إسطوانات المناهج التعليمية الجديدة معظمها لايعمل
 

السلام عليكم
حد جرب ياجماعة تنزيل إسطوانات المناهج الجديدة اللى أنتجها مركز التطوير التكنولوجى التابع لوزارة التربية والتعليم؟
دى إسطوانات هايلة وبتغطى معظم المناهج من أولى إبتدائى لغاية ثالثة ثانوى - كل منهج فى إسطوانة منفصلة تغطى تيرم واحد
حجم الإسطوانة يتراوح بين 150ميجا و500ميجا - ومتاح تنزيل الإسطوانة فى ملف واحد أو مجزأة

لكن المشكلة إن عدد كبير من الإسطوانات بعد تنزيلها لاتعمل
هى الحقيقة كل الإسطوانات لاتعمل - ولكن بعضها بعد تعديل بسيط ممكن تعمل
الشرح والتعديل موجود فى الصفحة الآتية
http://my2cents.gawaher.com/مناهج-وزارة-التربية-والتعليم-على-إسطو.html

عايز أعرف هل حد عرف يشغل كل الإسطوانات؟
أنا حاولت عشرات المرات وفشلت
الإسطوانات منفذة بإستخدام برنامج دايريكتور - بعضها إتعملت أيام ما كان دايريكتور من انتاج شركة ماكروميديا - وبعضها اتعمل حديثا بعد ما دايريكتور بقى تبع شركة ادوبى

أنا بعثت للدعم الفنى بتاع الوزارة لكن لم يرد أحد

الإسطوانات اللى فيها مشكلة بتفتح لمدة ثانية واحدة وتقفل لوحدها فورا
جربت مع Windows XP و Windows 7 لكن نفس المشكلة برضه
انا جربت مع Shockwave شوك ويف 8 و 9 و10 و11 لكن برضه نفس المشكلة
بعض الإسطوانات نجحت فى تشغيلها وهى بجد ررررائعة وتعليم تفاعلى جميل جدا والطلبة بيعشقوا المذاكرة عليها لإنها مشوقة وجذابة ومليئة بالأسئلة والتدريبات والتجارب التفاعلية وفيديو وشرح وتمثيل وتصحيح فورى لإجابات الطالب - بجد مجهود أكثر من رائع من الوزارة
عشان كدة حأموت وأعرف أشغل الإسطوانات اللى بتقفل بعد ثانية واحدة دى

حد وصل لحاجة ياجماعة؟
أرجو الا يكون ده خبر جديد بالنسبة لحضراتكوا - دى تبقى كارثة لو كنتوا اول مرة تسمعوا عن الإسطوانات دى ..
مش معقول - صح؟

أرجو يكون الرد السنة دى - مش بعد الولاد مايتخرجوا
يارب يامسهل

ده انا كنت باهزر
هو انتوا فعلا بتردوا بعد كتير كده؟
الو.. الو..
هو فيه حد فى المنتدى دة؟
وللا قفلتم وللا ايه؟

أستخدم نظام وندوز 7
قمت بتحميل
كل اسطوانات أول إعدادى
ثانى إعدادى
ثالث إعدادى
ثالث ابتدائي
خامس ابتدائي

عدد الاسطوانات التى قمت بتحميلها = 11 اسطوانة

جميعها تعمل بدون مشاكل

" بالراحة شوية على الناس "

ويعني هو دة ذكاء من العاملين على الموقع انه لازم يكون لدي كل منا ويندوز 7

انا امتلك مساحة رفع مباشر خاصة واحاول منذ اسبوع تحميل هذه المناهج لإعادة تحميلها بروابط مباشرة ولكنني لم اتستطع تحميل ولا حتي منهج واحد لأنني اجرب التحميل غصب عني في وقت النهار مع العلم اني سرعة الإنترنت لدي 4 ميجا

إن كان احدا من الأخوة يمكن يساعدني في التوصل لهذه المناهج حتي استطيع ضبطها ورفعها مرة اخري على وابط مباشرة تخدم الجميع باذن الله يكون جزاه الله خيرا ....

