لكل اللى راح النهارده (اولى اجتماع انتساب القاهره)
 

اهلا اهلا:049gc0:

ازيك وبعدين في حد ينسي البطاقه الشخصيه ;)

اليووووم كان تحفه فاتك نص عمرك ههههههههههههههههه

اليوم النهارده اخدنا كل المحاضرات ما عدا علم الاجتماع الدكتوور كان غايب

او بمعني اشمل محدش دخل:040vk0:

وكان يوم كله تهريج وناس متخلفه بالذات بتوع المكتبات واللي حصل النهارده مش كأنك داخل مدرج كانك بالظبط في وسط البلد هههههههههههه

قولي عايز تعرف ايه ؟

ومتنساش البطاقه تاني ههههههههههه نسيت تاكل ولا تشرب هههههههههههه:039uw8:

احنا اخدنا 3 محاضرات امبارح بس الدنيا كانت زحمه جدا ومعرفناش نتحرك خدنا محاضرة جغرافيا عامه وفلسفه وطرق الخدمه الاجتماعيه والدكتور بتاع علم الاجتماع كان مسافر وقالولنا هناك مفيش فايده من حضور محاضرات اللغه العربيه والانجليزي والاحسن اننا ناخد ملازم المادتين دول لانهم مواد ممتده وهنمتحنها في اخر السنه

فيه حاجه كمان احنا قسمونا مجموعات يعني لو اسمك بيبدا بحرف الالف او اي حرف لغاية حرف السين هتحضر بنفس الجدول اللي معاك ولو اسمك بيبدا بحرف الشين لغايه اخر الحروف يبقى هتحضر يوم الجمعه اللي جايه وهناك هيقوللك المدرج اللي هتحضر فيه وابقى افتكر البطاقه الشخصيه

لا اخدنا طبعا يا كريم

اخدنا خمس محاضرات

وكلهم معلومات طبعا

وفي كمان حجز كتب

ومواعيد الدراسه لسه مش عارفه لانهم قسمونا مجموعتين الف وباء

مجموعه الف من الالف للكاف

ومجموعه باء من اللام للياء ده اخر حاجه اتقالت في محاضره العربي


ولسه مش عارفه هنحضر الاسبوع الجاي ولا لا

لو عايز اي حاجه قولي وانا ان شاء الله افيدك

واهلين يا ساندي انتي كنتي في اليوم الفظيع والمهرجان ده معانا ؟؟

اه كنت معاكو وكان يوم غريب واتبهدلنا اخر بهدله ونقولنا من مدرج لمدرج تاني لدرجه اننا قاعدنا على الارض بين المدرجات
بس انا محضرتش اخر محاضرتين ممكن تقوليلي قالو ايه تاني في المحاضرتين دول وكانو مهمين ولا لا

العفوو يا كريم

ويا ساندي كان يوم وحش اووي

وفي نص محاضره الجغرافيا طبعا مش حضرتها

اللي اخدناه مش مهم كانت مراجعه في الانجليش والعربي

بس

بس يا خساره فاتك نص عمرك لان ماضره الجغرافيا العامه كانت احلى محاضره في المحاضرات كلها بس انا هنصحك نصيحه بدل متكتبي ورا الدكتور سجليله على الموبايل ولما تروحي اسمعي اللي قاله وسجليه وقارنيه باللي مكتوب في ملازم اي مكتبه من المكاتب والمهم في ده كله انك تكوني في الصفوف الاولانيه لانك لو قعدتي ورا مش هتفهمي اي حاجه شكرا rinoa

وطبعا الاهم من ده كله كتاب الدكتور

امممم
طيب انا كنت عايزه النص التاني بتاع المحاضره واخبار الكتاب ايه قال عليه ولا لا بلييز معلش هتعبك معايا

معلش يا ساندي هتعبك جامد

وع فكره كله بيحذر من اوراق بين السرايات

تحياتي

بصي انا هكتبلك المحاضره كلها

بصي يا rinoa انا اخدت محاضرة الجغرافيا العامه من مكتبة القبه ولقيت الكلام اللي موجود في الملزمه هوه نفسه الكلام اللي قاله الدكتور ومفيش اي فرق لاني كنت بسمع اللي انا مسجلاه للدكتور واشوف اللي مكتوب في الملزمه ملاقيتش اي فرق بين اللي قاله الدكتور وبين اللي في الملزمه وانتي تقدري تجيبي الملازم بتاعت المكتبه ديه بكل سهوله مش انتي حضرتي المحاضرات وشفتي بتوع المكتبات هتلاقي فيهم ناس بتوع مكتبه اسمها مكتبة القبه هما هيقوللك مكان المكتبه وازاي تقدري تجيبي الملازم منهم بس كده وطبعا كل الدكاتره لازم يحظروكوا من ورق بين السرايات