|
دعوة لمقاطعة جوجل .. مؤسس جوجل يتبرع لمؤسسة صهيونية .. ؟؟!!
مؤسس جوجل يتبرع لمؤسسة صهيونية .. ؟؟!!
http://up.ur-star.com/files/111872.jpg قدم الملياردير اليهودى من أصل روسى، سيرجى برين، أحد مؤسسى شركة جوجل الأمريكية الرائدة فى مجال البحث عبر شبكة الإنترنت، تبرعا بقيمة مليون دولار لجمعية "مساعدة المهاجر اليهودى" "هياس"، وهى منظمة أمريكية يهودية معنية بمساعدة المهاجرين اليهود حول العالم والتوطن بالأراضي الفلسطينية المحتلة خاصة القادمين من الولايات المتحة. وجاء إعلان المنظمة اليهودية التي تتخذ من نيويورك مقرا لها، عن تلقيها هذا التبرع من برين بمناسبة الذكرى الثلاثين لخروج أسرته من الاتحاد السوفيتى واستقراره بأمريكا، بحسب وكالة "أمريكا إن أرابيك" اليوم الإثنين. وقالت المنظمة اليهودية التى كانت تتوقع مبلغا أكبر من برين، فى بيان لها "إن التبرع صغير، بالنظر إلى ثروة السيد برين الشخصية المقدرة بـ16 مليار دولار، لكنه قال إن التبرع بداية لالتزام متنام منه ومن زوجته، آن ووجيكى، بالانخراط بصورة مادية أكبر فيما وصفه بـ"الأعمال الإنسانية". وتابعت المنظمة التى تقول إنها ساعدت 4.5 مليون يهودى حول العالم، أنه "من دون جمعية مساعدة المهاجر اليهودى، ربما ما كانت وجدت جوجل"، فى إشارة منها إلى أنها ساعدت أسرة برين، عندما كان عمره 6 سنوات فقط على الفرار مما تسميه "العداء للسامية فى الاتحاد السوفيتى" وبناء نفسها فى الولايات المتحدة. لكن برين (36 عاما) قال فى مقابلة بحسب بيان المنظمة السبت الماضي: "لقد تبرعنا بما يزيد على 30 مليون دولار(في وقت سابق)، وهو مبلغ ليس ضئيلا جدا، لكنه واضح أنه صغير بالنظر إلى ثروتنا النظرية". يذكر أن هناك العديد من المنظمات والجمعيات الصهيونية في الولايات المتحدة وأوروبا تقوم بتشجيع اليهود بها على الهجرة للأراضي المحتلة من عام 48 وتوطينهم بها. وكانت إحصائيات سابقة أصدرتها الوكالة اليهودية ووزارة الاستيعاب "الإسرائيلية" قد كشفت عن انخفاض عدد المهاجرين اليهود إلى "إسرائيل" خلال عام 2008 إلى أدنى مستوى له منذ قيام "إسرائيل" على أراض فلسطينية محتلة عام 1948؛ حيث وصل إلى الأراضي المحتلة العام الماضي 13681 مهاجرا فقط، معظمهم من دول الاتحاد السوفييتي السابق. وفي ظل تراجع نسبة المواليد اليهود إلى 1.2% سنويًّا، مقابل 3.94% بين الفلسطينيين، بحسب المراقبين، فإن "إسرائيل" تعتمد في تعويض هذا النقص على المهاجرين اليهود الجدد. وبحسب معطيات تقرير العام الماضي لمعهد تخطيط الشعب اليهودي فإن عدد اليهود الذين يعيشون في العالم و"إسرائيل" يبلغ حاليًّا 13.1 مليون يهودي، منهم 5.4 ملايين في "إسرائيل"، و7.7 ملايين في باقي أنحاء العالم. ***تم تحرير الرابط*** **BaNZeR** -------------------------------------------------------------------------- الكثير سيتعجب من طلبي بمقاطعة جوجل وسيتساءل الكثيرون كيف نتعامل مع البحث عبر الانترنت بدون جوجل لا مشكلة هناك محركات بحث فى نفس قوة جوجل بل وتفوقها فى بعض الاحيان مثل: www.altavista.com www.excite.com وغيرها الكثير والكثير فلما لا يقاطع العرب هذا المحرك بعد وقفته مع اليهود وتدعيمه لهم جربوا ومش ها تندموا |
