|
لو سمحتم مشرف للاعضاء *الجدد*
السلام عليكم
لو سمحتم دلوقتى الاعضاء الجدد محتاجين الرسايل الخاصة بس لقيت اعضاء مشاركاتهم = صفر وعلى الخاص قرفونى جامد ده منتدى تعليمى كل ما حد يكلمنى زهق كتير اميلات بتوصل وكلام مش ظريف خالص خالص المرة اللى فاتت اضطريت ابلغ مرتين وكانت لسة بتوصلني رسايل والحمد لله حد سكته لو سمحتم مش تمنعوا الخاص عن الجدد بس ياريت يكون مراقب للاعضاء الجدد عشان اى حد يستظرف يتصرف معاه من غير ما يضايق الاعضاء انا داخلة اتعلم مش اتعرف*فرق اخر حرفين فرق شاسع* عشان كل شوية اهزأ ناس كتير ومش هينفع كل شوية كدة سورى على عصبيتى |
لا ولا يهمك معاكى حق تعملى اكتر من العصبية عمتا
والله هو الموضوع كان مطبق من زمان العضو مينفعش يبعت رسايل قبل ما توصل مشاركاته 50 مشاركة انما حاليا بقى ممكن عضو مخنوق من مشرف بيدخل يعمل عضوية جديدة ويدخل يبعتله رسالة كلها سفالة وقلة ادب ده غير طبعا رسايل التعارف اللى بتبعت للعضوات وغيره وغيره يعنى حسبى الله ونعمة الوكيل فى اللى كان السبب |
اقتباس:
|
هى فعلا حاجة تضايق ان شاء الله يلاقو حل للحكاية دى
لان فى ناس يامة اشتكت من الموضوع دة ربنا يقدم الى فية الخير |
يا ستي نفضتي
ولا كإن حد بعتلك حاجة :d هو لو اتقفلت الرسايل للجدد حتبقى كويسة اه أكيد محدش حيبعت اول ما يخش المنتدى جديد بس خلوها مثلاً على 10 مشاركات او 20 في ناس بتحب تستفسر ومش بتكون مشاركة في مواضيع كتير زي ما قلتلك يا تبلغي ولو زهقتي نفضي ممكن متفتحيش رسايل حد غريب اصلاً :) |
اقتباس:
ممكن لو ينفع يقفلوها لحد 50 مشاركة بس تبقى مفتوحة للادارين بس يعنى لو عندهم استفسار يبعتوا للادارين ( المشرفين لاء :d ) بدل ما الواحد زهق من كتر ما بيقول ( ليك/ى نفس توقف/ى حد :d ) |
ياجماعة الاقتراح ده كنت اتكلمت فيه قبل كده
واتاخد عليه موافقة جميع الاعضاء وفعلا اتنفذ ومكنش ينفع اى عضو يبعت رسالة الا بعد ما توصل مشاركاته 50 مشاركة وكان الهدف اننا قولنا 50 مشاركة ان العضو اللى هيكون داخل يتعرف استحالة انه هيصبر لغاية 50 مشاركة علشان يبعت يقول ممكن نتعرف ؟ انما لما بتوصل مشاركاتك 50 حتى لو داخل على انك تتعرف فاكيد هتاخد على الجو هنا وهتبتدى تتكيف مع الاعضاء وبدل ما هتبقى داخل علشان تتعرف المنتدى نفسه هيكسب عضو بدل ما كان داخل علشان فاكر المنتدى شات يتعرف فيه هيعرف انه ممكن يدخل فى حورارت ومناقشات ويفيد ويستفيد من غيره وكده المنتدى نفسه هيستفيد وهيكسب عضو ده بجانب طبعا ان قولنا فى ساعات ناس بتدخل تعمل عضويات علشان تبعت للمشرفين او الاعضاء لو في بينهم اى سوء تفاهم يشتمه فيهم ومتفرقش معاه لما العضوية تتوقف لانه يقدر يعمل غيرها ويدخل يشتم برضه ياريت الادمن ياحاول يرجع هاك ال50 مشاركة من جديد لمكانية ارسال الرسايل للاعضاء لان لو اخدنا كل حاجة بايجابيتها وسلبياتها هنعرف ان عملية اغلاق الرسايل حتى عدد معين ايجابياتها اكتر من سلبياتها شكرا |
اقتباس:
|
اقتباس:
كابتن صحيح يعني ايه هاك :d المشكله انهم دايما بيقولولنا لو اتركب هاكات الموقع حيقع الموااقع دي بقت بتستعبط اوي ع فكره المفروض تستحملوا كدا وخلاص بقي :d وكحل مؤقت يعني لو حضرتك اتبعتتلك رساله تعملي تجاهل للعضو وتبلغي عنه لحد ربنا ما يفرجها :d |
اقتباس:
