احداث يوم الاثنين لاعدادى اسنان الاسكندرية
 

بسم الله الرحمن الرحيم

انا اسمى محمد اشرف اعدادى اسنان الاسكندرية عايزين كل يوم باذن الله طلبة اعدادى اسنان الاسكندرية يشاركونا هنا وكل طالب يقدر يفيد زمايله يحط محاضرة او معلومة يفيد بها زمايله اللى محضروش او حتى اللى حضروا عشان الصراحة انا مش شايف منتدى اسنان هنا نايم خالص

هابدأ بيوم الاثنين اللى هوا النهاردة اللى هوا اول يوم ناخد فى محاضرات خدنا النهاردة محاضرة واحدة بس فى مدرج 2 وادهالنا دكتور اسمه د.احمد مختار طبعا دا هيدينا فرع سيتولوجى فى مادة حيوان الصراحة هوا دكتور ظريف جدا ومنظم وشرحه كله على داتا شو هوا صح اغلب الطلبة مفهموش حاجة بس دا عشان اول محاضره

وقال ان نظام امتحانات ودراسة حيوان غير نظام صيدلة عندنا ست فروع هندرسهم على مدار السنة مش هنمتحنهم الا فى نهاية العام كل فرع عليه عشر درجات يبقى كلهم ستين وعندك 20 عملى فى الترم الاول و20 فى الترم التانى يبقى التوتال 100 درجة

محاضراته هتكون يوم الاثنين من 12-2 ويوم الاربعاء هتدينا دكتور سيسيل من 12-1 وراثة وهوا من 1-2

طبعا انا مش هحط محاضرة النهاردة لانى للاسف ملحقتش اكتب كل حاجة بس هوا ادانا مقدمة كدا وشوية حاجات من احياء ثانوى وطبعا شوية مصطلحات انجليزى زى الفل محتاج السنة كلها عشان تعرف تحفظهم

المهم الكتاب العملى ب90 جنيه فى الدور الرابع والنظرى بالحجز

وبالنسبة لادوات التشريح هوا قالها بس انا من رأيى اشترى الشنطة اللى فيها ادوات المعمل من مكتبة الايمان او من اى مكتبة وان شاء الله السكاشن من الاسبوع الجاى

واحسن حاجة عجبتنى النهاردة ان مدرج اسنان جميل جدا اللى هوا مدرج 2 ودا اللى فيه معظم محاضرتنا بعكس مدرج 3 بتاع صيدلة اللى الحمد لله مش هنحضر فيه ولا فيه مراوح شغالة ولا ميكرفون ولا داتا شو ولا اى حاجة

يلا باه عايزين مشاركتم ان بقالى 3 ايام بروح الكلية ومعرفتش اى حد من دفعتى خالص ولا عرفت اى حد من اللى كانوا بيشاركوا معانا هنا فى المنتدى

thanxxxxxxxxx

فعلا الدكتور انهاردة كان ظريف جدا مع ان بس لسه فى مشكله عشان مش بنلاحق معاه بس اكيد هانتعود

انا كنت عايزة اعرف هو كتاب العملي و النظري ب90 جنية ولا العملي بس
وعلي فكرة انا سألت في اتحاد الطلبة قالو ان الدكتور حينزل بعد كدة ورق المحاضرة في المكتبةوفي كمان معيدين بيعملوا ملخصات وينزلوها

كان يوم جميل
وربنا يسهل بكره من 8 ل5
ربنا يقدرنا
بس بيقولوا الدوك دا في الاول كويس زى ما شوفنا بس بعد كدا بقي
ربنا معانا
مش عاوزه اخوفكم

يعنى احنا مش هنذاكرمن الكتاب النظرى هنذاكر من ورق الدكتور وبس ولا ايه؟؟؟؟؟؟؟؟؟؟؟؟؟؟؟ظ

ya gama3a ana msh 3arfa 7d ana zeh2t yaret ay bnt at3rf 3lrha we howa fen modarg 5amsa

فوق مدرج خمسه
فوق الشئون كدا
فوق المسجد

العملى والنظرى ب 90

ها يادوك محمد مفيش احداث يوم الاربعاء؟

الجروب ده لكل طلبه اعدادى اسنان اسكندريه on facebook join us http://www.facebook.com/topic.php?to...d=125812979181

اريد اول تعريف فى ورق Dr/سيسل فى الGenetics لان التصوير غير واضح

يا جماعة هيه ف محاضرة دكتور ة رباح قالت ان الضغط وحدته بسكال وبسكال بتساوى ايه ؟؟؟؟؟؟؟؟

الباسكال بتساوى m-1kgs-1