وللعلم أنا كمان راسلت الدعم الفني للموقع لكن يبدو انه لا يوجد احد ينظر في هذه الرسائل

شكرا وجزاكم الله خير

أستاذنا الفاضل
فى العلم أنا عندى ويندوز xp وويندوز فيسيتا .
جميع اسطونات الموجودة بالموقع تعمل ولا يوجد بها أى مشاكل نهائياً
ومش محتاجة أى برامح مساعدة ولا يهم هيا معمولة بأى برنامج
وأنا جربتها فى جهازى الخاص بى فى منزلى
وجربتها فى جهاز المدرسة
أما بالنسبة لتحميل الاسطوانات الآن فهو يعد مهمة صعبة بسبب دخول كل مدارس الجمهورية لتحميلها أيضاً فى نفس الوقت.
وكذلك يتم تسجيل غياب العاملين والطلاب بصور يومية على نفس السرفر الخاص بالوزارة من الساعة 8.00 صباحاً وحتى الساعة 4.00 عصراً يعنى ربنا يكون فى عون اللى بيحمل فى هذا الوقت.
حاولتحمل الإسطوانات مرة أخرى بد هذا التوقيت أى فى المساء
اما المناهج الموجودة داخل الاسطوانات فهى جيدة جدا مقارنة بما سبقها من برامج داخل المدارس.
وشكراً

الأخوة الكرام
الاسطوانات تعمل لدي بكفاءة

وتم إنشاء اربع موضوعات خاصة بتحميل الاسطوانات بروابط مباشرة وغير مباشرة للمراحل الثلاث

كما تم إنشاء موضوع لحل مشكلات تشغيل هذه الاسطوانات من هنا
http://www.thanwya.com/vb/showthread.php?t=161229

انا جربتها وهي تعمل فعلا لكن يوجد في بعض المراحل التعليمية مثل 2 اعدادي لا يوجد غير اللغة الانجليزية اين بقية المواد

اخى الكريم
فى البداية تعلم ان السطوانة بتكون على اجزاء فحضرتك تنزل كل الاجزاء بتاعتها وتضعها معا ً فى مجلد واحد
وطبعا الملفات بتكون مضغوطة (رار rar ) ما عليك الا ان تقوم بفك الضغط عن ايى واحد من هذه الاجزاء (واحد فقط )
يظهر لك مجلد به مجموعة ملفات التشغيل لكل الاسطوانة
وانا جربت الطريقة دى مع اسطوانت الرياضيات والعلوم للصف الاول الاعدادى
وبعدين حاول تنزل الملفات بتاعة الاسطوانات دى من اى موقع اخر غير موقع الوزارة عشان تتلاشى بطء التحميل والزحام على موقع الوزارة
ارجوا ان اكون اوضحت واسف على الاطالة

يا ريت الاسطوانات حد يرفعها لينا على اى موقع رفع زى الناس

السلام عليكم و رحمة الله و بركاته
الاسطونات شغالة !!!
انا حصلت نفس المشكلة في تشغيل الاسطونات بس عرفت الخطأ كان فين
اتبع الخطوات التالية في تحميل الاسطونات عشان تضمن انها هتشتغل صح
1- حمل الاسطوانة بدون برنامج للتحميل مثل ( Download Manager,.......)
2- فك الضغط ببرنامج Winrar
بس و إن شاء الله هتشتغل صح

احب اقول معلومه وانا جربتها مع احدى اسطوانات الصف الاول الابتدائى وهى انك تفتح الملف المضغوط ولا تقوم بفكه ولكن مجرد فتح ثم تقوم بالضغط على كلمه معالج وهى نفعت مع بعض الاسطوانات ولكن هناك البعض الاخر تالف تماما