|
حب جد
كان حلمنا فى كل يوم
إزاى نشوف بعضنا وازاى يدوم حُبنا وازاى نخلِّى لُقانا صُدفه وهو قََصد وازاى يكون هوانا جَد وازاى نِعد ساعات فُراقنا واشتياقنا اللى مالهوشى حَد وازاى نِمد البسمة حَبل شادد قُلوع الحُب شَد كاتبين على قلعُه حروف وحروف حبيبتى مالهاشى عَد دلوقتى أصبح طريقنا سَد دلوقتى تاهت مركبى فى بحور غريقه مافهياش حَد وانتى الدليل والليل طويل وعنيكى نور قايده بحور الكون دا كله بتهدى حِيرتى وتمد جوه البحر يَد تاخد بايدى دلوقتى أصبح حلمنا مش حلم واحد مش درب واحد مش قلب واحد أصبحتى لما بتشوفينى تهربى وتقفلى كل الببان وتقتلى الشوق كمان وتزودى البعد صَد وكل أملى إنى أفضل جوه قلبك وكل أملى إنى اعيش واموت بحُبك وكل أملى إنى انى اعيش عمرى بقُربك وكل أملى إنى انى اكون حرف بيطلع فى الكلام من بين شفايفك والسلام وكل أملى إنى افضل للنهايه نفسى اقولها بس خايف نفسى اقولك: مليون بحبك حُب جَد الشاعر محمد على |
يا كل أصدقائى وأحبابى
سامحونى لغيابى بحبكم حب جد |
اقتباس:
السؤال الآن أيها الشاعر والذي يفرض نفسه أنت تحب حباً جداً وكان أملك أن يبقى في طريق النور والجد ولكن هل الطرف الآخر كان يريد ذلك أم أنك بالنسبة له مجرد احتياج أشبعه أو جرب إشباعه أم أنه لم يفكر في تحويل حبه إلى مساره الصحيح؟ كفاك حلماً أيها الشاعر أفق هو خير لك من الأمل الواهم أنا أخاطب قصيدتك ولا أخاطب شخصك يا شاعرنا الجميل أحبك وبجد وحشتنا |
دا مش حلم يا محمد يا على باين عليه كابوس. كل الحبيبة كدا يتمسكنوا حتى يتمكنوا . فضلتوا تحلموا سوى و تتقابلوا عن عمد على إنها صدفة و الميعاد مترتب. و بعدين .....
دلوقتى أصبح طريقناسَد أنا معرفتش السبب.. يا ريت كنت توضحه ... أو يمكن السبب لم تذكره لعدم ضعف المعنى ...ماتعودتش منك تكون حبيب ضعيف كدا إيه إللى جرالك... و ساعات ألاقيك جامد دلوقتى أصبح حلمنا مش حلمواحد مش درب واحد مش قلبواحد أصبحتى لما بتشوفينىتهربى وتقفلى كل الببان وتقتلى الشوقكمان وتزودى البعدصَد هنا التناغم و الموسيقى و هات و خد و القط يعشق خناقه...لكن ترجع تانى لأ أربع مرات " و كل أملى " " إنى إنى" أنا توقعت فى النهاية تكتب نقط ...... كما قال نزار " تموت الحروف حين تقال " بالرغم من قوة العمل من الناحية الفنية و التركيبات و الصور الجميلة .. بس باين عليك قلبك لسه أخضر قوى و مش قادر أكتر لأن فيه حاجات أخونا نجم قالها لعدم التكرار |
تحية احترام وتقدير لحضرتك
اقتباس:
استاذي الشاعر محمد علي ايه المفاجئه الحلوه صار كتير ماشفنه لحضرتك قصيده وليه نستغرب ده شهر .......اكتوبر شهر المفاجئات ...... قصيده بجد قويه ولا القنبله الذريه وصعب علي اعلق عليها وقد سبقني فطاحله في الشعر كل اللي اقوله قصيده رائعه من شاعر رائع ومبدع الحب هو الحب فيه حب جد وحب مش جد ؟ او حضرتك تقصد الحب الصادق رائع ومبدع ديما تقبل تحياتي وتقديري واعتزازي اختك نغم |
وكل أملى إنى أفضل جوه قلبك
وكل أملى إنى اعيش واموت بحُبك وكل أملى إنى انى اعيش عمرى بقُربك وكل أملى إنى انى اكون حرف بيطلع فى الكلام من بين شفايفك طبعا كالمعتاد رائع |
القصيده بجد
جامده جداااا بجد مش هزار قصيده رائعه كما تعودنا من الشاعر محمد على وكلماتها رائعه ومعانيها وخيال الشاعر البعيد والصور الفنيه فكانه يرسم بالكلمات لوحه تعبيريه شادد قُلوع الحُب شَد كاتبين على قلعُه حروف وحروف حبيبتى مالهاشى عَد دلوقتى أصبح طريقنا سَد دلوقتى تاهت مركبى فى بحور غريقه مافهياش حَد |
يخبرني أني تحفته وأساوي آلاف النجمات و وبأني كنز...وبأني أجمل ماشاهد من لوحات يروي أشياء تدوخني تنسيني المرقص والخطوا ت كلمات تقلب تأريخي تجعلني امرأة في لحظات يبني لي قصرا من وهما وأعود..وأعود لطاولتي لاشيء معي ...الا كلمات تسلم يمناك قصيده روعه |
