|
حقيقة مشاعرك .....
فاتت سنين وأنت بتمثل الحب عليا وبترسم طريق ليا مليان بشوك وخيانة وموت وآه م العذاب اللي بات بيا بسببك أنت مات فيا كل حاجه حلوة ليا وكل ذكري منك ليا قول الحقيقة اللي خلاص بقيت م انهاردا بشوفها بعينيا الحقيقة ... إن أنت ملكش أبدا ضمير ومات قلبك من أول الطريق وعرف ازاي بيك يقسي عليا ويحرك مشاعرك الأنانية قول الحقيقة لنفسك .. وريح قلبك معاك وصدقني هتحس براحه وأمان لامان وهتحس بقلبك بيدمع ... وعينيك كمان علشان بقيت انسان جديد كله حنان وعارف ... أنا مش ندمان اني هسيبك وهبقي وحيد ومش ندمان ع قلبي اللي كسرتوا ع أيديك بس ندمان .... انك من ملاك بقيت إنسان من غير شعور وندمان ع احساسك اللي اتغير وبقي جارح وكداب ومغرور وخلاص انا همشي وهبعد .. وهاخد قلبي كمان معايا عشان اطمنت انك رجعت من تاني ملاك وكلك برئا واطمنت انك لو هتحب تاني هتخاف ع مشاعر حبيبك اللي ليك وهتصونها جوي قلبك وكمان ف عينيك وطمنتك اني مش ندمان ابدا عليك واني لسه بحبك وحياتي مهما طال زمن لسه ليك وانا عايش بيك |
تسلم جميله
|
اقتباس:
الله عليك يا ساد بجد تسلم ايديك بس ليه الحزن الكتير ده صدقني الحزن مفيش منه فايدة خالص وكمان طول ما احنا عايشين هنشوف كتير اوي انسي الحزن وشوف حياتك صدقني هتحس بنفسك انا عارف اني بتدخل في شخصيتك بس اعذرني .. لاني لحد دلوقتي مشوفتش ليك حاجه غير الحزن ودا اللي خلاني اقول الكلام دا |
اقتباس:
ميرسي جدا ي فندم ع زوق حضرتك ويارب اكون عند حسن الظن |
اقتباس:
اولا ميرسي جدا ي مشاكس ع زوقك الكريم ثانيا ايه اعذرني والكلام الكبير دا احنا اخوات مهما كان وبعدين انا سعيد جدا بكلامك وسعيد ان في حد متابع اعمالي حتي ولو مش بيرد عليا بكلمة دا ف الاول والاخر شرف لي بس اعذرني بجد لان مستحيل اتغير نورتني والله ويارب اكون عند حسن الظن ف المرة القادمة |
جميلة كلامتك يا ساد
طبعا انا مش ناقده عشان احكم على ما نظمته ده كنص انا ممكن اتكلم عنه كاحساس هو الي انا شايفاه انك لسة بتحب ومش عارف تكره ومش عاوز تكره بس عاوز برده وشايفها ملاك ومش ملاك يمكن تكون فهمت غلط او وجهت احساسك ف اتجاه مش مناسب ومش هاقولك ما تندمش لانك مش عارف انت ندمان ولا مش ندمان لكن دي مش نهاية الدنيا ودايما في نصيب ودايما في جميل ودايما في اجمل يمكن لازم تحس الحزن دلوقتي شوية عشان بعدين تعرف معنى الفرح يمكن اتعذبت دلوقتي عشان بعدين تدوق الحب بجد سوري ع الكلام الكتير والصداع بتاعي ده وان شاء الله قريب نشوف اسمك هابي مش ساد |
ياسلام عليك يا ابو حميد
بجد تحفة كلامها و رقتها و إحساسها و ده مش جديد عليك يا مبدع دمت فنان |
اقتباس:
احساسها جميل جدا وحضرتك خليت القارئ يحرك فكره تبع القصيدة جزاكم الله خيرا ودمتم مبدعين |
اقتباس:
انا هكمل كلامك .. وهتكلم ع الاحساس انا لسه بحب ... بس مش بعرف اكره .. لان اللي حب مش بيكره بس انا معنتش شايفها ملاك .. لان الملاك مش بيخون ولا يجرح ولا يظلم ولا يقسي ولا يكسر وكمان انا هقولك اني بجد بقيت ندمان ... لاني ف النهاية بقيت المجروح والظالم وفعلا عندك حق ف ان دا نصيب ..ودايما ف جميل واديما ف اجمل بس مش دايما ف حب صادق وبعدين انا مش اتعذبت وبس انا عديت هذا الاحساس بكتير جدا وبعدين انا معتقدش انى هعرف احب ... لان اللي انجرح اوي ... مش هيطوعه قلبه يحب تاني ف النهاية ... مفيش صداع ولا حاجه وميرسي جدا ع مشاعر حضرتك بس ان شاء الله دايما هتشوفي اسمي ساد .. لان مفيش اسم اخر لي |
اقتباس:
ايه الكروتة دي .... انت محسسني انك داخل تؤدي جميل وخارج بس مش مهم ... المهم اني شوفتك معايا .. ودا كفايا والله نورتني والله ي حبي ودمت لي حبيبي |
اقتباس:
وكويس اني خليت القارئ يحرك مشاعر جواه دا دليل اني صادق ف تعبيري ويارب اكون دايما وابدا هكذا وعند حسن الظن وجزانا الله واياكم خيرا |
| جميع الأوقات بتوقيت GMT +2. الساعة الآن 06:18 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.