مجالات كهربية ...فيزيا يعني بس طبعاً الحلو ميكملش :d صحيح هو اول يوم بس عندنا محاضرة في آخر اليوم قال مقرر ثقافي وانساني الدكتور ضحك علينا ومجاش :d والله انا لسه راجع حالاً من بره ومخنوق قومني من النوم على الفاضي :d يلا عموماً كده كده انا عارف الواقع في كهربا بس بحاول اخدع نفسي يعني :d وهو اول يومين كده حقن تخدير مش اكتر :d فاتتكو العافية |
يابنى ده انا اما شوفت جدول كهربا وجدول عمارة قولت هحاول مالهاش حل :d
ال كهربا ال ربنا معاك يابونظر :d |
اقتباس:
مد بالألف مش ي بطه :d يا ساقط ابتدائيه :P |
اقتباس:
أنا آسف كان في شدة على الـ(ي) نسيتها :d والقاف عليها فتحة اقريها تاني بالمعنى الجديد بقى :d |
اقتباس:
لا بتفهم ما شاء الله:d ابقى فكرني آخد اسمك :P |
كله تمام بس الزحمه كانت ايييييييييييييييييييييه ده
|
كان كله تمام اوى و الدكاترة فوق الممتاز و كله كان حلو اوى
و مكناش كتير اوى |
بالنسبة لى بقى كان يوم جااااااامد
اول ما دخخلت الكلية لقيت واحد صاحبى بيبشرنى انه مفيش اى حاجة لنا .. و الجدول نزل حتى الكلية كلها الجداول بتاعتها نزلت ما عدا احنا كنت هروح معاه .. بس قلت ادخل اسلم على اى حد و سلمت و روحت و الحمد لله |
انا روحت النهاردة و صورت فيلم تايه في هندسة أقصد أمريكا و كل دفعة اعدادي كده كل رايح جاي بيحاولوا يوصلوا هنعمل ايه و في الآخر الحمد الله لقينا المدرج اللي لمنا كلنا :redface:......... |
بجد الواحد كان تايه خالص
|
حد فيكم دخل محاضرة مش ليه ؟؟؟
أظن محدش عملها فيكم غيرى هههه المغفلين اللى زيى لقطة و لا لما جيت قعدت فى آخر المدرج كل الدكاترة مصطادانى أول واحد قالى اللى واقف تحت ينزل مع انى كنت قاعد على البنش و تانى واحد ده ^_* مقولكوش استقصاد مية مية شوية يقول مهما تقول للى ورا يطلع قدام مش هيطلع (ماشى ) و بعد شوية يقول لبشمهندسة قولى للى ورا يبطل أكل لبان (مكنتش باكل لبان و اللى ورا مكنوش بيكلوا و شبه متأكد لأن مفيش حد فينا عمل أقل رد فعل ) ناهيك بقى عن اللون الأحمر الصغير و طبعًا قال هخليك تحرم تقعد ورا تانى رجالة هو مش المفروض تجنب الازدحام عشان انفلوانزا الخنازير ؟؟؟ لا إله إلا الله هاااا الظاهر هطلع للدكتور ده قدام كام دكة عسى و لعل |
احمد ربنا إنه بيلقح كلام مش بيوجه بشكل مباشر
ده اقل حاجة عند الدكتور :d |
ربنا يستر يا أخويا
بقولك معندكش كتاب أو كتيب للغة البيسك المشكلة أنها متتطورة و دلوقت موجود الفيجوال بيسك احنا هندرس أنهى واحدة مش عارف نبقى نعرف بكرة إذا خدنا محاضرة ^_* أنت شكلك شايل من الدكاترة ههههه |
| جميع الأوقات بتوقيت GMT +2. الساعة الآن 01:22 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.