لا احد يستطيع مقاطعة جوجل
لانه اكبر محرك بحث على مستوى العالم ! |
اقتباس:
جرب ومش ها تندم ياباشا التجربة مش ها تكلفك حاجة |
شوف يا مستر هانى
جوجل شركة كبيرة جدآ اكبر منا ما الجميع يتخيل محرك بحث جوجل هو الاقوى على مستوى العالم خدمة ترجمة الكلمات وترجمة صفحات الانترنت الكاملة المتصفح الشهير جوجل كروم اللى اثبت نجاح كبير الفترة الاخيرة غير ان جوجل بتحضر علشان تنزل operating system جديد باسمها ! علشان كده باقول انه من الصعب ان لم يكن من المستحيل مقاطعة جوجل |
اقتباس:
جوجل ليس فقط اقوى محركات البحث ولكنه من اكبر المواقع عامة ! هذا بغض النظر عن الخدمات التي يقدمها جوجل بجانب أنه محرك بحث مثل جوجل ايرث الذي مازال يتطور بدرجات خيالية وده يعتبر اكبر انجازات جوجل على الاقل في نظري |
اقتباس:
لولا تأكدى مما أقول لما قلته حضرتك استشهدت بجوجل ايرث هناك برنامج لوكالة ناسا بنفس قوة جوجل ايرث هات اى خدمة يقدمها جوجل وسأوجد لك البديل شكرا لمرورك |
اقتباس:
تم تحرير الرابط لأنه يعود إلى منتدى آخر وليس لمصدر موثوق أما ثانياً إذا كنت حضرتك متأكد إنه في مواقع أقوى من جوجل كمحركات بحث فياريت حضرتك تذكرلنا الدليل او اي علامة توضح ذلك واحد زيي عمره ما سمع عن المحركين دول ده كله باعتبار إنه فعلاً دول تبرعو لليهود بحاجة وإنه الخبر صحيح ولو كان صحيح يبقى ياريت كل واحد عامل ميل عالياهو يشيله خالص عشان الياهو موقع يهودي مش بيتبرع لليهود وبس ثالثاً ومن ناحية البرامج إذا كان جوجل وفرلي البحث والترجمة وبعض البرامج المفيدة في موقع واحد فأكيد ده حيكون افضل من إني اجمع كل ميزة من موقع آخر بس مش هي دي اللى حتعمل مشكلة حالياً فسيبنا منها |
اقتباس:
بجد ده حاجة خرافية |
لو مشينا على كلامك يبقى هنقاطع النت كله تقريبا او نصفه
فعلا فى خدمات بتقدمها جوجل ليها بديل بس فى خدمات بتقدمها جوجل مش بنفس قوه البديل ليه و اعتقد برضو ان كل شركه على الانترنت اكيد ممكن تلاقى فيها يهود و يمكن برضو بيتبرعو لليهود و الرسول صلى الله عليه و سلم و الصحابه كانو بيتعاملو مع اليهود فى البيع و الشراء و هتلاقى احاديث كتيره بس طبيعى انه يعمل كده و لو حد مكانه كان هيعمل كده و لو هو معملش غيره بيعمل الافضل من المقاطعه ان احنى نعمل خدمات زيهم و فى مقدرتنا نعمل كده و فى افكار كتير بس مش هتلاقى رجل اعمال يجازف فى حاجات زى دى موقع مكتوب بيقولو انه اتباع لشركه الياهو بـحوالى 80 مليون دولار و اكيد هتلاقى موظفين يهود فى شركه yahoo فهل سنقاطع مكتوب ؟؟؟ يعنى حتى الموقع العربى الى كان بيحاول ينافس الخدمات الاجنبيه فى الساحه العربيه اتباع للاجانب مع انها اكبر شبكه عربيه على الانترنت و ضامه منتديات و مواقع كتير و كبيره !!!!!!!! |
