آخر ميعاد لتسليم استمارات المعلمين المساعدين
 

وصل فاكس للمديريات التعليمية اليوم يفيد ان آخر ميعاد لتسليم استمارات التقدم لاختبارات المعلمين المساعدين هو يوم 26 / 10 فى الوزارة..

وهذا معناه ان آخر يوم للتسليم فى الإدارات يوم السبت أو الأحد 25 / 10 .. حيث سيسافر مندوب من كل محافظة لتسليم الاستمارات يوم 26 / 10 بالوزراة..

لذا على كل المعلمين المساعدين الإسراع فى التقديم وتنبيه زملائهم بهذا الميعاد

عدى على موقع الاكاديمية واطبع الخبر اللى مكتوب فى اخر الصفحة

http://academy.moe.gov.eg/


واذهب بها إلى قسم الإحصاء بالإدارة.. ولو محدش اخدها منك حط الورقة فى وشهم وقولهم انا هاتصل بالوزارة واقولهم على المهزلة اللى بتحصل دى..

انا مش فاهم والله سايبين شوية حمير فى المديريات والإدارات مش فاهمين اى حاجة فى اى حاجة..
والله المفروض الناس دى تتعدم ويجيبوا غيرهم ناس فاهمة صح

يا ربت يا جماعه تبلغوا كل اللى تعرفوهم بالميعاد ، لأن فيه ناس كتير لسه مقدمتش استماراتها ونايمين فى العسل

انا عايزة اعرف ازاى اطبع الكشف اللى فيه اسماء المدرسين المتعاقدين اللى هيمتحنوا عشان قسم الاحصاء طلب منى الكشف ده وقالى اطبعه من على النت بس لما دخلت على الموقع بتاع الاكاديمية وكتبت بيانات المدرسة مفتحش اى حاجة
اعمل ايه ؟؟؟؟؟؟؟؟؟؟؟؟؟؟؟؟
حد يقولى

طيب انا الموقع كل ما ادخل واكتب الكود والرقم السرى يقولى ليس لك صلاحية للدخول اعمل ايه حد يساعدنا ربنا يكرمكم

احنا اتصلنا بالوزراة والاكاديمية بسبب جملة ليس لا صلاحيات الدخول وردوا علينا قالولنا انهم بيسجلوا المعلمين على مراحل وجربوا كل شوية هاتفتح معاكم ان شاء الله

جربى كل شوية وان شاء الله هاتفتح معاكى

واللى مش هيسلم الاستماره دى هيحصل ايه يعنى

مش هايطلعله رقم جلوس..
وبناءا عليه مش هابعدى اختبارات اكتوبر..
وبناءا عليه مش هايتثبت مع ال 80 الف معلم الذين سيتم تثبيتهم ان شاء الله بعد نجاحهم فى الاختبارات..

بسيطة خالص الحكاية

أنا فى البحيرة وقالوا إن أخر ميعاد هو يوم 10/10/2009 ومش عايزين يقبلوا الورق تانى أعمل ايه؟؟

الكلام ده قبل ما الامتحانات تتأجل ل 20 / 11
اكيد مادام الامتحانات اتأجلت هايمدوا الفترة ان شاء الله