طب اسنان المنصورة اى خدمة ؟
 

سلام عليكم

ازيكم يا شباب احب اعرفكم بنفسى انا د/محمد الفرقة الرابعة طب اسنان المنصورة ان شاء الله والله انا سعيد بيكم على المنتدى ده ويا رب تكون الكلية عجبت الناس بتوع اعدادى على الرغم انهم بيخدوا اول سنة فى علوم والناس بتوع اولى الى لسه اول سنة ليهم فى الكلية عندنا
على العموم يا جماعة ان اتحت امركم فى اي حاجة اى حد عاوز يعرف اية حاجة عن الكلية من اعدادى لحد ما تخلص وازاى تذاكر انا فى الخدمة يا شباب انا موجود ويا رب تكون سنة دراسية جديدة على كل الناس ويا رب دايما بالتوفيق
(وعلى راى المثل اسال مجرب ولا تسالش طبيب)

انا من المنيا بس عايزة اشترك معاكم
وشكرا ليك

ماشى يا دوك زيزو معاك حقك فى ده بس احنا بتوع اسنان وكمان لسه متخرجتش يعنى طالب على العموم تسلم

واهلا بيك يا avnan وباهل المنيا كلهم

وانا معاكم ان شاء الله

طيب يا جماعة انتو تامروا الى عاوز اى حاجة يقولى اها اموجود دايما هنا وفى الكلية الى تقابلة مشكلة يكلمنى على الايميل بتاعى على الياهو
dr.wa7ed * ymail.com

لو سمحت يا دdr.wa7ed

هوا احنا هنذاكر من الكتب اللي هنخدها من الدكاترة والمذكرات بتاعتهم؟؟

ولا نجيب مذكرات من المكتبات اللي خارج الجامعة ؟؟؟

وياريت تقولنا علي المذكرات اللي نجبها واللي منجبهاش

واهلا بيك يا avnan وباهل المنيا كلهم[/quote

الله يخليك:)

تعب يا د/ زيدان
والله الواحد مش عارف يذاكر ازاى ;)
احنا اخذنا محاضرة كمياء عضوية فيها حجات من ثانوى بس مش عارفة اذاكر من اللى كتبته
واخذنا محاضرة سيتولجى (علم الخلية) بس الدكتورة شكلها صعبة
ربنا يسهل
وانت اى الاخبار معاك يا دكتور:confused:

زي مقال دكتور زيدان احنا هنذاكر منين

وانت اى الاخبار معاك يا دكتور:confused:[/quote]

اه ماشية افهم محاضرة و 2 لا

لكن اعتقد مع الوقت كل حاجة هتبقي سهلة انشاء الله

بصوا يا شباب هتذاكر منين دى ؟سؤال كل سنة
بس ان هقولك من الاخر سواء رضيت او مرضتش الدكاترة اصلا هيخلوك تشترى الكتب من القسم علشان الفولس يعنى وكدة لان بيبقى فيها شيت بس الكلام ده فى علوم يعنى اعدادى لكن لما تيجى الكلية فى السنين الى جاية مفيش عندنا كتب
بس فى اعدادى انت لاما تذاكر من الكتب بس هتاخد وقت منك ومجهود وبعدين خد بالك لانك مش بتاخد كل حاجة فى الكتاب زى ايام الثانوى يعنى لازم تحضر المحاضرات علشان تعرف اية الى انت خدته
لو مش عاوز تذاكر من الكتاب يبقى ممكن تجيب ورق دروس بس على فكرة هتلاقى ورق كتير وبردة فى حاجات زايدة كتير عن الى بتاخده فى المحاضرة وحاجات مش عليك اصلا كمان واحيانا هتلاقى ناس فى الدفعة بتيبض محاضرات وبتخلى الدكاترة تشوفها
بس لو عاوز راي ان اشخصيا ودة الى كنت بعملة ان كنت بحضر المحاضرات بتاعتى واكتب ورا الدكتور النقط الرئيسية الى كان بيقولها وبعدين كنت بذاكر النقط دى من الكتاب او بمعنى اصح كنت بذاكر بس المواضيع الى بناخدها
وبعدين فى الاول متستعجلش عن المصدر الى هتذاكر منه لان الكيب احيانا بتتاخر شوية وكمان ورق الدروس يعنى الافضل انك تحضر المحاضرات وتبيضها ولو حتى بالعربى فى الاول لحد ما تاخد على الدراسه بالانجلش
اتمنى ان اكون افدتكم واى خدمة انا تحت امركم يا شباب

thanxxxxxxxxxxxxxxxxxxxxxxxxxxxxxxxx

شكرا ليك يا د/محمد