|
اقترح اصدار قانون تحريم وتجريم النقاب
الاخوة الاعزاء
اقترح ان يصدر قانون يحرم ويجرم ارتداء النقاب وذلك للأسباب الأتية احيانا يستخدم كساتر لبعض الجرائم اكتر من 100 حاله واحنا 80 مليون يسبب ضيق نفسي بلونه الاسود للشباب الباحث عن الجمال ويسمح فقط بالنقاب داخل المنزل امام الزوج والاولاد المادة الثانية الغاء صلاة الجمعة تعطل حركة البيع والشراء يكتفى بصلاة الظهر وممكن نخليها برضة ركعتين المادة الثالثة الغاء صوم رمضان يخرب الميزانية واهدار للمال وضعف الانتاج خلال الشهر والمادة الرابعة منع ركوب السيارات او المشي في الشوارع حيث هناك اكتر من 18 الف قتيل و4 مليار جنية يتسبب فيها حوادث الطرق المادة الخامسة الغاء الأكل والشرب حيث هناك نسبة عالية من تلوث الاغذية والامراض تنتج من تناول الطعام ايه رأيكم ؟؟؟؟ اظن قوانين في منتهى العقلانين الي كل الاخوة الباحثين عن الحق والحق ضالة المؤمن وادعو اللهلنا جميعا ان يهدينا لم اختلف فيه من الحق باذنه هدية قيمة لايعرف قدرها الا من لا يتعصب الا للحق ولشرع الله محاضرة لشيخنا اسد السنة محمد سعيد رسلان شيخ الأزهر بين النقاب والأقصى |
إيه رأيك نلغي حياتنا بالمرة ؟؟؟؟؟؟؟؟
شكرا ع الموضوع على فكرة هو ده اللي هما هيعملوه بس اصبر شوية وهتشوف |
الاخت الغالية شكرا لمرورك الكريم ولكن اطمنك مش هايحصل مهما حاول الاعلامالمسموم ومهما كانت اخطاء بعض الملتزمين وكونهم قدوة سيئة لن ينجحوا وكلي ثقة في وعود القرآن الكريم وَاللّهُ غَالِبٌ عَلَى أَمْرِهِ وَلَـكِنَّ أَكْثَرَ النَّاسِ لاَ يَعْلَمُونَ }يوسف21 {إِنَّا نَحْنُ نَزَّلْنَا الذِّكْرَ وَإِنَّا لَهُ لَحَافِظُونَ }الحجر9 {يُرِيدُونَ أَن يُطْفِؤُواْ نُورَ اللّهِ بِأَفْوَاهِهِمْ وَيَأْبَى اللّهُ إِلاَّ أَن يُتِمَّ نُورَهُ وَلَوْ كَرِهَ الْكَافِرُونَ }التوبة32 |
مستعجلين على ايه؟:d كله جاى ف الطريق مش بئا جديد عليهم تنفيذ الكلام دا مش مجرد اقتراح :romarioxp6:وادينا بنتفرج;) |
رأيك يرجحه من يفهم حقيقة الأمور اخى الفاضل
ومن قام بإلغاء النقاب خطوته الثانية الغاء الحجاب وبعدها صلاة الجمعة وبعدها وبعدها ... حال نجاحه لا قدر الله وهو امر لا أعتقد بحدوثه لأن الله وعد باتمام نوره والحفاظ على دينه "يريدون ليطفئوا نور الله بأفواههم والله متم نوره " هذا وعد الله اخى الفاضل ومهما فعلوا لن يقدروا وغاية ما فى الأمر ستذهب المنتقبات للمحكمة وستدخل رغما عن الجميع تقبل تحياتى |
مع إحترامى لكل الناس بس اللى حصل مايستدعيش الكلام الكتير اللى إتقال ده شيخ الأزهر قال إنه راح مدرسة إبتدائى و لقى بنت لابسة نقاب بالرغم إن مكنش موجود فى الفصل لا أولاد ولا رجالة !! و حب يضحك معاها لما قالها اقلعى النقاب و قالها لو كنتى حلوة شوية كنتى عملتى إيه ؟؟ يعنى لا راح جامعات ولا معاهد و لا حتى مدرسة إعدادى و لا عاكس البنت ولا أجبرها على كشف وشها !! لما طفلة تلبس نقاب من سن صغير دا كبت لطفولتها و مشاعرها .. مش بعيد تبقى معقدة نفسياً طول حياتها رغم إنى سمعت خبر إمبارح بعدم دخول لجان الامتحانات فى الجامعات المصرية بالنقاب و حسيت إنهم زودوها أوى بس المصريين طول عمرهم ماشيين بدماغهم يعنى حتى لو نزلوا قرارات مش هيقدروا ينفذوها 100% و بعيداً عن كل ده هما بيلغوا النقاب حبة بحبة فاكرين إنهم بيضربوا عصفورين بحجر يقولوا إحنا بنعمل كده علشان الفساد اللى انتشر بسبب النقاب .. و هما مش غلطانين فى ده لإن جرايم كتير بتتنفذ بالنقاب حتى لو كانوا إرهاب دا غير إن فى بنات كتير بيلبسوه منظره و بس تلاقى البنت راسمة عنيها و لابسة عباية حرير و بتلمع أو كاشفة إيديها و ملونة ضوافرها أو لابسة مع الأسود ألوان لافتة للأنظار زى الأحمر و الفوشيا و غيره و فى نفس الوقت الحكومة بتاخد أوامر من برا أو من اللى فوق زى ما بيقولوا علشان الحركة الدينية فى مصر تختفى بالتدريج و فى الأول و فى الأخر اللى عايزة تلبس النقاب محدش هيقدر يمنعها ولا هترضى إنها تسيبه و لو قلعته يبقى هى أصلاً مكانتش مقتنعة بيه |
اقتباس:
الجزء الثاني من ردك لم اختلف معه في رد من ردودي بخصوص الموضوع بس بالنسبة للحتة دي باين عليكي واصلة متأخرة شوية :) أولاً الخبر او ما طلع اتقال إنه الكلام ده لبنت في تانية اعدادي يعني تعتبر بلغت او في مرحلة البلوغ لكن في تصريحه المباشر انكر ذلك واعلن انها كانت ابتدائي اكيد عشان معندهوش تبرير لده تاني حاجة لو كان بيهزر مكنش قال للمعلمة انا افهم في الدين اكتر منك ومن اللى خلفوكي واللى بيقول لواحدة امال لو كنت اجمل شوية كنتي عملتي ايه ده عمره ما يكون هزار سيبك من رأيي ورأيك مرافق شيخ الازهر في ذاك الوقت لما اتسأل كان بيهزر ولا لأ قاله لأ شيخ الازهر مبيهزرش في المواقف دي معلش يا اسيل الاعتراض هنا ليس على وجوب النقاب ولا لأ ولكن على طريقة ما يفترض ان يكون شيخ الازهر وبعدين اصداره لقانون تحريم النقاب لو اقتصر على مدارس الابتدائي كان ماشي لكن ميمشيش على الابتدائي والاعدادي والثانوي ويدخلوه كمان للمساكن في الجامعات |
اقتباس:
وهنا يأتي السؤال أليس شيخ الأزهر رجل يجب علي أي امرأه أو فتاة منتقبه أن تستر نفسها منه؟؟؟ رجال الصحافة معه في الفصل وكمان كان شيخ المعهد الأزهري معه وشيخ المنطقه وبعض المدرسين من الرجال ورجال الأمن الذين كانوا معه في تلك الجوله كل هؤلاء ليسوا رجال؟؟؟ اقتباس:
|
يا جماعة أنا مش بدافع عنه أنا بتكلم على كلام كتير إتقال و بتكلم على كلامه هو مش كلام الجرايد و بصراحة انا شايفة إن كل الكلام ده ملهوش أى فايدة لإنه مش هيغير الوضع ابداً اقتباس:
مهو لو على كلام شيخ الأزهر إنها فى إبتدائى يبقى تستر إيه اللى يأمر بيه!! دى طفلة !! إزاى اصلاً تتنقب و هى طفلة !! و لو إفترضنا إنها كانت بنت فى إعدادى .. المفروض زى ما بتقولوا إنها ناضجة وف اهمة هى بتعمل إيه يعنى مايجيش واحد حتى لو كان شيخ الأزهر و يقولها إقلعى النقاب حتى لو بعد إلحاح و غصب تقوم هى تقلعه أو تقبل بده .. ساعتها بقى هى تستاهل اللى يحصلها و انا قلت اللى عايزة تلبس نقاب هتلبسه غصب عن عين أى حد حتى لو وصلت إنها ماتتعلمش و تقعد فى البيت و الهيصة اللى حصلت على شيخ الأزهر دى مش بتظهر على مفتى الجمهورية ليه ؟؟ مش الاتنين أزهر و بتهيقلى على جمعة برده ليه فتاوى عجيبة كل اللى عايزة أقوله إن اللى عايز يعمل حاجة فى البلد دى يعملها لان لا فى حد بيسمع شكاوى حد ولا الحكومة بتاخد بكلام الشعب كتر الكلام مش هيقدم بشىء |