إقتباس من رد أستاذى الغالى أحمد نجم:
السؤال الآن أيها الشاعر والذي يفرض نفسه أنت تحب حباً جداً وكان أملك أن يبقى في طريق النور والجد ولكن هل الطرف الآخر كان يريد ذلك ؟ ليه الأسئلة المحرجة دى بقى؟ هاتخلينى أجيلك برضه أسألك عموما وهل تعلم ما بداخل القلوب؟ كم من حبيب أقسم بأنه لا يطيق فراق محبوبه ثم نراه يعيش بعد فراقه سعيداً متناسياً وكم من قرين يتوعد نفسه بالموت لو فارق فرينه ثم نراه يعيش عيشة السعداء ولكن ممكن الإجابة تكون بطريقة اخرى كل طرف يقول انه يتمنى ان تكون العلاقة فى طريق الجد والنور أم أنك بالنسبة له مجرد احتياج أشبعه أو جرب إشباعه أم أنه لم يفكر في تحويل حبه إلى مساره الصحيح؟ كفاك حلماً أيها الشاعر أفق هو خير لك من الأمل الواهم أنا أخاطب قصيدتك ولا أخاطب شخصك يا شاعرنا الجميل أحبك وبجد وحشتنا إنت اللى وحشتنا يا نجم ياريت تتصل بى ضرورى علشان عاوزك ممكن؟ |
وازاى نِمد
البسمة حَبل شادد قُلوع الحُب شَد كاتبين على قلعُه حروف وحروف حبيبتى مالهاشى عَد رااااااااااااااااااائع أنا بتعجبنى جدا تعبيرات وصور حضرتك تسلم إيديك أستاذ كبير وهنفضل ديما نتعلم منك دمت مبدعا ربنا يوفقك |
اولا سوري لاني مش بعرف اتكلم ف الحب عذرا ثانيا الحلم مجرد وقت لحظات لا تعد ولكن مع الحب ف الحلم كالنزوة لانك تتخيل .. ترسم ... ولكن لا واقع لا بر للوقوف عليه كلماتك بجد جميله جدا ي استاذي بجد الله ينور بس مش كفايا حب بقي حضرتك كل يوم .. هتحب امال احنا هنعمل ايه ؟؟!!! دا مش حقد .. ولكن غيره وياريت مش تغيب عننا تاني اصل الحب بيزعل |
اقتباس:
أشكرك يا عمنا وربنا يزيدك كلام جميل ورباعيات أجمل |
لما ارك يا صديقي حزينا وقد فارقت كلماتك فرحتها المعتادة كلماتك تعبر عن حزن يفيض من بين الحروف ما اعلمه عن الحب انه يضفي على اصحابه قوة سحريه عودتنا ان نجد معك الامل ونجد معك لحظات الفرح في اللقاء والشوق والحنين ننتظرك في قصيدة اخرى من روائعك الجميلة وننتظر فيها نفس الشاعر الذي ادمع اعيننا ان يكسبها بريقا من الحب والحياه وفرحة الشوق واللقاء |
طبعا بعض الأساتذة الكبار الأستاذ نجم أستاذى و الأستاذ سيد أيضا أستاذى
و بعد كلام المشرف السوبر و الشاعر السوبر و الأخ السوبر أحمد شوقى و بعد كلام نغم الابداع فى القسم أختى نغم و بنت الإبداع اختى بنت الريف مفيش كلام أدبيا أقدر أضيفه و خصوصا إن القصيدة لأستاذى محمد على الحقيقة هكتفى بالقول بأنها درة و لؤلؤة تضاف إلى كنز الابداع الذى أهدانا إياه أستاذى محمد على دمت بود |
منقول من رد الأخت نغم:
استاذي الشاعر محمد علي ايه المفاجأه الحلوه صار كتير ماشفنا لحضرتك قصيده وليه نستغرب ده شهر .......اكتوبر شهر المفاجئات ...... قصيده بجد قويه ولا القنبله الذريه وصعب علي اعلق عليها وقد سبقني فطاحله في الشعر كل اللي اقوله قصيده رائعه من شاعر رائع ومبدع الحب هو الحب فيه حب جد وحب مش جد ؟ * نعم الحب هو الحب لا فيه حب جد ولا حب مش جد ولكن يا أخت نغم تعتقد كثيرات ممن أحبهن المحبون أنه حب يضيع وسط الزحام أو يموت مع الأيام أو يفنى بالبعد أو يزول بالفراق وأنا اقول لها أقصد لمن تعتقد ذلك أن حبى لها حب جد أى لا يضيع مع الأيام ولا يمر مرور الكرام أقول لها (نفسى اقولك :مليون بحبك حب جد) ==== او حضرتك تقصد الحب الصادق رائع ومبدع ديما تقبل تحياتي وتقديري واعتزازي اختك نغم == أشكر مرورك يا أخت نغم دومتى ودامت كلماتك الشاعر / محمد على |
| جميع الأوقات بتوقيت GMT +2. الساعة الآن 03:56 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.