<div align="center">لما شوفت الحياة فى لوحة
وردة حمرة فى وسط دوحة
ربيع ونهر وحمام بيطير
حضن كبير وقلوب مفتوحة

مكنتش اعرف

مكنتش اعرف ان النهر كان دموع آهات وهم
وان الوردة لما اترسمت كان اللون هو الدم
والربيع ريح وعواصف سيول
والمطر طيور مدبوحة


مكنتش اعرف

مكنتش اعرف بس فوقت والحقيقة كانت كابوس
انى كنت الوقة البيضة والقلم عليها بيدوس
بسن كان سكينة الم
عشان اكون علطول مجروحة</div>

كلام جميل يابسمة
ربنا يوفقك
سلام

مكنتش أعرف

بس أنا كنت عارف إن إحساسك بالكلمات والتصوير عالي أوي كده يا بسمة

بسم الله ما شاء الله المعاني جميله أوي رغم إن الوزن مش مظبوط أوي

شكرا ليكي
.
.

جميلة جدا يا بسمة :)

احساسها عالي قوي قوي :)

بس الوزن مش متضبط بالذات في المقطع التاني :) ياريت تعدلي فيها شوية يا بسمة :)

جميلة يا بسمة احساسها عالي بس الوزن عاوز يتظبط :)

الله جميل خالص

جميله اوووى يا بسبوسه
ياريت تكتبلنا تانى حاجه وتكون اطول من كده
سلام

شكرا على مروركم يا كلكم انا معاكم الوزن مش متظبط
وباذن الله مشكلة الوزن عندى دى اصلحها انا ناوية بجد اول مخلص امتحانات ادرس عشان احسن
شكرا اوى