للأسف أختنا الفاضله أسيل البنت طالبه في الصف الثاني الإعدادي
|
اقتباس:
من كام سنة أصدروا قرار بمنع الدخول بالنقاب فى الجامعات و محدش نفذه و صعب أوى ينفذوا قرار زى ده إلا إذا المنتقبات إستسلموا بسهولة و باعوا القضية انتوا واخدين الموضوع على أعصابكم و كإن كل اللى بيحصل ده مش متوقع .. الأسوأ لم يأتى بعد !!! :bosyht9: |
والله انا احترم رائيك جدا يا مها
بس احنا بعيدا عن قضية النقاب فى وجوبه او فضله طبعا فعل شيخ الازهر مشين جدا ولو تعرفوا انه قبل كدا جرى ورا شيخ معهد بالجزمة فى سنه من السنين ومحدش عرف بالواقعغة دى الا قليل اوى للاسف عندنا شيخ الازهر بتعنا ربنا يديه الصحة قمة فى الادب بكل اسف |
ابلة هدى اشكر مرورك الجميل وفهمك المستنير وان كان القابض على دينه كالقابض على الجمر فهو ايضا يأوي الي ركن شديد وسلعة الله غاليه الا ان سلعة الله الجنة
الاخوة الغاليين أسيل رزق المجاهد فى سبيل الله Khaled Soliman BaNZeR شكرا جزيلااخواني الاعزاء واراءكم تحتاج لبعض الردود أولا مازلت ارجو ان يتسع وقتكم لسماع ولو اول 5دقائق من الخطبة الموجودة في بداية الموضوع ثانيا لانريد ان نجري ورا الصحافة ونحن معصوبي العينين ثالثا هل قرأ احد منكم تفسير الشيخ سيد طنطاوي حفظه الله لأيات الحجاب؟؟؟؟ هذا بالنص من تفسيره الوسيط { ياأيها النبي قُل لأَزْوَاجِكَ وَبَنَاتِكَ وَنِسَآءِ المؤمنين يُدْنِينَ عَلَيْهِنَّ مِن جَلاَبِيبِهِنَّ } . قال الآلوسى : روى عن غير واحد أنه كانت الحرة والأمة ، تخرجان ليلا لقضاء الحاجة فى الغيطان وبين النخيل ، من غير تمييز بين الحرائر والإِماء ، وكان فى المدينة فساق يتعرضون للإِماء ، وربما تعرضوا للحرائر ، فإذا قيل لهم قالوا : حسبناهن إماء ، فأمرت الحرائر أن يخالفن الإِماء فى الزى والتستر فلا يطمع فيهن . . وقوله : { يُدْنِينَ } من الإِدناه بمعنى التقريب ، ولتضمنه معنى السدل والإِرخاء عُدِّىَ بعلى . وهو جواب الأمر ، كما فى قوله - تعالى - : { قُل لِّعِبَادِيَ الذين آمَنُواْ يُقِيمُواْ الصلاة . . . . } . والجلابيب : جمع جلباب ، وهو ثوب يستر جميع البدن ، تلبسه المرأة ، فوق ثيابها . والمعنى : يأيها النبى قل لأزواجك اللائى فى عصمتك ، وقل لبناتك اللائى هن من نسلك ، وقل لنساء المؤمنين كافة ، قل لهن : إذا ما خرجن لقضاء حاجتهن ، فعليهن أن يسدلن الجلابيب عليهن ، حتى يسترن أجسامهن سترا تاما ، من رءوسهن إلى أقدامهن ، زيادة فى التستر والاحتشام ، وبعدا عن مكان التهمة والريبة . قالت أم سلمة - رضى الله عنها - : لما نزلت هذه الآية ، خرج نساء الأنصار كأن على