|
علــــــــــــ حلوان ــــــــــــــــــوم وبس
يا جماعة انا لقيت انه كله عمال يعمل ملتقى علوم الاسكنرية واللى بنها اشمعنه يعنى
مفيش لحلوان فالفكرة جاتلى انى لازم اعمل موضوع نتعارف من خلالة وعايز رايكم |
كنا عاملين موضوع السنة اللى فاتت بس مات للاسف
انا تانية فيزيا رياضة فلك ان شاء الله |
وانا اولى علوم حلوان جيولوجى
|
اقتباس:
هو انت اسمك اية بالظبط انا محمد اولى فيزيائية |
اهلا بيك يا محمد
شد حيلك ان شاء الله سنة موفقة عليك اى حاجة عاوز تستفسر عنها انا تحت امرك انا اسمى رحمة عموما فى رعاية الله |
انا محمد بس انا هتلقنى على طول مع حسام وتوتى
|
اقتباس:
بص انتى ايه رايك فى احمد رمضان بتاع الخواص بس كل الدافعه(مش كلها معظمعا مش فاهم حلجه) نعمل ايه علشان انا محتس؟؟ |
على فكرة الراجل ده جبار
بمعنى انه عنده علم واسع الله اكبر ولكن تقريبا اغلبنا مبيفهمش منه حاجة بس امتحاناته كلها نمط واحد واسئلته واضحة لو ذاكرت من الكتاب وبس ركزت على النقط المهمة اللى بيقولها مش هتحس ان امتحانه صعب اهم حاجة تحضروله احضروا لكل الدكاترة حتى اللى مبتفهموش منه حاجة بجد ممكن تطلع من المحاضرة بمعلومة واحدة انت فاهمها هتنفعك يوم الامتحان ومعلش هو دكتور احمد رمضان اللى بيركز معاه بيصدع بس بردو ممكن تستخلص اللى هو بيتكلم فيه وتركز عليه يعنى انا مثلا فاكرة انه اول ما دخل عندنا كان بيشرحلنا فيزياء حرارة الفرق بين ال heat و ال temperature والسؤال ده بييجى فى الامتحان بالنص من غير حتى لف فى الاسئلة ولما تجيبوا الكتاب هتلاقوه ف اول صفحتين فى الهيت خلاصة القول احضروله وحاولوا تركزوا ع النقط اللى بيقولها وارجعوا ذاكروها من الكتاب وربنا هيوفقكوا ان شاء الله |
اقتباس:
ودكتوره المكانيكا تاعبنه جدا جدا:bosyht9::bosyht9::angry2::angry2: لو تعرفى تشوفى جدول الشعبه الفيزياء وتقولى ايه رايك فيها |
دكتورة ناهد الشرقاوى على فكرة اكتر دكتورة تقديرتها حلوة
سيبك من الشويتين اللى هى بتعملهم دول مفيش سؤال بييجى بره الشيبت بتاعها ومحاضراتها وبييجوا بالارقام نفسها كمان ونظام امتحانها حلو 8 اسئلة بتختار 6 اللى يعجبوك هى يا بتدى تقديرات عالية يا تشيلك الماده عاوز تجيب تقدير اسمع كلامها وخليها متعرفش شكلك ولا تركز معاك لانها لما بتستقصد حد بتجيب قراره ومتقومش تجاوب ع اى سؤال ف محاضراتها هتشوف بنفسك بعد كده اللى بيقوموا بيتهزقوا منها لانه وببساطة هى شايفة ان محدش ينفع يبقي ذكى غيرها ويا ويله بقي اللى يغلطها كمان هى دى دكتور ناهد انا جبت ف مادتها جيد جدا اسئلة المحاضرات والسكاشن والشيت بتاعها وخاصة الشيت ده تتصم لانها بتيجى بالارقام مبتجيبش اسئلة من بره وطبعا لازم تجشترى كتابها حتى لو عندك لان الدفعة اللى قبلنا قعدت تنادى ع اللى مجابوش كتابها ويقال انها شيلتهم مادتها والله اعلم دكتورة الميكانيكا لو كانت ثريا فبجد حراااام عليك دى احلى دكتورة فى الكلية هى اسمها ايه ؟؟؟؟ لو ثريا تبقي ان شاء الله سنتكوا سكر بجد هو انت فيزيائي ولا جيولوجى ؟ |
احنا اللى بتدينى واحدة اسمها حاجة فيلبس واحمد عبد الفتاح وبهاء
بس طمنيتى لان الرياضة2 انا مش بحبها اللى مصبرنى على ده كلة انى عايز كيميا وبينى وبينك انا عايزاشتغل عشان اتجوز هههههههههههههه |
اقتباس:
ثانيا انا تعبك معى ثالثا انا فيزياء مش بيولوجى ودكتوره المكانيكا اسمها ساميه فليبيس واحمد رمضان اعمل ايه فى المذاكره بتاعتو انا اشترى الكتب منن واجيب منن كتب حقوق الانسان |
اقتباس:
