بوابة الثانوية العامة المصرية - للمعلمين المساعدين اللى ملهمش فى الانجليزى خالص

بسم الله الرحمن الرحيم

هذه بعض الملاحظات الهامة فى اساسيات اللغة الإنجليزية التى لن يخلو منها اختبار الاساسيات فى اللغة الإنجليزية للمعلمين المساعدين يوم 20 / 11 / 2009 ان شاء الله.

( توضيح : هذه الملاحظات للمبتدئين فى اللغة الإنجليزية – يعنى لللى ملهمش فى الانجليزى خالص )

والبدايات اللى هابدأ بيها دى هى الازمنة فى اللغة الانجليزية.. وهى أصعب شئ فى قواعد اللغة الانجليزية.. يعنى نحاول نركز معاهم شوية.. وماتقلقوش من اللى جاى بعد كده سهل جدا ان شاء الله.. انا قولت نبدأ بالصعب الاول وبعدين نسيب السهل فى الآخر نتسلى عليه ان شاء الله.. يلا نبدأ :

1- اذا وجدنا فى جملة السؤال tomorrow أو next أو in the future نختار من الاختيارات الاختيار الذى به كلمة will.
مثال :

I ………. football tomorrow.
a) played b) plays c) will play d) play

*********************************

2- اذا وجدنا فى جملة السؤال yesterday أو last أو ago نختار من الاختيارات الاختيار الذى ينتهى بـ ed
مثال :

He …….. football last week.
a) played b) plays c) will play d) play

*** هناك بعض الافعال الشاذة التى لا تنتهى بـ ed فى الماضى.. من اهمها:
- فعل go الماضى منها went
- فعل write الماضى منها wrote
- فعل see الماضى منها saw
- فعل run الماضى منها ran
- فعل buy الماضى منها bought

سيبك من الرغى ده كله ونيجى للخلاصة :
( اى اننا اذا وجدنا فى جملة السؤال yesterday أو last أو ago ووجدنا فى الاختيارات كلمة went أو wrote أو saw أو ran أو bought نختارها فورا.. واذا لم نجد اى منهم فى الاختيارات ففى هذه الحالة نطبق القاعدة السابقة ونختار الاختيار الذى ينتهى بـ ed )
امثلة :

- I ……… a car a year ago.
a) buy b) will buy c)buyed d) bought

- she ……….. to school yesterday.
a) went b) will go c) goes d) goed

- Ahmed ……… his uncle last week.
a) visits b) visited c) will visit d) visit

*********************************

3) اذا وجدنا فى جملة السؤال كلمة now أو at the moment نختار من الاختيارات الاختيار الذى صيغته على الشكل التالى :

am ('m) +..... +.ing

اذا وجدنا الضمير I فى بداية جملة السؤال

أو
is +.......... + ing

إذا وجدنا اسم شخص أو حيوان او He أو She أو It فى بداية جملة السؤال

أو
are +........ +.ing

إذا وجدنا الضمير We أو They أو أى كلمة جمع فى بداية جملة السؤال.

امثلة :

- she ……….. now with her sister.
a) danced b) is dancing c) are dancing d) will dance

- I ……….. football at the moment.
a) is playing b) played c) are playing d) 'm playing

- the cat ( القطة ) ………… now.
a) eating b) are eating c) is eating d) am eating

- They ……….. football now.
a) played b) are playing c) will play d) is playing

سيبك من الرغى ده كله ونيجى للخلاصة :

** إذا وجدنا فى جملة السؤال كلمة
now أو at the moment
ووجدنا فى الاختيارات اختيار واحد ينتهى بـ
ing
نختاره فورا
** اما اذا وجدنا اكثر من اختيار ينتهى بـ
ing
نطبق الحالات السابقة.

*******************************************

4) إذا وجدنا فى جملة السؤال احدى هذه الكلمات :
Often – sometimes – usually – always – every
فى هذه الحالة امامنا اتجاهين :

- ( إذا كانت جملة السؤال تبدأ بـ He أو She أو It أو اسم علم او اسم شخص او حيوان )
نختار من الاختيارات الفعل الذى ينتهى بـ s

- ( إذا كانت جملة السؤال لا تبدأ بـ He أو She أو It أو اسم علم او اسم شخص او حيوان )
نختار من الاختيارات الفعل بدون اى اضافات ( بدون اى اضافات مما ذكرت فى القواعد السابقة كلها مثل ing – s – will – ed )

أمثلة :-

- He ……… to the zoo every Monday.
a) went b) goes c) will go d) is going

- Amira usually ………… with her sister.
a) a) dance b) will dancing c) is dancing d) dances

- I always ……….. up at 7 o'clock.
a) wake b) waked c) waking d) will wake

بس كده الازمنة الهامة خلصت خلاص..
انا عارف انها تقيلة شوية.. بس لو حفظنا القواعد اللى فوق كلها ان شاء الله هاتبقى سهلة..
ومنتظر ردودكم علشان اشوف هانكمل ولا لأ..
وان شاء الله هاحطلكم قريب اسئلة للتدريب على القواعد اللى شرحناها دى.