هو حضرتك متعرفش السيرفر عنده حساسية ازاى:( ربنا يشفيه هو الحل الوحيد التجاهل عادى كانه لم يكن وهم هايزهقوا ومش هايبعتوا لان الكلاب بتتعب من الهوهوة وبتسكت وركزى انت فى مذاكرتك عاوزين تفوق وربنا يوفقك ياقمر وجزاكم الله خيرا |
هو ليه الكل معترض على كلمة هاك ؟
هى كلمة (هاك ) دى كلمة عيب ولا قبيحة لا سمح الله مش عارف اقول ايه يعنى احنا على اعتاب عام 2010 ومش عارفين نركب هاك لينا حق فعلا ناخد صفر المونديال :d وكنا عايزين ننظم كاس العالم :d |
اقتباس:
وكل شوية حد يكلمك على اى حاجة عضو جديد ومش عارف يتصرف فى الموقع *على اعتبار ان حضرتك مشرف وهتدخله القسم اللى يعجبه* او عايز حاجة ضرورى والله بس ده ايميله بس او يبعت لحضرتك كلام مش تعرف معناه ويشرفه انه يقولك معناها على الميل ولما تسأل حد تلاقيه سورى *كلام وحش خالص* ومش فارق معاه انه يتهزأ او يتزعق له بلغت مرة واتنين المشرف مشكور حذره بس خلاه يشوف كلامى وانه زعلان منى اوى لانى قلت عليه *عضو غير محترم* لو عضو جديد ومحترم بساعده على قد ما يقدرنى ربنا او اقوله على حد يساعده اكتر منى لكن الاستظرفات دى مش هتنفع خالص على الاقل يبقي عنده كام مشاركة بس يعرف بيهم انه يدخل يتعلم او يقعد باحترامه لان ما شاء الله عنده نفس طوبل *"او وقت فاضي ورسايل كتير* يفضل يبعت ومش بيزهق ياريت الادمن يقرا ولو رسالة واحدة او يرجعها بعد 10 مشاركات على الاقل شكرا لحضراتكم جزاكم الله الجنة |
اسف لتدخلي لكن يمكن اقول حاجة تفيد الناس
اولا اي حد يقدر يلغي خاصية الرسائل الخاصة دي من عنده عن طريق التالي لوحة التحكم تعديل الخيارات http://www.thanwya.com/vb/life/butto...apse_thead.gif المراسلات / التذكير لرسائل الخاصة تفعيل استقبال الرسائل الخاصة شيلي العلامة من جنب الكلام دا واحفظي التعديلات الكلام دا اي عضو عادي يقدر يعمله الكلام الجي بقي للادارة "متقرهوش احسن موش هفهموا حاجة :d" وطبعا الكلام دا لو الادارة هتسمح بالهاكات في هاك بيراقب الرسائل الخاصة بشكل عام يعني اي رسالة من اي عضو الي اي عضو هتبقي موجودة في اندكس لوحة تحكم الادارة وع حد علمي انه ملوش استعلامات ولا اي شئ ياثر علي المنتدي"عموما ممكن تسال الدعم الفني واكيد هما احسن مني" وفي هاك تاني متخصص شويا يعني الادارة تبقي شاكة في اعضاء معينين ف بتختارهم واي رسالة منهم بتبعت للادارة نسخة منها يا رب اكون قدرت اساعد تحياتي |
اقتباس:
على يمينه الولد وعلى شماله البنت وهو عارف انه الاتنين بيكتبو وفاهمين بس برده بيروح يسأل البنت :d فاللى عايز يستفسر في ميت واحد مناسب للاستفسار وأكيد حضرتك مادام بتقولي مش فارقة معاه تهزيق لأنه داخل تجربة مش حيخسر منها حاجة فانتي عارفة هو داخل اصلا ليه برده اقولك تاني التنفيض ممكن الكلام اللى في الرسالة يدايقك بس كوني على يقين إنه عدم الرد عليها أكثر استفزازاً |
رسالة صغيرة للادمن واحتمال يرد ويركب الهاك بعيدا عن السامعين زى ما قلنا قبل كدا مفيش ولا هاك يمين ولا هاك شمال ودا بيؤدى الى تخلخل خط الوسط فى نادى الزمالك هو الزمالك هينزل درجة تانية من قلبل :d يا جماعة الحل فى ايد الادمن |
| جميع الأوقات بتوقيت GMT +2. الساعة الآن 09:24 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.