بهاء ده حكايته حكاية بهاء اهم حاجة يا جماعة الحضور ثم الحضور ثم الحضور انا مكنتش بحضرله وشلت مادته وكمان كتاب الكيميا مبيجيبش منه حاجه وبيقولنا اعتبروه فقط مرجع كل حاجة بتيجى من محاضراته ولو محضرتش مش هتفهم وهو بيكره الغياب عمى ومبيدخلش حد متاخر ولو دقايق حتى عن معاده بهاء اهم حااااااجة الحضوووووووووووووووووووور وهو هينزل ورق كل فترة وده بردو نهتم بيه بصوا انا قلتها كتير بس هقولها تانى من الاخر لو محضرتش لبهاء هيشيلك المادة براحتكوا بقي وحتى لما هتيجوا تمتحنوله شفوى هيبقي قدامه كشف الحضور هييجى يقولك مثلا مجتش اخر محاضرتين ليه ؟او انت مبتجيش محاضرات ليه؟ وهكذا... و ضد حوار الكورسات هو ومن اشد المحاربين ليه فى كليتنا العزيزة اما عن الماده نفسها بعيدا عن بهاء فهى سهلة ان شاء الله الرياضة مش عارفة انت شايل همها ليه والله لو كنت بنت كنت شرحتهالك لانها بجد سهلة انت عندك ترم اول ميكانيكا ،، تحليل رياضى ،، جبر الميكانيكا كنت مرة عند الدكتورة بتاعتى قالتلى ان كذا سنة الاول ف ملدتها علمى علوم فمتقلقش ابدا انت ممكن فى الاول العيال اللى جنبك بقي والدكتورة بتشرح يتكلموا معاها ويعملوا فاهمين بس سيبك ياما بتوع رياضة شالوها وبتوع علوم عدوا بيها وعندك مثلا الشهادات المعادلة كمان مش اخدوها قبل كده زيك فمتقلقش خالص الميكانيكا ماده لذيذه ولو حبتها هتحبك بس اهم حاجة تبذل فيها مجهود اللى متفهموش شوف حد ف الدفعة الى قبلك يشرحهولك ومتتكسفش من ده وخليك ورا الدكاترة سؤال اتنين 10 حتى مش فاهمهم روح اقعد للدكتور ع باب مكتبه مش هتلاقيه عليك بالمعيدين وزهقهم اللى بينجح فى الكليه دى هو اللى بيستغل اى فرصة متاحاله اللى يكسل بقي هياخد ع دماغه بامانة :d التحليل الرياضي هتاخد ترم اول تفاضل واغلبه انت اخدته ف ثانوى رياضة 1 ده مفيش قلق منهه ولا ايه وهتاخد فقط مبادئ بسيطة فى التكامل والتكامل ده اللى هو عكس التفاضل الترم التانى هو اللى هيكون تكامل فقط والمادة دى بقي متضيعش منك لانها هى والميكانيكا تقدير واحد وهى سهلة ان شاء الله مضمونة.. الجبر مادة ناهد الشرقاوى 90% من المنهج علمى رياضة مدرسهوش ف ثانوى واتكلمت عنها قبل كده متقلقش من حوار علمى علوم ده قلتلك فى معيدين عندنا فيزيائيين كانوا علمى علوم تفتكر عدوا بالرياضة بتقديرات عادية؟ متحيل الناس دى كانت متفوقة فى الرياضة ولا قالت احنا كنا علمى علوم وحطت ايديها ع خدها لأ كل ما المادة انا شايفها هتبقي صعبة عليا لازم ابذل مجهود اكبر وكل ما هتتعب ربنا هيعوضك كل ما المادة تصعب عليك وتجااهد وتخليك وراها ربنا لازم هيكرمك يها واوى كمان ان شاء الله بالتوفيق ان شاء الله :) |
اقتباس:
كتاب احمد رمضان هينزل بعد مده بس احسنلك شوف حد اكبر منك خد كتابه او حتى صور اول شابترين لحد ما الكتب تنزل ولو ملقيتوش انا ممكن اشوف كتب زمايلى او اصورلكوا من كتابي وابقي اشوف ممكن اوصلهولكوا ازاى كتاب حقوق الانسان ع فكرة مش مهم تجيبه ولا ليه اى لزمة انا عديت بالماده دى بمقبول اينعم بس ده علشان ذاكرتها ايام الامتحان بس و ع فكرة مادة ولا ليها اى علاقة بالمجموع ولا ليها اى لازمة اساسا دماغكوا منها اللغة الاوربية ى اللى عليها 50 درجة وابقي احضروا للدكتورة من وقت للتانى مع انى عمرى ما حضرتلها وجبت جيد جدا فى المادة دى بس يقال ان اللى حضروا خدوا اعمال سنة يعنى كان زمانى امتياز فليه منحضرش ؟ براحتكوا اولا واخيرا كتاب حقوق الانسان كان السنة اللى فاتت من المدن الجامعية بس مش عارفه اى مبنى بصراحة يا جماعه احذروا من تراكم المادة عليكوا انتوا اهو اول اسبوع متخليش المادة تتقل عليك علشان المادة اللى هتتساب مش هتعرفوا ابدا تلموها بعدين احنا علوم مش تجارة ماشي ؟ |
مشى
انا ممكن اصور من اصحبى وشكراا لمساعدتك انا بردو بال اجيب منن كتب اللغه الاجنبيه ودوره icdl من ضمن المجموع وبتتحب ازى |
| جميع الأوقات بتوقيت GMT +2. الساعة الآن 04:18 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.