رءوسهن الغربان من السكينة وعليهن أكسية سود يلبسنها . وقوله : { ذلك أدنى أَن يُعْرَفْنَ فَلاَ يُؤْذَيْنَ } بيان للحكمة من الأمر بالتستر والاحتشام . أى : لك التستر والاحتشام والإِدناء عليهن من جلابيبهن يجعلهن أدنى وأقرب إلى أن يعرفن ويميزن عن غيرهن من الإِماء ، فلا يؤذين من جهة من فى قلوبهم مرض . قال بعض العلماء : وقد يقال إن تأويل الآية على هذا الوجه ، وصرفها على الحرائر ، قد يفهم منه أن الشارع قد أهمل أمر الإِماء ، ولم يبال بما ينالهن من الإِيذاء من ضعف إيمانهم ، مع أن فى ذلك من الفتنة ما فيه ، فهلا كان التصون والتستر عاما فى جميع النساء؟ والجواب ، أن الإِماء بطبيعة عملهن يكثر خروهجن وترددهن فى الأسواق ، فإذا كلفن أن يتقنعن ويلبسن الجلباب السابغ كلما خرجن ، كان فى ذلك حرج ومشقة عليهن ، وليس كذلك الحرائر فإنهن مأمورات بعدم الخروج من البيوت إلا لضرورة ومع ذلك فإن القرآن الكريم قد نهى عن إيذاء المؤمنين والمؤمنات جميعا - سواء الحرائر والإِماء ، وتوعد المؤذين بالعذاب المهين . انتهى كلام الشيخ حفظه الله وغفر لنا وله وارجو للجميع ان يتمهل فلا يرد ويقول ان ذلك مجرد كلام فهذا دينه الذى ارتضاه لنفسه في تفسيره وهو أمامكم بالحرف ويمكن الرجوع للتفسير الوسيط واما الحادثة الشهيرة فما رأها احد منا مصورة وانما هو نقل صحفي خبر والخبر تعريفه انه يحنمل الصدق او المبالغة فى بنات كتير بيلبسوه منظره و بس تلاقى البنت راسمة عنيها و لابسة عباية حرير و بتلمع أو كاشفة إيديها و ملونة ضوافرها أو لابسة مع الأسود ألوان لافتة للأنظار زى الأحمر و الفوشيا و غيره اوفقك على وجودهن ولكن كا ذكرت ليس ذللك بمبرر لهذة الحملة التي تلقفت الحادثة لتشن حرب مسعورة في جرائدهم ومجلاتهم وفضائياتهم التي تعاني ارتكاريا من كل ما هو اسلامي ولكن بخبث شديد وكأنهم يعرضو الامر بحياد بتهيقلى على جمعة برده ليه فتاوى عجيبة اظن يستحق لقب الشيخ ان لم يكن لعلمه فلسنه وهو اقل علما بكثير فيما اعلم من شيخ الازهر لكنه يجيد كسب الاعلام فى نفس الوقت الحكومة بتاخد أوامر من برا قول مرسل وهاسأللك وحملة الصحافة المسعورة المستقلة والفضائيات اللي وصلت الناس انه حرام وتخلف وعادة اليست اشد سخونة واثرا من الحكومة؟؟؟؟؟؟؟؟؟؟؟؟؟؟؟ |
ياأسيل انت بتقولى ماكنش فى راجل فى المعهد. طب شيخ الازهر نوعه ايه؟ اكيد راجل
ثانيا هو من اول ما تقلد منصب المفتى وهو يحارب النقاب وعمرنا ماسمعناه بيتكلم عن التبرج او بيع الخمور فى مصر او العرى الموجود فى وسائل الاعلام .....الخ لكن لانسمع منه الا كلمه ok لكل ماتريده الحكومه وبعدين خدى بالك المناصب الدينيه فى مصر بالتعيين مش بالكفاءه |
اقتباس:
اقتباس:
و بعدين إحنا مش منتظرين منهم قرارات حكيمة .. اللى بيحصل دلوقتى طبيعى منهم جداً و لازم مانتصدمش فى أى حاجة بتحصل اليومين دول .. خلى القافلة تسير و خلوها على الله |
| جميع الأوقات بتوقيت GMT +2. الساعة الآن 11:35 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.