مستحييييييييييييييييييييييييل جوجل ده شيء أساسي ع النت جوجل ده حجر الأساس على النت فيه محركات بحث كتير أه بس عمرها ما تكون مثل جوجل |
اقتباس:
فالنت أخى الكريم ملئ بالعجائب فكما أن النت عجيبة كما يتخيل البعض فهناك ما هو أقوى منه فى العجائب وجرب وشوف بالنسبة للترجمة الل حضرتك بتقول عليها جرب التا فيستا ها تلاقي فيه العجائب والترجمة اللى بتقول عليها |
اقتباس:
|
اقتباس:
ثم احكم بعدها |
اقتباس:
وبرده مأكدتش ليه المواقع دي اكبر من جوجل وفي ايه وازاي ***** مش حكاية انا مسمعتش عنهم عشان انا مش متخصص عارف حضرتك جوجل والياهوو عاملين زي بابا وماما عالنت اي واحد مبيفهمش عالنت ولا دخله حيقولك اكتب اللى انت عايزه في جوجل وحتلاقي مليون موضوع وحيقولك اعمل ايميل عالياهوو وكلمني عليه دول بقو اساس او عصب النت لأي واحد بيدخل عليه مفيش حد مبيدخلش عالنت ميعرفش الاتنين دول عن نفسي دول الاسمين الوحيدين اللى كنت اعرفهم قبل ما يدخل الكمبيوتر حتى عندي البيت يعني لازم حضرتك عشان تلغي الفكرة دي من دماغنا تجيب حاجة ذات مفعول قوي فعلاً يعني عارف لو قلتلك في منتدى اسمه س احسن من المنتدى بتاعنا ده حقولك جربه وحتلاقيه حلو انت مش متمسك بهنا اوي فحتجربه حيعجبك حتسجل فيه لكن موقع عاطيك كل المميزات واللى مش موجودة في اي حتة يبقى حضرتك لازم تجيب حاجة مقنعة وجبارة عشان نسيب موقع زي ده انا جربت محرك البحث اللى فوق ولقيته موقع عادي بل اقل فاهم حضرتك الفكرة ثم إنه كل اللى بنستعمله من اكبر المواقع إن لم تكن يهودية فهي امريكية وفي النهاية كله حيصب ضدنا يبقى انصح حضرتك تلغي كل تعاملاتك مع النت خارج المنتديات وبرده كل كلامي ده افتراضي قبل ان اتأكد من الكلام ايه اللى اكدلك إنه جوجل بيتبرع لليهود وإنه الموقعين التانيين دول مش يهوديين اصلاً ؟! |
سبحان الله ولا حول ولا قوة الا بالله
(اتفق العرب على الا يتفقوا ) يا جماعة الاستاذ قال معلومة عايزين تستفيدوا بيها اهلا وسهلا مش عايزين خلاص ايه المشكله خبر زي اي خبر ايه المشكلة ما نستبدل الجوجل بموقع بحث تاني يمكن يكون اضعف ولا اقوى مش هي دي المشكلة طيب الاغاني اللى كنا بسمعها حرام استبدلناها بالاناشيد مثلا ماهية مش زيها بس اهي تمشي الغرض واللى مش قادر هو حر يسمع اغاني زي ما هو عايز حتى لو كانالبديل اقوى يبقى خلاص :d:d:d:d:d |
| جميع الأوقات بتوقيت GMT +2. الساعة الآن 02:02 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.