|
<div align="center">مش عارف ان كانت كلمه بحبك دى سهله
او ان اى حد يقولها او فى اى وقت ولاى حد من غير ما يعرف يعنى ايه الكلمه دى؟؟ وايه معناها الشعر ده انا بهديه لواحد من اعز اصحابى وكنت اتمنى انه ما يحصلش بس الحمد لله والانسان بيتعلم خلاص هنتفارق * * * وخلاص هتسبينى ومعدتش معاكى فارق * * * وخلاص هتودعينى ونسيتى اللى مابينا * * * ونسيتى انك وعدتينى وخلاص هنت عليكى * * * وخلاص هتسبينى ----------- الحب هيروح هدر * * * قلبك لقبى غدر يمكن مكتوب قدر * * * انى اعيش فى عذاب --- وقرار قلبك صدر * * * حكم على قلبى وامر جاية وبتقولى * * * مينفعش نبقى احباب وخلاص هنتفارق والله كان نفسى نكمل * * * طب كنتى قولى م الاول كنت اعرف طبع غدرك * * * والطبع فيكى غلاب --- بانت حقيقة قلبك * * * وقرارى هو بعدك وكمان انا رافض طلبك * * * اننا نبقى اصحاب وخلاص هنتفارق خلصتى كل الكلام * * *وهفوق من الاحلام كلها كانت اوهام * * *مش اكتر من سراب --- حكاية زى الافلام * * * راحت *وهبص لقدام واخر كلامى سلام * * * من غير حتى عتاب</div> |
ربنا يكون فى عون صاحبك </span>
بجد كلام جميل كلام معقول ماقدرش اقول حاجه عنه شكرا يامان <span style="color:#CC66CC">انا قصدى اكتب يامان احسن تفتكر انى كنت هاكتب مازن وغلطت :P :lol: |
شكرا يا حبيبى
وتسلم على الرد والمرور |
الله عليك يا مازن جميله اوى
ربنا يخليك لصاحبك يا عم سلالالالام |
الله عليك يا مازون يا حبيبي
بجد جميلة قوي وانا قلت رأيي أول واحد تقريبا :wub: ودا شرف كبير ليا اني اكون اول واحد اشوف العمل الجميل دا اللي بجد ينفع يكون اغنية جامدة قوي قوي |
تسلم يا دكتور كلكول على المرور
وعقبال مكتبلك انت كمان :blink: :blink: :o :o ههههههههههه والله احرجتنى يا برى :wub: :wub: :wub: :wub: :wub: :wub: :wub: وانا ليا الشرف انك تقول راى زى ده ىيا حبيبى بس انا بكتبه لازم يكون حصل وانا لازم الحاجة اللى بكتبها دى بحسها يعنى مش بكتب لغرض انا بكتب حاجات بتحصل وانا بجد نفسى كنا نعمل عمل مشترك انا وانت |
حلوه اوى يامازن
وربنا يكتر من اصحابك علشان تكتب بس مش فراق منتظرين القادم بس بسرعه |
لا يا مازم حلوة اوى انا بردة شيفاها اغنية جامدة
|
الله ايه الكلام الرائع ده
ميرسي اوي اوي اوي كلام حساس جدا الي الامام دائما متحرمناش من الكلام ده ابدا بس بلاش غدر وخيانه وبعد والنبي غير بلييييييييز :lol: :lol: :lol: |
لالالالالا بجد جميلة ..جامدة .
احساس صادق وكلمات لها معنى جميل يتحس .... شكرا مازن ويا رب اشوف الجاي واللي بعده ........الخ ... |
جامده اوووى يامازن
مش ملحظين ان المنتدى مليان مواهب محدش فكر يبعت قصيدة او ابيات شعر وزجل لاى جريدة يمكن حظه يضرب ونقراله حاجة فى الجريدة بلد بتاعة وسايط صحيح شكرااا يامازن مرة تانيه |
الله عليك وعلى كلماتك الجميله يا ميزو
|
جميلة يا مازن والى الامام :)
|
:wub: :wub: :wub: :wub: :wub: :wub: :wub: :wub: ربنا يخليكو ليا يا جماعة اشكركم اوى اوى على المرور والردود اللى تشجع دى **دكتور كلكول** محمد البري***ميمى**_THE_SAD_SMILE_**loza99**mody rose**المرشد** lovefalcon_story**مغترب وبس** ولازم اشكر نفسى على الحاجات الجميله اللى بقدمها دى انا مش عارف بس من غيرى كنتوا هتعملو ايه ربنا يخلينى ليكو وميحرمكوش منى والله يسامح اللى انا كاتبله الشعر ده ويكون فى عون اى حد ينجرح |
| جميع الأوقات بتوقيت GMT +2. الساعة الآن 04:53 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.