عاجل لمن تأتيهم رسالة ليس لديك صلاحية الدخول للمعلمين المساعدين
 

والله ما تقلقوا يا شباب أولا عليك بالتوجه سريعاً إلى إدارتك - قسم الاحصاء ومعك ايصال تقديم الاكاديمية وصورة البطاقة الشخصية وعليهم أن يقوموا فورا بتسجيلك لان دي مسئوليتهم ومحدش يقلق بس لازم تتوجهوا للادارة قورا وممكن تكون الادارات شغالة مساء على فكرة علشان الموضوع ده وانا بنفسي خدت بيانات زملائي المتعاقدين وسجلتها اليوم ونا بقولكم ما تقلقوش لان ما تخافوش من حكاية اخر ميعاد لاني اتعرضت ليها كتير مع هذه الوزارة الغبية والاكاديمية الاغبي لان دي مسئوليتهم وهما بيعرفوا يهربوا من المسئولية ازاي فوالله ما تخافو بس اطلعوا على الادارة قسم الاحصاء لاني عملت الورق بتاع زملائي فعلا والمفروض عليكم برضه تهتموا بالذهاب الى الادارات

جازاك الله خيرا

طيب والى مسجل بيانتاته من زمان ومعاه الكود والسرى ولحد دلوقتى بيقولى ليس لك صلاحية الدخول
يعمل ايه...........................؟؟؟؟؟؟؟
الموضوع فيه حاجه كبيرة محدش فاهمها
يا ريت الى يعرف اى حاجه جديده يبق يقول او اى حد كان بيقوله ليس لك صلاحية وفتحت معاه يقولنا على طول

أنا قبل ما ادخل امتحان كادر مايو كنت داخل عشان اطبع الاستمارة وجت لى الرسالة بتاعة ليس لك صلاحية الدخول فاتصلت بالخط الساخن بتاع الاكاديمية وقالوا لى ها نحل لك المشكلة لان دى مش عندك لوحدك وحاول تدخل كمان يومين وفعلا فى نفس اليوم جيت ادخل على الموقع بالليل فتح معايا وطبعت الاستمارة فا اللى عندة مشكلة يتصل بالخط الساخن بتاع الاكاديمية هذا واللة اعلم

ممكن الى فتحت معاه يقولنا هو محافظة ايه...........؟؟؟؟

انا من المنصوره مركز بلقاس ولى زميل حتى الان تظهر له عبارة ليس لك صلاحية الدخول والله العظيم عمل الاتى 1- ذهب للاداره التعليميه ببلقاس
2- ذهب للمديريه فى المنصوره
3- ذهب للاكاديميه فى دمياد
4- والله العظيم اليوم كان فى مقر وزراة التربيه والتعليم فى القاهره
كان الرد واحد فى جميه الاماكن ان الاكاديميه بتسجل الاسماء وفى خلا ل يومين هتظهر جميع الاسماء اما بالنسبه لاخر موعد قالو مفيش حاجه اسمه اخر موعد وانم جميع ارقام الجلوس بتنزل فى كشف من الاكاديميه بس برده اللى يخلص الاستماره يروح يسلمها فى قسم الاحصاء

على فكرة ياجماعة انا كانت بتظهر لى ليس لك صلاحية الدخول
بس الحمدلله طبعت الاستماره النهارده الساعة 11 صباحا
اخيرا بعد طول انتظار واتضح فعلا انهم بينزلوا فى الاسماء لسه على الموقع

هذا رقم تليفون الخط الساخن لمتابعة حالات ليس لك صلاحية الدخول و للاستفسار 19126

وأنا فعلا فتحت الصفحة معايا النهاردة بس بعد تعديل إعدادات الطبعة بتطلع في صفحتين اللي عنده الحل يا ريت يقولي
وجزاكم الله خيرا

حاول استخدام انترنت اكسبلورر 6

تم رفع أسماء جديدة اليوم الاثنين 26/10 الساعة الواحدة ظهرا

إعدادات الطابعة
 

أولاً : بالنسبة للنت فى خيارات واعدادات معينة وهى
1 - من قائمة tools قم باختيار الاختيار الاخير internet options ومن التبويب privacy تأكد من ان المربع اللى جنب block pop-ups ليس بجواره علامة صح
2 - ومن نفس القائمة ايضا toolsونفس الاختيار internet options اختار التتبويب security ثم اضغط على custom level ثم قم باختيار الاختيار ( Enable ) فى كل ما يختص بــ Activeex

( على فكرة يا أستاذى دى تعليمات الطباعة من على موقع الأكاديمية وليست اجتهادات شخصية ، وأنا دائماً أطبع من على الموقع بعد تلك التعديلات )

3 - عند طباعة اى شىء من على الموقع اطبع من خلال جملة الطباعة المكتوبة ( مثلا اضغط لطباعة الاستمارة ) او اضغط للطباعة وليس من خلال قائمة file واختيار print

أرجو أن أكون قد وفقت فى الرد وإن لم أفهم ما تقصده فتقبل اعتذارى

طب يا جماعة الي كل بياناته صح ماعدا ان امتحان التخصص في مادة تانية يعني التخصص اصلا علوم و الامتحان و الكود بتوع التخصص دراسات دا بيتعدل منين ؟؟ من الاحصاء في الادارة ولا في الاكاديمية؟؟ و اخر ميعاد لتسليم الاستمارات يوم ايه؟؟ رجاء افيدوني